Acts 8:5 - Ohiatonhseratokénti

⁵ Philip kanatakwení꞉ioke niaháre neh꞉ne Samaria tánon wahoteriwanóten ne Kerístos nonkwéʼthake neh nónwe.

Acts 8:5 ပူးပေါင်းရင်းမြစ်များ

Acts 1:8

Nók nónen ne Ronikonriʼióston entsisewahiatórenʼne, kwáh ensewahiatanánonʼne ne kasatsʼténsera, tánon í꞉se enskwariwaníratʼtse ne Jerusalem nónwe, kwáh kanakeraserakwékon ne Judea ó꞉ni ne Samaria, tánon ó꞉ni ne tsi iehiotonwentiokʼtaní꞉on.”

Acts 21:8

Tsi ó꞉ia sahiórenʼne sahiakwaténti tánon Caesarea iahákwaʼwe. Thóh rahonʼnónskon iahakwatáwehiate ne rateriwanó꞉ta Philip ronwáiats, raónha ne saiátat ne tsiátak niháti ronwathiʼiatarákwen nahontsʼniénons ne Jerusalem nónwe.

Acts 5:42

Tánon kwáh niaʼtewenniseráke nonnonsatokentí꞉ke ó꞉ni ne tsi iakononshóʼton nonkwesónhas iahontasónteren tsi wasakotirihónʼnien ó꞉ni wahonteriwanóten ne kariwí꞉ios tsi nòkwati ne Ié꞉sos Kerístos.

Acts 6:5

Kwáh kentiokwakwékon wahakaweʼrientí꞉io tsi nahatítaʼte ne ratikweʼkónʼne, sók kíʼ Stephen wahonwahiataráko, thóh rónkwe kwáh íken tsi tawetákwen, ó꞉ni ne Ronikonratokénti, tánon Philip, Prochorus, Nicanor, Timon, Parmenas, ó꞉ni Nicolaus, tánon ne iáh teʼasitaerónon ne Antioch nithawénon neh꞉ne iáh wahónʼnise tsi néhe Judaism non nishotsiátare.

Acts 8:1

Saul wahariwanírate tsi ronwaséhton ne Stephen. Kwáh neh sahenʼnísera neh Jerusalemró꞉nons thonʼtásawen wahathironhiáken. Akwékon ne tiakawetákwens tsiatehonarénion nahotonhontsiáke ne Judea ó꞉ni ne Samaria.

Acts 8:26

Ne Roiá꞉ner rahoronhiakerónon wahawénhase ne Philip, “Satateweienʼnéntan tánon entié꞉ne niaháse nehne wahohatátie tsi nitsawénon ne Jerusalem tánon ne Gaza nieʼiawénon.”

Acts 8:30

Philip ákta niaháre tánon wahothóntheʼne tsi nihowenʼnanothátie ne rothókense Isaiah tsi nihohiathón꞉nions. Wahoriwanónthonʼse, “Sanikonraiéntas kén tsi nahóten sawennanothátie?”

Acts 8:40

Philip Azotus neh nonnionsáre; thó꞉ne Caesarea, nionsáre, tánon tsi niaháre roteriwanothátie ne kariwí꞉ios ne kwáh tsi niaʼtekanatákes.

Acts 8:6

Nonkwesónha kwáh íken tsi ákta wahontahónsathaʼte tsi nahóten ráthonkwe ne Philip, tánon tsi nihonwatahónsate ó꞉ni wahontʼkátho ne ioriwanerakwaténions tsi naháiere.

Acts 9:20

Kwáh hiahatʼthakwaríshate nonʼnonsatokentíke tánon tahatásawen wahateriwanóten nètho Ié꞉sos tsi Rawenni꞉io roiénha.

1 Corinthians 1:23

Ónk nontionhake, ne tewahrihowahnáhtha tsi tehonwahiásonte ne Kerístos, nétho aterihwahnotátshera rotirihwahientaténnis ne Sitaeró꞉nons ónk tehiotenonwahroríhtonte ne raotirihwáhke ne iáh tehatiʼsitaerónons;

1 Corinthians 2:2

Tsi náhe skátʼke íteweskwe, iaʼtewahkeriwahiéntase kwáh akwékon tsi ahonkenikónren nek khók ne Ié꞉sos Kerístos tsi kwáh sénha kaiasáke rahwenhéion.

1 Corinthians 3:11

Asèken ne Rawenni꞉io ónenk Ié꞉sos Kerístos róhteron tsi rahónha khók tánon ó꞉ni tsi tekensténrothe, tánon iáh tahónton ne shé꞉kon óia tahonshahienstenróten.