Amos 1:14 - Ohiatonhseratokénti

¹⁴ Kwáh katíʼ enkhtsiró꞉ten ne tsi wateʼèn꞉rote ne Rabbah, ó꞉tsire enwátshaʼahte tsi watenʼèn꞉rote ne tekanatahnákton, teniakohén꞉rehte ne wenhniserá꞉te nenionterí꞉io, ne nenkawerowanénhake né꞉tho enwenhniserá꞉te tsi tenkaweratá꞉se;

Amos 1:14 ပူးပေါင်းရင်းမြစ်များ

2 Samuel 11:1

Ne shiʼkokwiténe ne ne shiʼioseráte, thóh nikaháwi ne rontinontí꞉ios ateriʼioserá꞉ke niehonhnétha, ne Táwit iahoténiete Joab néh ahónhne ronaterihóntons tánon ratikwé꞉kon Israerʼronónke raónha ahónhne; washakonátonhte ne Ammonró꞉nons, tánon wahonwaiéna ne Rabbah. Ók ne Táwit thóh Jerusalem ít꞉res.

2 Samuel 12:26

Nón꞉wa ne Joab iahaʼtashón꞉teren wahonterí꞉io ne Rabbah, Ammonró꞉nons ne ne raotinatakweni꞉io íken, tánon wahatiénawaste ne kanontiʼiótsera aonatowanénhke.

2 Samuel 12:31

Ne raónha tasakoiatínekenʼwe nonkweókons neh thóh nón꞉we nihónhneskwe, tánon wasakohiótenste tashakosarawíhon tánon ne karístatsis oweiónhtas tánon ne karístatsis ató꞉kens, khéhs ne washakoioténhseron ne tahatitstenhró꞉tas. Tsiakariwakénhniate ètho naháiere kwáh tsi niaʼtekanátakes ne raotinatowánenhs ne Ammonró꞉nons. Ehʼthóhʼne ne Táwit tánon ratikwé꞉kon ne onkweshón꞉ahs thóh nionsahónhne Jerusalem.

1 Chronicles 20:1

Nó꞉ia tonhsahiokennónhti, ehʼnikahá꞉wi ne tsi niʼiósheres ne rontiʼnontí꞉ios shewaʼtséren enhonteriʼiósera, né Joab iahanenríhnekenhwe ne ronhterí꞉ios tánon iashakonenhrénhten ne tsi tewatonhontsáien ne Ammon; né Ronnontí꞉io Táwit, ethohʼsáne, Jerusalem né nón꞉we tenhterón꞉taʼkwe. Waʼkonwaiéna ne kanatowaʼnénhke Rabbah, iakonwatsatónh꞉ti, tánon wahatinahthéntʼtho.

Job Tánon ne Raoronhiakensera 39:25

Nó꞉nen ne iehonrawátsta enwatá꞉ti, tenhonhonkwí꞉saron ‘Aha!’ Kwáh ahí꞉non nió꞉re tsi enhotíswenh naterihió꞉sera, tsi nihotirítstare ne ratinenrakwehní꞉ios tánon tehotihenrétha.

Psalms 83:15

sehiatekwát né꞉ne sáwenk kawerashástste í꞉satst tánon né sehteronkwáhten ne tehiotenonhianíton sáwenk kawerashástsʼte.

Isaiah 29:6

Ní꞉se kwáh enianatarénase ne Sakoiá꞉ner ne ronterí꞉ios ratironhiakeró꞉nons né entahá꞉wite ne kawéhras tánon ne tahiahontsishónkwa tánon kowánen tsi nathenhiotón꞉hare, ne entahá꞉wite ne katsiskahionhniátha tánon ne iowerashátste, tánon notónhkwah ne watóntha ótsire.

Isaiah 30:30

Tánon ne Roiá꞉ner kwáh ne enkarihónni ne kwáh í꞉ken ioràse raowénna nahiakothónhtene tánon tsi nontaiawenonhátie nahiakokónhreʼke ne ranentʼtsàke nahiontkátho, thóh aterhiatitkonhtseràkon ne kanakwáhtshera tánon ne iotónhkote ne watʼtsahátha ótsire, ne entkènete tsi nentkanakwahweron tsi nenhiokénhnore tánon thenkaweratáse ó꞉ni enhiowisónhti.

Isaiah 9:5

Asèken akwé꞉kon ne raonhatashón꞉áhs ne ronterathaientáʼnionre ne ronterí꞉ios tánon akwèkon ne ahtseronniátsheras kawenónhni onekwensá꞉ke kwáh kí enwatsahá꞉tonke tsi ní꞉ioht noièn꞉te thóh otsirá꞉ke.

Jeremiah 23:19

Ne raonahkwáhtshera tekawerahthaséhtha, tehiowerahnónhiani tenʼkawerahtáseh raoʼtinonhtsisthakenhiátʼtions ne rononhkwetaʼhétkens,

Jeremiah 49:2

Ók táwe ne kawistáheks nónenh kwáh enkhehiónʼnenh nonhkweshón꞉a ne tsi kanatakweʼní꞉io ne Rabbah nahonatʼthóntheʼne tsi nihioronhkwéntstahre tsi wahterí꞉io, tánon kwáh káiaʼse enwáhton tánon nahonahtaʼshónʼas okenráhke enhionhníhake tsi enwatʼtsahátonke. Ethòne ne Israerʼró꞉nons enshatiʼiéna ne raononhontsaʼshón꞉a enshonwahtíkwah tsi nikáien ne ronhwahthiʼnénhskwenʼne.

