Amos 1:4 - Ohiatonhseratokénti

⁴ Ká꞉ti ó꞉tsire ienkaténniehte tsi thonónhsote ne Hazael, tánon kwáh enwátshaʼahte ne tsi roteʼèn꞉rote ne Benhadad.

Amos 1:4 ပူးပေါင်းရင်းမြစ်များ

1 Kings 19:15

Né Roiá꞉ner wahénron, “Karákon nionhsáse ákta ne Damascus, ethòne iasenatháran tánon iatsató꞉kast ne Hazael tsi rononhtí꞉io í꞉ken ne Syrianke;

2 Kings 13:25

Ethó꞉ne né Ronnontí꞉io Jehoash Nisraeʼró꞉nonke waʼhosénh꞉ni ne Benhadad né náhsen niahón꞉teraste tánon sahaiéna ne kanatowánen né꞉ne Benhadad roienáhonhne tsi nikaríhwes ronontí꞉iokwe ne Jehoahaz, né roienkénʼen ne Jehoash.

2 Kings 13:3

Káti ne Roiá꞉ner waʼsakonákwahse Israerʼró꞉nons, tánon waʼhoríhon ne Ronnontí꞉io Hazael ne Syriaró꞉non tánon ne roʼiénha Benhadad né kwáh tiókonte tsi ashakosénhniensehke Israerʼró꞉nons.

2 Kings 6:24

Ostón꞉a onakènʼke ne Ronnontí꞉io Benhadad ne Syria wahonénʼriʼne ne raonkweʼtaʼsón꞉as ronterí꞉ios niasakotsatónti Israerʼró꞉nons tánon waʼtanatháʼnaʼke ne kanatowanénke ne Samaria.

2 Chronicles 16:2

Ká꞉ti ne Asa iahá꞉ko ne kawistarákens ó꞉ni nowistanórons ne tsi ratiwistaienthákwah Nononsatokentiʼkówaʼne ó꞉ni ne kanonhtiʼiotserákon tánon Damascus nón꞉we iahaténiete, tsi thénhteron ne Ronnontí꞉io Benhadad néne Syriaró꞉non, skát꞉ke kí꞉ken naterihwanothátshera:

Jeremiah 17:27

Ók ónenk tsi enhionkewénhnarahkwe tánon enhatikwéniensʼte ne tsatákhaton nónhta ne tsi iawenhthatokénti. Kwáh iáh tehiówenhk ne thènenh ahathikaréni ne iorhiénatsthe ne tahonnhóhetsthe tsi iotenhenrahkáronthe ne Jerusalem né nenhwenhniseráhteke, asèken tó꞉ka éhtho nenhatíhiere, kwáh enkahté꞉kaʼthe ne tsi iotenhenrénton ne Jerusalem. Enwahtenonhkwentsahatónhake tsi rotinonhsóhtons ne rontinonhtí꞉ios ne Jerusalem, tánon kwáh iáh ónhka thahiekwéni nahiónswahthe.”

Jeremiah 49:27

Entsiró꞉ten ne tsi tewahsónhthoʼte ne tekanahtanátʼton ne Damascus tánon enkatenonhkwáhtektaʼnion ne Ronhnontí꞉io Benhadad tsi ronnónhshoʼte. Í꞉i, ne Watiá꞉ner Keshastsʼtenserowáhnen, wakatáti.”

Ezekiel 30:8

Nónenh entʼtsiró꞉ten ne Egypt tánon ratikwékon ne tkonwáhnes ronhwathinonhwahrhiáʼkon, ethòne enhonahteriéntahrahne tsi Í꞉i ne Watiá꞉ner.

Ezekiel 39:6

Kwáh entʼtsiró꞉ten ne tsi ionhwenhtsáien ne Magog tánon tienwahkwékon ne atsiathóntses tsi nónhwe nihienakerénion nonhkweshón꞉ʼa né iáh tatehonwahthinikónhrahre, tánon kwáh onhkwetakwékon enhiakoteriéntarahne tsi Í꞉i ne Watiá꞉ner.

Hosea 8:14

Ne Israerʼró꞉nons ronwahiatanikonrénhen ne sakoiatí꞉shon, tánon kanonsanó꞉rons ronatenonshonhniá꞉nion; tánon ne Judah wé꞉so nenhʼné꞉e tsi iakaiestánion watkanatanakʼkon ne kanatowanénkens; ók ó꞉tsire kí nenhné꞉e ienkaténiete nahonatákons, tánon enwatsahathánion ne tsi wathenhenró꞉tons.

Amos 1:10

Kwáh katíʼ ienkaténniehte nó꞉tsire ne tsi watenʼèn꞉rote ne tekanatahnákton ne Tyre, ó꞉tsire enwátshaʼahte ne watenʼèn꞉rote.

Amos 1:12

Ká꞉ti kwáh ó꞉tsire ienkatenniéhten ne Teman, tánon ó꞉tsire enwátshaʼhte ne tsi watenʼenhró꞉tons ne tekanatahnáktons ne Bozrah.

Amos 1:14

Kwáh katíʼ enkhtsiró꞉ten ne tsi wateʼèn꞉rote ne Rabbah, ó꞉tsire enwátshaʼahte tsi watenʼèn꞉rote ne tekanatahnákton, teniakohén꞉rehte ne wenhniserá꞉te nenionterí꞉io, ne nenkawerowanénhake né꞉tho enwenhniserá꞉te tsi tenkaweratá꞉se;

Amos 1:7

Ká꞉ti kwáh ó꞉tsire ienkaténniehte tsi wateʼèn꞉rote ne tekanatahnákton ne kanatowanèn꞉ke ne Gaza, ó꞉tsire enwátshaʼahte nétho watenén꞉rote.

Amos 2:2

Ó꞉tsire ienkatenniénhten ne Moab, tánon kwáh enwátshaʼahte tsi watenʼènhró꞉tons ne Kerioth, tánon ne Moab kwáh enkénheie thóh shaʼtekanenhrí꞉hen tsi nateiakohenréhtha, thóh tsi satekanenhrihen tsi tehiakohenréhtha tánon tsi nikontiwèn꞉note ne iehonrawatstáhkhwa;

Amos 2:5

Katíʼ kwáh ó꞉tsire ienkatenniéhten ne Judah, tánon ne enwatshaʼáhte ne tsi watenʼenhró꞉tons ne tekanatahnáktonʼs ne Jerusalem.

Judges 9:57

Tánon kíʼ ó꞉ni ne Rawenni꞉io washakahónhnien ne ronhnónhkwes ne Shechem nahatironhiáken tsi nòkwah ne rahotirihwaneraháktsheras, kwáh kíʼ tsi ní꞉ioht ne Jotham, né꞉ne Gideon roiénha, tsi nihó꞉nen nó꞉nenh enhonwatiréwaʼthe.