Amos 1:1 - Ohiatonhseratokénti

¹ Ne raowennaʼó꞉kons ne Amos, ne ne teiotinakarontón꞉ʼa shakotiʼnikón꞉rare ratikwekonhátieʼskwe ne ne Tekoa nón꞉we. Ne tsi nahatkáhtho ne Israel aorihwá꞉ke ne ne tsi nihotenhniseraténionʼskwe ne Ronnontí꞉iohkwe Uzziah ne Judah nón꞉we neh nón꞉ne ó꞉ni tsi nihotenhniseraténionʼskwe ne Ronnontí꞉iohkwe Jeroboam ne roʼnihkénhen ne ne Jehoash ráonha ne Ronnontí꞉iohkwe Nʼisraelronón꞉ke, ne ne Teiohserá꞉ke ohén꞉ton shaʼtiaonhtsíshonhkwe neh nón꞉we.

Amos 1:1 ပူးပေါင်းရင်းမြစ်များ

2 Samuel 14:2

Joab Tekoa nón꞉we iahateriwaniéte thóh nón꞉we nahontakonwahiaténhawe ne ionikonrowánen iónkwe. Warénhase, “Ne sathatónhni naisatʼtionhniónkwen; ne satʼtierónhniat ne iontionhniónkwa, tó꞉sa kénʼie satatókaf, ók thóh náʼtser tsi shí꞉ken ní꞉iot ne thó꞉ka nón꞉ta ó꞉nen shiʼsatʼtiónhnion tsi rawenhé꞉ion.

1 Kings 19:19

Né Elijah é꞉ren sàreʼthe né nónhwe, tánon iahohiatatʼtsénhri ne Elisha renhtharakharátʼthos tsohiána tehiotinákares tsionóns꞉kwahron iothihiathénhton; énska-iawénhre nihioiánakhes ohénton wahothitarakaratʼthonhátse, tánon rahón꞉ha ne oná꞉ken nihotharakharatʼthonhátse. Né Elijah wahatsathawithási ne wakóses rotsathawíton tánon Elisha sahohiatháwithe.

2 Kings 14:21

Tánon onkweʼtakwékon ne Judah ethó꞉ne ó꞉nen ne sahonwanontí꞉ioste ne iá-iak iawénre tehahoserihiákon roienhkénʼen né꞉ne Uzziah.

2 Kings 14:23

Né wísk-niwásen siʼioserakehátse sioʼnontí꞉iokwe ne Amaziah né꞉ne ronikénhen ne Joash tsi né꞉ne ronnontí꞉iokwe ne Judah, né Jeroboam né꞉ne ronikénhen ne Jehoash né sahonontí꞉ione Nisraeʼró꞉nonke, tánon rahónha wahatkóraste ne Samaria né꞉ne kaiéri-niwásen-énska niʼioseráke nikaríweskwe.

2 Chronicles 11:6

ó꞉ni ne Bethlehem, Etam, Tekoa,

2 Chronicles 20:20

Ohronkétsʼtsi nó꞉ia sahiórenhne nonhkweʼshón꞉as kaʼrahkonkówa niahónhne ákta ne Tekoa. Tsi niahonenonhátie, né Jehoshaphat kén kí nikawenhnó꞉tens tsi washakothárahse: “Tsiónkwe ne Judahró꞉nons ó꞉ni Jerusalemró꞉nons! Thóh nón꞉we nonhtasewé꞉tat rahonháke ne Roiá꞉ner Sewaní꞉io í꞉ken, tánon ki ensewahiataníronke enkénhake. Tasehwétat tsi nahoténsons ne rahonkweʼtashón꞉as ietsiró꞉ri, tánon kíʼ ensehwaterihwathénhtiaʼse.”

Exodus 3:1

Ènska wenhniseráhteʼkwe tsi nikaríwes ne Mahís sakoʼnikonhrahrá꞉tiesʼkwe ne raweʼnónhsa Jethro raotsenenhó꞉kons teiotinakaronhtón꞉ʼa ó꞉ni ne kahiaʼtàkeras, né꞉ne rohkháreskwe ne Midian nónhwe, iasaʼkosáhriʼne ne konhtiʼtshé꞉nens waʼthaʼtihentíhiaʼke ne kahentaʼkekó꞉wa tánon iahonnéwe tsi tionònhte ne Sinai, né iononhtatoʼkénti.

Isaiah 1:1

Tsi nihoterihothashiénhni ne Isaiah ne roién꞉ha ne Amoz, ne tsi wahatkátho tsi niʼtsioterihwatséren ne Judah tánon ne Jerusalem nón꞉we ne sihoʼnahtenhniseraténionsʼkwe ne Uzziah, Jotham, Ahaz tánon ne Hezekiah, né rotinontí꞉iosʼkwe ne Judah.

