Acts 9:3 - Ohiatonhseratokénti

³ Ne Saul tsi ákta rawetontátie tsi kanatowánen ne Damascus, thontaʼiawéns꞉tsi waʼtsioswátʼtheʼne tsi karonhiáte watʼkatsirahrík꞉kon ne rahiatáktha.

Acts 9:3 ပူးပေါင်းရင်းမြစ်များ

Psalms 104:2

ne tesatʼwahwenhétʼthon ne kaswatʼthétsera tsi ní꞉ioht natʼtserónhnia akénhake. Waʼtestakwáhrihte ne tsi karonhiátes tsi ní꞉ioht natóhsehra,

Acts 22:6

“Tsi niwakhatahiʼtákheʼne ó꞉ni ákta wakethonhátieʼne ne Damascus, kák꞉non ne entieʼsíkare thonʼtaiawénstsi ne kwáh teʼioswát꞉te watsiosʼwát꞉theʼne ne tiaták꞉tha.

Acts 9:17

Sók kíʼ ne Ananias thóh wárete, hiahatáwehiaʼte tsi nónwe ténteron ne Saul, tánon hiatonʼnisnonsahéraʼse. “Tiathatéken Saul,” wahénron, “Roiá꞉ner rakathoʼrihátie nehne kwáh raónha—Ié꞉sos, tsi nahiathoʼtáshiaʼse nowaháke neh kén꞉en shonʼthesenonhátie. Tahakatóri nehne ahónton sékon ahonsáskenne ó꞉ni nashiàtanaʼne ne Ronikonratokénti.”

Acts 9:27

Etʼthóhʼne Barnabas sahohiatáko tánon thóh niahohiaténhawe tsi thónʼnes ne ratikweʼkónne. Waʼsakonikonraientáten tsi ní꞉ioht ne Saul róken ne Roiá꞉ner nowaháke tánon ó꞉ni ne Roiá꞉ner tsi iahowénnaraʼne. Óni wasakoróri ne Saul tsi kwáh thoʼnikonrakontákwenʼne tsi nahateriwanóten thóh rahosénnakon ne Ié꞉sos neh nón꞉we Damascus.

1 Corinthians 15:8

Onahkènkha í꞉i ó꞉ni wahakatotáshien—iahwerohátsien tsi thóh nahkonnótenʼne tsi ní꞉ioht ne sóntek thahiotónhake tsi ahonkenahkeráhtonke.

1 Corinthians 9:1

Iáh kén tekatatewenní꞉io? Iáh kén tekateriwahnótha? Iáh kén tehíken ne Ié꞉sos Sonkwaiáner? Tánon iáh kén ó꞉ni iséh꞉ke teiawenéʼon tsi rihiótense ne Roiá꞉ner?

1 Timothy 6:16

Kwáh rahonhatsíwa khók ne ronnhehónwe; kaskwatʼthetserákon nónwe nihénteron ne꞉ne iáh ónhka taiekwéni ne aktahaiénthe; Kwáh iáh nonwénton ónhka tehonwáken; tánon iáh ó꞉ni nonwénton tahónton nónka ahonwáken. Rahónha tahonwarénsaron ó꞉ni tsi ionnheʼónwe ne kashatsʼténsera! Éhʼtho naiáwenʼne.

Revelation 21:23

Tánon ne kanatowanenke iáh othenen thateiotonhontsioni ne kará꞉kwáh khehs nasónt꞉thenhnekha kará꞉kwáh ne takaswát꞉thete, asé꞉ken ne ne raoiá꞉tanerakwahtshera ne Ní꞉io ne nahoswát꞉thetsera í꞉ken, tánon ne wathaseranihionthá꞉kwah ne ne teiotinakaronhtón꞉ha owí꞉ra.

Revelation 22:5

Tánon ne nón꞉we iáh ó꞉nenh thatahonthaioraráhseke; iáh thateonatonhontsó꞉ni ne kaswathétshera khéhs ne iahaserotákwah khéhs ne karáhkwa, asè꞉ken né꞉ne Roiá꞉ner Ní꞉io ne raotiswaʼthétshera enkenhá꞉ke, tánon kwáh enhontkoraste tsi ní꞉ioht ne rotinontí꞉ios tsi nienhén꞉we tánon tsi nenhweh enkenhá꞉ke.