Amos 2:10 - Ohiatonhseratokénti

¹⁰ Kwáh ó꞉ni tetkoniaʼtinekénhen ne tsi tiohontsá꞉ien ne Egypt, tánon waʼkonhén꞉teʼse kaié꞉ri niiohseráhsen nikarí꞉weʼskwe ne iaonhwentsathenhá꞉ke, ne naesawenkhón꞉weke tsi rononhontsá꞉ien ne Amorʼró꞉nons.

Amos 2:10 ပူးပေါင်းရင်းမြစ်များ

Nehemiah 9:21

Kaié꞉ri-niwáhsen nihioserá꞉ke nikarí꞉weskwe ní꞉se tashehiatʼká꞉wen tsi natehonatonhontsó꞉nis thóh iahonwenhtsaténhake, káti kwáh iáh othé꞉non tethonatoʼtahní꞉kwe. Ne rahonaʼtsherónhnia iáh nonhwénton tehiokahiónhon, tánon iáh tehonarashí꞉to.

Psalms 95:10

Asèken kaiéri niwáhsen niʼioseráke kenakwáhsene nètho onkweshón꞉has waʼkíron, “Né꞉ne onkweshón꞉has né iáh tehiakorihwaʼtóken, tánon iáh tehonthóntats nahontewénnahrakwe nakerihwatatʼtséras.”

Exodus 12:51

Thóh wenhniseráteʼkwe ne Roiá꞉ner thasakohiaʼtí꞉nekenʼwe ne lsraeró꞉nons rahoʼtiʼtiókwas ne Egypt nónwe.

Exodus 20:2

“Í꞉i ne Watiá꞉ner Sewaní꞉io tsi nikáien ne tethiaiathinekènʼen ne Egypt, tsi nónhwe tshieʼsanaskonhníʼne.

Exodus 3:8

Tánon káti takátsʼnenhthe nahonsakʼkheniáʼkenthe tsi nòkwah ne Egyptró꞉nons tánon ne tahontaʼkhehiaʼtínekenʼwe ne Egypt nónhwe thóh nienkhehiaténhaʼwe tsi nónhwe tionhontsowáhnen, tsi nikáien ne ionhontsàreʼsen ó꞉ni ionhontsí꞉io tánon tsi nónhwe né Canaanites, ne Hitró꞉nons, ne Amorʼró꞉nons, ne Perizró꞉nons, ne Hivró꞉nons, tánon ne Jebusites ó꞉nen nihatináhkere.

Jeremiah 2:6

Kwáh iáh othèʼnenh kahriwahʼtetionkónhnisʼkwe, ethohʼsáne sehkheniakénhton ne Egypt nónhwe tánon wahkhehiasáhrihne iatsiatsótʼkaʼwe ne kahentahkeʼkówa: né ionwenhtsiáien né꞉ne iahonwentsiát꞉ten tánon onesahrónkwa ioshonʼwénion, iostátʼten ó꞉ni iothonwenhtsiátʼteron thóh nónhwe iáh ónhka tehienáhkeʼre ó꞉ni kwáh iáh ónhka tehiontohétsta né nónhwe.

Ezekiel 20:10

“Tánon káti takhehiatínekenhwe ne Egypt kahentakekó꞉wa niaʼkhehiaténhawe.

Amos 3:1

Sewatahónhsatat kí꞉ken owennáʼshón꞉ʼahs ne ne tsi nihotatí꞉ʼon ne Roiá꞉ner tsi nokwáh ní꞉se, O tsón꞉kwe NʼIsraelronón꞉ke, kwáh iehwatsirakwé꞉kon tsi tetkwaiaʼtinekénhen tsi tiohontsá꞉ien ne Egypt:

Amos 9:7

Iáh ken í꞉se téken ne Ethiopiaró꞉nons nakonháke, Otiónkwe Nisraeró꞉nonke? rá꞉ton ne Roiá꞉ner. Iáh ken Í꞉i tatekhehiathénha nʼIsraerʼró꞉nons ne tsi tionhontsá꞉ien ne Egypt, tánon ne Philistiaró꞉nons ne Crete tánon ne Aramró꞉nons ne Kir nón꞉we?

