Amos 2:11 - Ohiatonhseratokénti

¹¹ Tánon tsi waʼkheiehiá꞉ron ótiaʼkeʼs ne ietshiioʼokón꞉ʼa ne rotitokénhse ahón꞉ton tánon ótiaʼkeʼs ne kenʼnithotiión꞉sa ne Naziritró꞉non nahatiiaʼtoʼténhake Iáh kwáh eʼthó té꞉ioht, O Israel? rá꞉ton ne Roiá꞉ner.

Amos 2:11 ပူးပေါင်းရင်းမြစ်များ

1 Kings 17:1

Né rotó꞉kense Elijah ronhwáiasts, né꞉ne Tishbe nónhwe nihanákere né꞉ne Gilead ahonhtonhwenhtsáke, wahawénhase ne Ronhnonhtí꞉io Ahab, “Raosénhnakon ne Roiá꞉ner, né ronhnhehónwe sako Ní꞉io Nisraerʼró꞉nonke, tsi nikáien rihióthenhse, Wakonhróri tsi kwáh iáh tahonsahioháweʼiaste khés nahiokénhnore né꞉ne tékeni khés násenh nihioseráke nikaríhwes tsi nióre ienskíronh thóh nahonsahiáwenhne.”

1 Kings 18:4

tánon nó꞉nen ne Jezebel sihononhwarhiákonsʼkwe ne Roiá꞉ner rahonkwéta rothokenséhaʼkwe, né Obadiah enskatewenhniáwe niháti iashakohiathénhawe, osthenrokónhsons waʼsakohiathasethánion tekenhtsókwahkes washakotsiokónhni wísks-niwásenh nihá꞉ti ne skenhtsiókwah, tánon waʼshakonónhthen ó꞉ni wasakonekánonhte.)

1 Kings 19:16

Tsató꞉kast né Jehu né꞉ne roʼníha ne Nimshi né꞉ne ronhnontí꞉io Nisraerʼró꞉nonke, tánon tsató꞉kast nònhne ne Elisha né꞉ne roʼníha ne Shaphat né Abel Meholah nónhwe nihanákere né꞉ne teshianakthákwen tsi satokenséhakwe.

1 Kings 20:13

Kwáh kènhnahe, rothó꞉kense Ronhnonhtiioke Ahab niaháre tánon wahénron, “Ne Roiá꞉ner ráton, ‘Tó꞉sa sheʼtsánik thíken kenhtsiokowánen ronhterí꞉ios! Entkónhion naʼtesenhniétsera nónhwa wenhniseráthe, tánon kíʼ ensateriéntharaʼne tsi Í꞉i ne watiá꞉ner í꞉ken.’”

1 Kings 20:35

Tsi ki nihorihwatháton ne Roiá꞉ner saiáta rahiátare ne rahothitsiókwahkon ne rotitókense wahó꞉nahne né ronaténhro rotó꞉kense nahokónhreke. Ók iáh né tehothontháton,

1 Kings 20:41

Ne rotó꞉kense taharátionhte noniataráha ne rakonhsáke, kwáh óksaʼk ne ronhnonhtí꞉io wahoiénterenhne tsi né꞉ne énska ne rotó꞉kense nahahiathó꞉ten.

1 Kings 22:8

Ahab watharihwaseráko, “Shé꞉kon saiáta rothathénron, né꞉ne Micaiah né꞉ne roʼníha ne Imlah. Ók kíʼ ríhsons nenhné꞉he tsioríhwa tsi iáh nonhwénton tsehorihwáken né thènen ahioianeréhake nakerihwáke; tiotʼkonhónwe knahótenk karihwahétken í꞉ken.” “Iáh tehiówenk né꞉ne ashí꞉ron!” ne Jehoshaphat watharihwaseráko.

2 Kings 17:13

Né Roiá꞉ner iehoteniéton ne rahonkwéʼta rarihwakaré꞉nies ó꞉ni ne rotó꞉kense nashakoronhkáten Nisraeʼró꞉nons tánon ne Judah: “Sewatsakwahríhsi tsi nisewaweienhnáksens tánon takwahwénhnarak, tsi thóh nón꞉we niwatá꞉rons ne kaianerenhserákons ne tekheiáwi ne sewasókʼtseras tánon tsi nitkwahwíʼons rahonháke nakenáhtseras ne rotiʼtó꞉kense.”

2 Kings 6:1

Énska nènhneʼe tsi ratitsiókwahien ne rotitókense né꞉ne Elisha ranenhrakwení꞉io wahonwariwaʼkátatʼtse, “Tsi nónhwe nihiakwénhteron sóhtsi nikanaktáha!

2 Chronicles 36:15

Né Roiá꞉ner, né sako Ní꞉ioʼkwe ne sakotisotʼthonkonhkénʼen, iehokonhthá꞉kwenʼne ieshakoteniéthakwe ne rotiʼtokenhséhakwe nashakonaronhkáten né raʼonhkweʼshón꞉a, tsioríh꞉wa tsi tehotonhontsóniʼne nashakonónsthate ó꞉ni Nononsatokentiʼkówa.

Jeremiah 11:21

Nonhkweshón꞉a ne Anathoth tehonahthonwenhtsióniʼne nahionkenonhwarhiákonʼke, tánon wahonkró꞉ri tsi enhionkenonhwarhiákon tó꞉ka ientkónhthakwe nakateriwanhóten ne Roiá꞉ner raotheriwahnhotátshera.

