Acts 7:52 - Ohiatonhseratokénti

⁵² Ónhka onhtèken ne sewasótʼtseras neh iáh tahonwatironhiakénton ne roʼnatiatatkonkwe? Ronwatinonwáriakon ne Rawenni꞉io rahonkwetaʼsónhasʼkwe ne ronteriwanótha, raónha ne wahónʼnise tsi náhe thoriowanáton tsi ént꞉re ne tronkwetaiéri rahonátsera. Tánon kíʼ nónwa ónen etʼtsisewatennínon ó꞉ni wahtsisewáseh꞉the.

Acts 7:52 ပူးပေါင်းရင်းမြစ်များ

1 Kings 19:10

Watharihwaseráko, “Saiá꞉ner Sewenhnní꞉io Shaʼshastsʼtenserowánen, kwáh tiotʼkonhónwe tsi í꞉se konhióthense—shonháha khók. Ók kíʼ nonhkweshón꞉as Nisraerʼró꞉nonke wathatíhiake né rahonaterihwaseronhniátsera né sewá꞉shon, rotiríhshion né sáwenk ietsienharákwahs, tánon ratikwékon sakotinonhwarhiakónhnion ne shón꞉kwe tasónhas rotithokenséhakwe. Í꞉i khók iaʼtesewakathathénhron—tánon kíʼ ronhtheniéntha nahionhkenonhwarhiákon!”

1 Kings 19:14

Watharihwaseráko, “Saiá꞉ner Sewenní꞉io Sashastsʼtenseroʼwánen, kwáh tiotʼkonhónwe tsi í꞉se konhióthenhse—kwáh sonhá꞉ha khók. Ók kíʼ nonhkweshón꞉ʼas nisraerʼró꞉nonke wathatíhiake ne rahonaterihwaseronhniátsera tsi nòkwah ní꞉se, wahatirihshiónhko ne tsi tienharákwahs, tánon ratikwékon sakotinonwarhiakónhnion ne shonkwetaʼshónhas rotithokenséhakwe. Kwáh kíʼ akonháha khók iatesewakhathathénron—tánon kíʼ ronhthenhniéntha nahionkenonwarhiákon.”

2 Chronicles 36:15

Né Roiá꞉ner, né sako Ní꞉ioʼkwe ne sakotisotʼthonkonhkénʼen, iehokonhthá꞉kwenʼne ieshakoteniéthakwe ne rotiʼtokenhséhakwe nashakonaronhkáten né raʼonhkweʼshón꞉a, tsioríh꞉wa tsi tehotonhontsóniʼne nashakonónsthate ó꞉ni Nononsatokentiʼkówa.

2 Chronicles 36:16

Ók kaierónhsera waʼhonwenhnónhni ne Rawenni꞉io raonhkweʼtaʼshón꞉a ne ratirihwakarénies, ronatharón꞉tion ne raowenhnahókon tánon sakotisterís꞉tha ne raonhkweʼtaʼshón꞉a rotitokenséhakwe, tsi nió꞉re nonàken ne Roiá꞉ner iáh tieshokwénion ne ahonsahothatiénenhke washakonákwahse ne raonhkweʼtaʼshón꞉a thóh nió꞉re tsi tehiotenonhnianíton iáh kanèka tsiahónhne nahatiniákenʼne.

Nehemiah 9:26

“Ók iáh tehontewenhnaráhkwa tánon rotinontsistahní꞉ron tsi nokwáh ní꞉se tánon í꞉se iehonátses ne sahianerénhsera thóh ratishón꞉ne tánon sakotinonwarhiaʼkhónhnion s rotitokenséhakwe né꞉ne ronónha rotirihwaní꞉raton tsi nokwáh ne ronónha ne nahónton tahonsahontkarahté꞉ni isé꞉ke niahonsahón꞉ne tánon tsi nihonahtié꞉ren kowá꞉nen rotirihwaiesá꞉ton.

Jeremiah 2:30

Kwáh rewáhthon, ók iáh èh tehiorihonthákwen; iáh teskwahriwáhwi nahonshaʼkwahthakwaríshion. Tsi ní꞉ioht ne kahsehró꞉hen kénreks, wáhseh hiásehthe ne shonkwétah rothitó꞉kense.

Jeremiah 20:2

wahaténnhane nahionkenonhwenhsehrárhio tánon wahtionkenéntsʼterenhke nhoronkwáhsa kanhotsioharáhke iahonkíteron ákta ne tsi tsiotenhenrahkáronte ne Benjamin ne ne ononhsatokentiʼkówahne.

Jeremiah 26:15

Ók kwáh sehwahriwaʼhienteríhak kí꞉ken: tó꞉ka enskwahnonhwahrhiákon, i꞉se tánon ne kíʼ kanathakonhró꞉nons tsi ensehwáhniʼke tsi wahtsiʼsehwaʼnonhwarhiákon ne iáh thènen tehosthónton, tsioríhwa tsi ne ne Roiá꞉ner thakathó꞉rion nakwahronkáten kí꞉ken.”

Jeremiah 26:23

Sahonwahiáthiʼwe rahohénton ne Ronnonhtí꞉io Jehoiakim, wahathénnhaʼne nahonhwahnonhwarhiákon tánon ne rahohierónta tsi tionʼthatsathatahástha iehonáhti.)

Zechariah 9:9

Sewatonhnhá꞉ren, sewatonhnhá꞉ren, tiónkwe ne Zion! Tesehwahén꞉ret naʼtsenhnonhniá꞉tshera ne Jerusalem nón꞉we! Iasehwatʼkáto, ne tsi Sewahnonhtí꞉io tiohá꞉ke nonhtahawenonhátie! Tsi táhre tekahrensáhron tánon rotʼkwenionhátie, ók eʼtà꞉ke rotahtón꞉ni tánon tewahòn꞉tes rohshaténtie— nitsioʼnaskwahiónha, né꞉ne tewahòn꞉tes akohiénʼa.