Ezekiel 21:20

Ne tiohá꞉ʼa ne nawéneste ne Ronhnontí꞉io tsi nieiawénonh tsitʼkanatowáhne ne Ammonró꞉non né꞉ne Rabbah, tánon nó꞉ia né: nènhne tsi nieiawénon ne Judah, tsi tekanathá꞉nen nosténra watenhénroʼthe ne kanatowahnénhne ne Jerusalem.

Ezekiel 21:22

Nónwa! Ne saweienthethá꞉kwen nahatsanáti roienahwáhkon ne kaiénkwire ne kahiáton ‘Jerusalem’! Roróhris niáre tánon rakwahthakwenháton ne ioteriʼiosthá꞉kwas askwènhnas, tehohénret ne ionteriʼiosthá꞉kwáh, rahkéron ne ionteriʼiosthá꞉kwas askwènhnas ákta ne tsi iotenhenrahkarónhtons, ne nahokenronhtsésheron, tánon taronhtsákonh.

Ezekiel 21:25

“Tsionkwetaksénhskwa, iáh tetionkwetatokéntis sewahkó꞉ras ne Israelke, ne sehwenhnísehra, ne wenhnisehráhte nokakènhkha ne sewahrewahthá꞉tshera, tsi táwe.

Ezekiel 25:5

Kwáh né enkón꞉niate tsi kanató꞉wahne ne Rabbah thóh nónhwe nakonhwathiteronhtákwahke ne iotiniakwáhere, tánon ne tsi kanakerahsehráien ne Ammon thóh nènhʼne nónhwe ne teiotinakaronhtónhʼa nenhkonhwahtiʼteronhthákwahke, ne káti nahisehwateriéntarane tsi Í꞉i ne Watiá꞉ner.

Ezekiel 25:7

Tioríhwa tsi étho nesehwáiere, kwáh kíʼ ienkwahtsakwahrí꞉shiaʼse naktéson nónhwe tatinahkerahseráhiens ronónha enietʼtsinenhskwenháton ó꞉ni enietʼtsihiatiéronhkwe. Thóh nióre tsi enkwahriwáhthonthe iáh shé꞉kon tahisehsewahtiokwahiénthake iáh ó꞉ni tahonsehsewanakerahserahiénthake ne i꞉se sehwáhwenhk akénhake. Ethòne ensewahteriéntarahne tsi Í꞉i ne Watiá꞉ner.”

Daniel 11:40

“Né nó꞉nen ne Syria ronnontí꞉io skanóronks iahotenhniseróktahse, ne Egypt ronnontí꞉io ienhotiaʼtón꞉ti, nok ne ronnontí꞉io ne Syria tenthonàkwen kwáh tsi nihoʼshatsténhsera, né én꞉ratste ne tékeni teionkahʼkwèn꞉tonte oʼtshónhkwa ne kohsá꞉tenhs kontiiaʼtaniiontáhkhwa, ne ó꞉tiaʼke enhotihsá꞉ten nen né꞉ʼe, tánon wé꞉so ne kahonweiaʼkó꞉wa konterí꞉ios énhontste. Wé꞉so tsi kanakerahseraké꞉ron ienhshakotiaʼtón꞉ti, tsi ní꞉ioht ne awenhnó꞉ton.

Amos 2:2

Ó꞉tsire ienkatenniénhten ne Moab, tánon kwáh enwátshaʼahte tsi watenʼènhró꞉tons ne Kerioth, tánon ne Moab kwáh enkénheie thóh shaʼtekanenhrí꞉hen tsi nateiakohenréhtha, thóh tsi satekanenhrihen tsi tehiakohenréhtha tánon tsi nikontiwèn꞉note ne iehonrawatstáhkhwa;

Zechariah 7:14

Ne teskaieróntahre ne tehioweratá꞉se tahkherahthakwáhte tsi nón꞉we ionhshahathinahkérahte ne thitionhontsá꞉te. Kí꞉ken ne iowenhtsí꞉io kwáh ontkénsthe kwáh iáh ónhka tetienahkeréhkwe.”

Deuteronomy 3:11

(Ne Ronhnonhtí꞉io Og raónha nonaʼkènkha iaʼtehotaténron tsi tahatiwatsiraʼtátie ne Rephaim. Ne raorónhto, onén꞉ia nahó꞉ten ionhnià꞉ton, iá꞉iak niwashì꞉take naʼtewataká꞉ron tánon kaié꞉ri iawénhre niwashì꞉take ní꞉ions, tioianénha tsi nikatokénston natenienʼténtsheras. Shé꞉kon enwá꞉ton naiontká꞉tho ne tsitkaná꞉taien ne Ammonró꞉non né꞉ne Rabbah nón꞉we.)