Acts 8:1 - Ohiatonhseratokénti

¹ Saul wahariwanírate tsi ronwaséhton ne Stephen. Kwáh neh sahenʼnísera neh Jerusalemró꞉nons thonʼtásawen wahathironhiáken. Akwékon ne tiakawetákwens tsiatehonarénion nahotonhontsiáke ne Judea ó꞉ni ne Samaria.

Acts 8:1 ပူးပေါင်းရင်းမြစ်များ

Nehemiah 6:3

Káti iakhehiá꞉teniete ratirihwakarénies ronón꞉hake rontón꞉nionʼs, “Ne wakaterihwathentsiá꞉ton ne kahiotenhseró꞉wanen, tánon iáh tatkweʼni neh tho iá꞉ke. Nontié꞉ren ne kahiothensera tsi taká꞉tahne, tsi nikaríhwes tionhake nienwakenon?”

Daniel 6:10

Ó꞉nen káti shahotókenhse ne Daniel ne ronnontí꞉io tsi rotatshén꞉nare ne kaianerénhsera ne kiʼk shá꞉ka ionsaharáthen tsi thanonhwéhtstha nionsáre, tánon ne ionahstonhkwakáronte kwáh teiotitokénhton ne Jerusalem. Eʼtho nón꞉we, tió꞉konte tsi nihaiérhakwe, tenhatentshó꞉ten onahstonhkwákta ó꞉ni ienhaterénnaien ne Rawenniió꞉ke, né ne áhsen nienká꞉iente ne sewenhnísera.

Daniel 6:23

Iáh thiaierihwáhewe tsi nahatshennón꞉ni ne ronnontí꞉io tánon washakóhnhaʼne né raohnhaʼtsheraʼó꞉kon né aonsahonwaiaʼtitáhko ne Daniel né ohshónwakon. Sók kíʼ sahonwaiaʼtitáhko, tánon wahontkáhtho tsi kwáh iáh thé꞉nen tehotkarewáhton, né tsi Rawenni꞉io roniahé꞉sen.

Matthew 22:6

Otiake ȣasakotiiena ne kannhatsera ȣasakotikonrenseronni oni ȣasakohnaȣentho.

Matthew 23:34

Aseken naontakȣatennietase, Rotitokense, thononkȣetaieri oni ratiiatons, aietsiiaȣentho se are, aietsiiasakestsko, aietsisokȣaȣesonnion tsi seȣaterennaientakȣa, nok aietsisereson aietsinaskȣenhaȣison tsi seȣanataienton.

Matthew 5:13

Ise ahoiotsis tsi ionȣentsiate; nok tanontokat enȣatasoko ne teioiotsis, ohnahoten tentsie-iotsistarhote? neok ȣahi skasta nʼaste iaiakoti nok taionskȣaseronkȣate.

John 15:20

Saseȣeiarann tsini kaȣennoten kȣarori, tsi iah senha tehaiatakȣeniio ne rannhatsera tsiniiot ne eaiatakȣeniio. Toka ionkkenrenseronni enhiestsikenrenseronni ki oni nise; toka ionkeȣennarakȣen, enhiestsiȣennarakȣe ki oni nise.

John 16:2

Enhietsiiatekȣate tsi ronterennaientakȣa: ienkaeȣe oni nenhietsirio, ronhnere taiakȣariȣaierite tsi nonkati ne Niio.

Acts 1:8

Nók nónen ne Ronikonriʼióston entsisewahiatórenʼne, kwáh ensewahiatanánonʼne ne kasatsʼténsera, tánon í꞉se enskwariwaníratʼtse ne Jerusalem nónwe, kwáh kanakeraserakwékon ne Judea ó꞉ni ne Samaria, tánon ó꞉ni ne tsi iehiotonwentiokʼtaní꞉on.”

Acts 13:1

Tsi niháti ne ronteriwanótʼtha ne kariwí꞉ios ó꞉ni neh sakotirihonʼnién꞉nis ne tsiakawetákwen neh nónwe ne Antioch: Barnabas, Simeon (ronwanathónkwa rahóntsi), Lucius (ne Cyreneró꞉non), Manaen (rahiátaʼre ne Herod rahokoraserákon ne Galilee) neh nònʼne sáka ne Saul.

Acts 13:36

Asèken ne Táwit thóh nihoiéren ne Rawenni꞉io tsi nihotenikonrónni ne rahonháke, tánon thó꞉ne warénheie, tsi wahonwahiatátha wahthontsiontonkwanéken ne rahosóktseras, tánon ne rahoierónta wahótʼken natsiatonkwákon.

Acts 2:47

Ronwasénʼnaiens ne Rawení꞉io, ó꞉ni ronatʼtsenón꞉ni tsi nitsiakoriwaiéris nonkwesónhas. Tánon kwáh niaʼtewenniseráke ne Roiá꞉ner sehsakotiokwaʼiesthonhátie tsi nihiákon nentiakéthakwe.