Jeremiah 2:31

Israerʼró꞉nons, sahtahónshatat tsi nikáton. Tsi kénh ní꞉ioht ne kahráhkon thóh nitsiathótenʼne tsi nòkwah ní꞉se, tsi ní꞉ioht ne tetiókahras ó꞉ni iotonwenhtsiátʼteron? Nonhtséren, káti, tsi sáhton tsi thóh nénhsehre tsi nenhtesehnónhwehʼne, kwáh iáh nonhwénhton íhne nòkwah tahthahóntahse?

Jeremiah 2:5

Ne Roiá꞉ner ráton: “Nahó꞉ten tsi ionkerihwahrhóskwe ne ietʼtsisotʼthonkonhkénʼen? Nahó꞉ten wahkarihónni tsi wahonkatʼkahratéhni? Ne konhwaʼsennahiénʼskwe ne iáh thènenh tehioríhonte kahiatónni tánon ne iatewatʼthéni ronónha ó꞉ni iáh thènenh teshathiriwásthaʼkwe.

Jeremiah 26:11

Ethóhʼne ne rothikháres ó꞉ni ne rotitó꞉kense wahonwénhnenhse ne ohénton iehonnhéton ó꞉ni nonhkweshón꞉a, “Kí꞉ken rónhkwe tehoténtion nahonwaʼnonhwahrhiákon tioríhwa tsi wahatkónten nonhkwanáta. Kwáh tsi tesehwahonthaʼkáronthe watsisehwatʼthónteʼne.”

Jeremiah 7:25

Ne tewenhnisehráhthekwe ne ietʼtsisotʼthonkonhkénʼen shontahathihiákenʼne ne Egypt tsi nióre nónhwa wenhnisehráte kwáh tiókonthe tsi iekhehiateniéthakwe nakenahtsheraókons, ne rothitó꞉kense.

Lamentations 4:7

Nontionkwéta ne iesennowánen iáh tehiontatʼtet kenton tánon kwáh shékon aóskon naheiathóten tsi ní꞉ioht nó꞉niete, hiakothonnhatakaríte tánon iesáste, ó꞉ni teiakoswátʼte nathakaritétsera.

Micah 2:6

“Tó꞉sa iaserihwá꞉ken”—nek kík sáka iehatirihwákens— “Iáh tehió꞉wenk ne iahatirihwà꞉ke kí nahorihoʼténhsons khés ne natehénsera entionkwahró꞉rohke.”

Acts 4:18

Sók kíʼ ionsahonwatínonke tánon wahonwatiróri kwáh iáh othènen tewatsʼterístha nahóten akénhake tóhsa tiatʼretiáron tókaʼ ó꞉ni aietʼtsirihónʼnien ne rahosénʼnakon ne Ié꞉sos.

Acts 5:28

“Kwáh ioníron tsi nih hionkwariwáston ne tóhsa ahonsaietʼtsirihón꞉nien thóh rahosénʼnakon kí꞉ken rónkwe,” wahénron; “nók satkátho tsi niseníʼiere! Kwáh watiʼtiaréniaʼte tsi waʼheʼtsirihónʼnien ne Jerusalem, tánon í꞉seneʼre i꞉i ahontaskwáraʼse tsi rawenhéion!”

Acts 7:51

“Tsi nisanontsistaníron!” ne Stephen hiahatasónteren tsi róhtare. “Tsi niseweriasák꞉sens, tsi naʼtesewahontakwékon tsi nòkwa ne Rawení꞉io rahoteriwanothátsera! Kwáh tsietʼtsiʼiéren ne ietʼtsisottonkonkén꞉ens: í꞉se ó꞉ni iáh nonwénton thetsisewawenʼnarhákwen ne Ronikonratokénti!

Deuteronomy 18:18

Kwáh iekheiaʼteniéhtase ne rotokénse tsi ní꞉se ní꞉ioht ne kwáh ne sahatihiá꞉ta enkénhake; kwáh enhiró꞉ri tsi nahoʼténson enhenrón꞉nion, tánon kwáh orihwakwé꞉kon enshakohró꞉ri nonhkweshón꞉as tsi niwá꞉ken.

1 Samuel 19:20

Eʼthó꞉ne ne Saul iashakoténiete ratirihwaróroks nahonwenhnónksa ne Táwit. Nó꞉nenh shasakótiken ne kenhtsió꞉kwas ne rotitó꞉kenhse tsi tiatehononhnarihénʼen, ne ne Samuel tesakoniaró꞉taron! Ne ronónha, ne raonikonrí꞉ioston ne Ní꞉io wahotírahne ne raonkweʼtashón꞉ʼahs ne Saul, tánon ronónha ó꞉ni tsitʼtsahatiʼieráhnion tsi iahatirihwakénhseron tiatehononhnarihénʼen.

1 Samuel 3:20

Tánon onkweʼtakwé꞉kon NʼIsraerʼró꞉nonke thóh thontásawenh Dan tsi nió꞉re ne Beer-sheba iakoteriéntaraʼkwe nètho Samuel tsi roriwatóken tsi roteriwanhotánis ne Roiá꞉ner.