Jeremiah 1:1

Kí꞉ken kahiatónsera ne kanikonhraientáhtha tsi niháwen ne Jeremiah ne roʼníha ne ne Hilkiah, ne ne énska rokháres tsi kanáhtahien ne Anathoth ne ne tsi ionhwenhtsáien ne Benjamin.

Jeremiah 28:8

Ne rotiʼtokénse tsi nihonahtatíhon ne wahónnise tsi náhe tkènʼne, ne nohénton ní꞉i shiahontiáthiʼwe ó꞉ni níse, iewákʼkhe nètho ateriʼiósehra, athonkharhiákon, ó꞉ni ne kannrahthariʼnhétshera tsi énteʼwe ne iaʼkotiokowáhnenh enhiakohiató꞉renʼne ó꞉ni ne kashástsʼtes kanonhtiʼiótsheras.

Jeremiah 6:1

Ne Benjaminró꞉nons, iasehwahkwísron sehwahthasehtáhna! Sehwahiáken ne Jerusalem! Sehwatátis ne iehonrahwátstha ne Tekoa nónhwe tánon sehwattsennónni sehwatsienkwarónniat nahwenéhake ne Beth Haccherem nónhwe. Kakahronniátshera tánon kariwahiesáhtshera tóh꞉wa ahónwe nothoréhke nénhtewe.

Jeremiah 7:27

“Káti, Jeremiah, kwáh owenhnahkwékons tsi enshehiathátiaʼse nakonhwethashón꞉a, ók iáh kíʼ tahieshatahonsahtháʼte; ienshenáhton, ók iáh kíʼ tahthahathiriwahsehráko.

Hosea 1:1

Ne raowenhnaó꞉kons ne Roiá꞉ner tsi waohiató꞉renhne ne Hosea ne roʼní꞉ha né꞉ne Beeri, né꞉ne shionateniseraténionskwe ne Ronhtinontí꞉ioskwe Uzziah, Jotham, Ahaz, tánon ne Hezekiah ne Judah nón꞉we, tánon ne shiothenhniseraténionskwe ne Ronnontí꞉iokwe Jeroboam né꞉ne ronikénhen ne Joash ne Israerró꞉nonhke nón꞉we.

Amos 7:14

Ethò꞉ne ne Amos watoriwahsehrá꞉kwase ne Amaziah, “Ní꞉i kaʼtsé꞉nen kheʼnikónhrane, tánon katkwiráhserons ne Sycamore karontaʼshón꞉as,

Micah 1:1

Ne raowén꞉na ne Roiá꞉ner wahoiató꞉renne ne Micah ne Moresheth nón꞉we nihaná꞉kere né꞉ne shionatenhniseraténionskwe ne Rontinontí꞉ioskwe Jotham, Ahaz, tánon ne Hezekiah, ne Judah nón꞉we nihatinákereʼkwe, ne tsi nahatkáto nahotirihwaʼshón꞉as ne Samaria tánon ne Jerusalem.

Zechariah 14:5

Tsi ensheniá꞉kenhne iatensoʼhéste kí꞉ken ahonráhkwakon né꞉ne tékeni tsi ní꞉ioht tsi tehiotó꞉ren tsi iohnonhtáhere. Enshá꞉teko tsi nihotihié꞉ren ne sehsothonkonhkén꞉en nó꞉nen satsahontsí꞉sonkwe né꞉ne Uzziah shihononhtí꞉io ne Judah. Ne Roiá꞉ner á꞉ke Ní꞉io kwáh éntʼre, rathikwé꞉kon ne ratironhiakeró꞉nonhs enteshakohiaʼténhawe.

Matthew 4:18

Tsi tehoteniataratasehatie ne Iesos tsi kaniatare ne Galilé, etho Sasakoken iatatekenhaha nehne Simon, Tier ronȣanatonkȣen, tanon André teiatennontere, iataharoskȣe, aseken nitsiaskȣaskȣe.

1 Corinthians 1:27

Rawenni꞉io tahanikonrónni ne waharáhko tsi nahóten ne tsi ionwentsiáte kanatónkwah tehiotenonwahroritónten onʼnahiáwenhne nashahkotéhate ne iakonikonrowáhnen, tánon ó꞉ni ne waharáhko tsi nahóten ne tsi ionwenhtsiáte kanatónkwah iáh tekashátsthe onʼnaiáwenhne nashahkotéhathe ne ratishátsʼthes.