Acts 22:20

Tánon neh iariwanirátiskwe Stephen sahonwanonwariákon, kwáh thóh Íkeskwe, wakeriwanónweʼne tsi wahonwásehthe ó꞉ni wahkakhitarón꞉ne, ne tehontewehiarákwas ne sakonaséthas.’

Acts 26:10

Kwáh thóh niwatiéren ne Jerusalem nónwe. Iontianerenseráwi ne rathitsihenstowánens tánon ronatiokowánen ne Rawenni꞉io rahonkwetaʼsónhas khenóton; tánon nónen sahonwathiríwente nahonníheie, í꞉i ó꞉ni wakeriwanónwe꞉ne.

Acts 5:18

Wahonwatiʼiéna ne rathikweʼkónʼne tánon tsi tsiontatenotónkwa iahonwatinóton.

Acts 5:20

“Wáhs ononsatokéntiʼke niahásehʼne, tánon akwékon itʼtsiróri nonkwesónhas kí꞉ken áse atónnhets.”

Acts 5:33

Nónen ne ratitsiénhaiens sahonatʼthónteʼne kí꞉ken, Sóhʼtsi wahonatenakwawénratʼtse rónʼnerakwe nahonwatírioʼke ne ratikweʼkónʼne.

Acts 5:40

Ionsahonwathihiatíʼnionte ne ratikweʼkónʼne, wahonwatinonwáreʼke, tánon sahonwanatiawénratʼtse tóhsa nonwénton sékon nahonsahathitháraʼkwe ne Ié꞉sos rahosén꞉na; Ehʼthóhʼne sahonwanátʼkaʼwe.

Acts 7:38

Rahónha rathikweʼkón꞉ne ne Israerʼró꞉nons ne kahentakekówa; thóh í꞉reskwe skátne nonkwasótʼtseras ó꞉ni ne raronhiakerónon tsi nikáien ne watʼnitháren tsi ionónte ne Sinai, tánon wahaiéna ne ionʼnheónwe ne Rawení꞉io rahoteriwanothátseras nahonsashonʼtsiohétsʼtase.

Acts 7:54

Ne ronaterihóntons ne Ratitsiénhaiens ronwatahónsate ne Stephen, wahonatenakwenserónnien tánon onekwéntara nahathikonsóhtenʼne tsi nahonwanákwaʼse.

Acts 7:58

Sahonwahiatínekenwe ne kanátakon, tánon wahonwanenhió꞉iake. Neh wahonwanenhióʼiake ne tehontewehiaráhkwas ó꞉ia nithoʼhiónha Saul ronwáiats wahonwatakweniaiénhase.

Acts 8:14

Ne ratikweʼkónʼne thoʼnónwe ne Jerusalem wahatiriwáronke Samariaró꞉nons wahatiʼiéna ne Rawenni꞉io rahowén꞉na, sók kíʼ Tiér tánon Sáwatis iahonwanatóri.

Acts 8:2

Tóhka niháti ne rohtiriwiʼióstons ronʼnónkwe wahonwahiatátha ne Stephen, kwáh rothitsithówas tánon tsehotiwenʼnakethótha tsi nihonwanátens.

Acts 8:4

Ne thonetákwens tsi nikáien ne tehonarénion kwáh tsík nonkwéson niahón꞉ne, ronateriwanothátie ne ateriwanothátsera.

Acts 8:5

Philip kanatakwení꞉ioke niaháre neh꞉ne Samaria tánon wahoteriwanóten ne Kerístos nonkwéʼthake neh nónwe.

Acts 9:31

Thóh káti nontáwe neh rothiriwiʼióstons wahothiʼiéntaʼne ne skénnen neh nónwe ne Judea, Galilee, ó꞉ni ne Samaria. Ne tsi wasakoiénawaʼse ne Ronikonratokénti wahatisátsʼtenne ó꞉ni wahonatiokowánahne, tánon thóhʼnon nihononʼnhétie kakweniensthatserákon ne Roiá꞉ner rahoriwáke.

Romans 1:32

Ronateriéntare tsi niwáton ne Rawenni꞉io rahoianerénseras nónka kí꞉ken thóh ní꞉ioht tsi iakonʼnhétie teiakoténtion naiaiéheie. Tánon kíʼ iáh nek tèken tsi sékon thóh ní꞉ioht tsi nihatiʼieránions, nók kíʼ iehióhe sakothiretsárons nakorénsons neh nihatiʼiérah.

Philippians 1:12

Thekanóron onkwathorohsónha, Thewakatonwentióni naisewateriéntarane ne tsi nontiáthawen sénha wakahiáneraste tsi tahonthiriwaréhni ne kariwí꞉ios.

Hebrews 11:27

Tewehtákwen seh wahahónnien ne Mahís nahonsahanakeráko ne Egypt kwáh tósa thènen ahoteronníhake ne Ronontí꞉io rahonakwáhtshera. Tsi síken ní꞉ioht ne wahóken ne iáh theohiatáken Rawenni꞉io, iáh theothontáton nahosahókton.