Acts 9:8 - Ohiatonhseratokénti

⁸ Ne Saul thonsahátaʼne tánon thonsahatʼkakwarísi, nók kwáh iáh thènen tesʼsatkáthosʼkwe. Sók kíʼ wahonwanéntʼtsine tánon Damascus niahón꞉ne.

Acts 9:8 ပူးပေါင်းရင်းမြစ်များ

Genesis 14:15

Tánon waʼtehshakhokhahshión꞉ko ne raonkwetaʼshón꞉ʼa, sahshakotiohkonniánion, tánon iahonwanatiaʼtón꞉ti ne tehontátswenhs tsi niwahsón꞉tes, tánon wahshakóhsere kwáh tsi niió꞉re ne Hobah, né nothorè꞉ke nonkwá꞉ti ne Damascus.

Genesis 19:11

Tánon né wahonwatí꞉ienhte ne tahatiròn꞉weke ne kahnhohákta rón꞉neʼskwe, ratikwé꞉kon ne nahonaterihokóhten tsi ronnohsenrónkwas ne tsi kahnhoká꞉ronte.

Exodus 4:11

Ne Roiá꞉ner wahénron, “Ónhka thonʼwáwis ne rónhkwe ne tsi rashaʼkáronthe? Óhka ronhionhʼniénhnis ne tahahóntaʼkweke tó꞉ka ó꞉ni nahaʼtewenhnáton? Ónhka tonwáhwis nahatʼkathósehke tó꞉ka ó꞉ni taharónweke? Kwáh Í꞉i, ne Watiá꞉ner.

Acts 13:11

Ne Roiá꞉ner kwáh ónenk enhiaréwathe; tenserónweke tánon kwáh thóh tsi nikaríwes iáh tahonsahsatʼkátho ne teioswátʼthe.” Kwáh osákak ne Elymas tahosaténhne onteró꞉roke rakáraʼke, tánon wahréson aktóntses ratenénhta nónhkak asakoiatatʼtsénhri nahonwanenhtsí꞉ne.

Acts 22:11

Watʼkerónweke ne takarihónniaʼte ne kaswatʼthetserowánen, sók kíʼ ne hionkwatherosentá꞉tieʼne wahonkenentʼtsíne tsi niahonkasárine ne Damascus.

Acts 9:18

Kwáh óksak tsi ní꞉ioht ne kéntionk òstas tonsénne ne Saul rakarákes, tánon ónhton sahákenʼne. Thonsahátaʼne tánon wahatenekwáhesʼte;

Acts 9:9

Nehne ásen niwenniseráke kwáh iáh thènen thesákenʼkwe, tánon thoʼnikaríwes kwáh iáh thènen tehawékon iáh ó꞉ni thènen tehonekíren.

2 Corinthians 11:32

Damascus shiehé꞉kes, ne rakó꞉ra roiaʼtanónhnhe Ronontí꞉io Aretas waʼtehshakótaʼste ne ratinónhnhe tsi iotenʼenhrakahrón꞉ton ne kaná꞉takon naiontié꞉na.

Galatians 1:17

iáh ó꞉ni Jerusalem tiewakénon nakhehiatʼkénsera neh thoʼnatierénton ne rathikwekónne tsi ní꞉i ní꞉ioht. Khék, kwáh óksak Arabia nón niaháke, ethò꞉ne Damascus nionsá꞉ke.