Micah 6:4

Asè꞉ken tetkwahiathénha ne tsi tiohontsá꞉ien ne Egypt, tánon skwahiathákwen ne tsi kanónhshote ne iakonaskón꞉nis; tánon iekheiateniéton sahén꞉ton ne ne Mahís, Aaron, tánon ne Miriam.

Numbers 13:32

Káti ohnó꞉wenh wathonterihwaréniaʼte tsi ratinákeres NʼIsraerʼró꞉nons tsi nó꞉kwah nonhóntsa iehonatkénhse. Wahonhníron, “Nètho ohóntsa akwékon iáh tshiatekaiéri tsi níkon tkáhas nahiakónonhte né nónhwe niʼienákere. Ratiʼkwékon ne wahakhíken kwáh íken tsi ratinenhiésons,

Numbers 21:25

Káti NʼIsraerʼró꞉nons akwékon niahatiʼiéna ne Amorʼró꞉nons rahotinatowánens, thóh íkare ne Heshbon tánon akwékon ne aktónhtsies kanataiéntons, tánon thóh nónhwe nahonhnátaien.

Numbers 32:13

Ne Roiá꞉ner washakonákwahse nonhkweshón꞉ʼas tánon washakahónhnien wahotinatenhawíson ne karakonhkówa né꞉ne kaiéri niwásenh nihiosehráke nikaríhwes tsi nióre ne kwáh kanenhrakwékon ne ronwanikonhrakʼsháton ronenhéion.

Acts 13:18

Tánon káti kaiéri-niwásen niʼioseráke nikaríwes sakonikonraráhtieskwe ne kahentakekówa.

Acts 7:42

Káti ne Rawení꞉io ahéren wárete tsi non nihónnes tánon iasakótkaʼwe neh꞉ne ahonsakonwasén꞉naien ne tsi iotsistokwarónnions ó꞉ni ne tsi karonhiáte, kwáh tsi ní꞉ioht tsi kahiáton ne kahiatonserákon ne rotitokénses: ‘Tionkwe Nisraero꞉nons! Iáh i꞉i takenhake nètho í꞉se ietsiʼiateskonte katʼtsenen ne kaiéri-niwásen niʼioseráke tho nón꞉we iahontsiaʼthenhake.

Deuteronomy 1:39

“Ethò꞉ne ne Roiá꞉ner tewakwé꞉kon tsi washonkwénhase, ‘Ne ietshihienʼokónha, sóhtsi shé꞉kon ken nithotihiónha nahonateriénhtarake tsi natetiaʼtíhen ne tkariwaié꞉ri tánon ne wahétken, iehontawehià꞉te tsi tionhontsá꞉ien—ne ratiksaʼokónhas sewá꞉ton né꞉ne tesewatà꞉tsons enhonwatihié꞉na. Ronónha enkhehionhóntson, tánon ienhatinahkerè꞉ke.

Deuteronomy 2:7

“Sehwehiá꞉rak tsi ní꞉ioht ne Roiá꞉ner sewaNí꞉io tsi eʼtsisewahiataʼteríston né kwák tsi nahisehwatiérake. Waʼtsisewatenhnikònhraren tsi watesewatawénhrie tsi niahí꞉sehwe ne kén꞉en ne tehiotenonhianì꞉ton ahonwenhtsiathèn꞉ke. Sehwakwekonʼhátieskwe né꞉ne kaiéri-niwáshen nihioserà꞉ke nikarí꞉wes, tánon akwé꞉kon niesehwaiéntaʼkwe tsi natesehwatonhontsóni.

Joshua 13:4

Tánon shé꞉kon akwé꞉kon ne Canaanites rahotinakeráhseras, ó꞉ni ne Mearah (né꞉ne rahononhóntsa ne Sidonró꞉nons), tsi nió꞉re ne Aphek, né꞉ne tsi tonateristatátie ne Amorʼró꞉nons;

Joshua 24:8

Ethòne thóh nónhwe niakwahiatenhawe rahó꞉nonhontsakes ne Amorʼró꞉nons, né꞉ne nàkon nòkwah ratinakeré꞉kwe ne Jordan. Wesehwateriio, ók thakwahion natesenhnietshera tsi wahéʼtsisenhni. Wesehwatienawasthe ne rahó꞉nonhontsa, tánon wakhehiathonthe tsi niahisewe.