Matthew 5:12

Seȣatsennonni oni seȣatonnharen, aseken koȣanen enseȣatsennonniate ne karonhiake: aseken etho nihonȣatiierase ne thonatierenton Thotitokensehakȣe.

Luke 6:23

Seȣatonnharonnion neh nonȣe niȣenniseratenion oni seȣatonȣessonnion: Aseken koȣanen tenseȣateriȣa serakȣase Karonhiake; ehse oni nehne nisakotiiera sehakȣe ne Sakotinihokonkenha ne Rotitokenseakȣe.

John 16:10

Ateriȣakȣarisiontserakon ne tsi Rakenineha sake, nok iah taonsaskȣakenseke,

Acts 2:23

Tsi niʼtióseron tsi nihotenikonríson ne Rawenni꞉io ónenk siatehoriwaiéntaʼse tsi Ié꞉sos seh entsisewatiakwaríshaʼse; tánon waʼtsisewanonwariákon neh tsi wahetsiríhon ne rothiriwáneren tahonwaientennáren.

Acts 22:14

Wahénron, ‘Neh Ronwaní꞉io ne ietʼthisotʼthonʼokonkén꞉en iahiatarákwen nahisathókense tsi nihonikonróten, nahóken ne rohthonkwetakwaríshion rahonhátsera, tánon natsewénʼnaronke tsi nenʼhiatháraʼse.

Acts 3:18

Rawení꞉io wahónʼnise tsi náhe thoʼrihowanáthon tsi nithoʼtíhas ne rothitokenséhawe ne Kerístos tsi enharonhiáken, tánon neh warónniaʼthe neh oriwí꞉io ahónton kí tsi naháwenʼne.

Acts 3:24

Tánon rathikwékon ne rothitokenséhaʼkwe ne ronateriwánothe, thóh rahiátaʼre ne Samuel ó꞉ni tsi niháti nonakènʼke rohti, ronónha ó꞉ni rohnatʼróri tsi nónwa niʼiawénserons nónwa wenʼniseraténions.

Acts 4:10

nekàti tehiothonwentióʼon ne sewakwékon aʼisewateriéntaraʼne, tánon kwáh onʼkwetaʼkwékon ne Israeronónke tehiothonwentióʼon nahonateriéntaraʼne, kí꞉ken rónkwe sewahénton írate nónwa, kwáh thóh kén꞉en shoʼiewentáʼon thóh kasastenserákon ne rahosénʼna ne Ié꞉sos Kerístos Nazarethrónon—tsi nikáien ne tetsisewahiásonte tánon tsi nikáien ne Rawení꞉io sohkétskwen ne kenheiátʼne.

1 Thessalonians 2:15

Ónhka ronwahnonwahriákon ne Roiá꞉ner Ié꞉sos tánon ne rotitokenséhakwe, tánon wahonkhironiákente. Tóh nihonwahnikonrakʼsátha ne Rawenni꞉io! Kwáh onhkwetaʼkwékon tsi sakonateniakatstʼsténnis!

2 Timothy 3:4

kwáh enhonnonkwetaʼhetkéntake, iáh tiatahonnonthónnionwe, kwáh enhontathonníheʼke; enhatinorónkwahke natenikonroriátsera tsi ní꞉ioht ne Rawenni꞉io.

1 Tiér 1:11

Ne Rahonikónra ne Kerístos tsi neh ronatsiénni ohénton tontʼróri ne rahoronhiakénsera ne Kerístos tánon ne kahiatanerakwátseras enhiononterátie.

1 Sawátis 2:1

Neh kíʼ ne iakwaiáthonse, kwaienʼokónha, nekáti ne tóhsa aihsewariwánerake; nók kíʼ thóka ónkak aieriwánerake, ionkwáien nónkak ronwaniténtase ne kanísera nonkwariwáke—neh꞉ne Ié꞉sos Kerístos, neh꞉ne rotokénti.

Revelation 19:10

Eʼthó꞉ne thóh waʼtiá꞉taièn꞉tane rashí꞉tát꞉ta nahishén꞉naien, ók wahakénhase, “Ní꞉se iáh teió꞉wenk ne naʼshé꞉re! Í꞉ih tánon ní꞉se teionkeniriwaienawákon ionkenihió꞉te skátne ne sewatenroshón꞉as ratikwé꞉kon ne ronón꞉ha ratihá꞉we norihwí꞉io né꞉tho Ié꞉sos rorihotáshion. Ahonwashén꞉naien Ní꞉io!” Asè꞉ken noriwihioón꞉we né꞉tho Ié꞉sos rorihotáshion neh iakoshatstenserá꞉wis nonkweʼokon naiontʼró꞉ri ne Ní꞉io raoteriwanhothátsera.

Revelation 3:7

“Tánon raonhà꞉ke ne raronhiakeró꞉non ne tsi ionterenhnaientáhkwa ne Philadelphia shiá꞉ton: Ne kí꞉ken ne raowenhnaó꞉kons ne Roiatatokénhti í꞉ken, ne ne orihwiioʼón꞉kwe í꞉ken, raónha rahá꞉we ne raonontónhkwa ne Táwit, raónha ranontónhkwas tánon iáh ónhka taiekwé꞉ni nahonsaienhó꞉ton, raónha ranhó꞉tons tánon iáh ónhka taiekwé꞉ni nahonsaienhotón꞉ko: