Acts 7:51 - Ohiatonhseratokénti

⁵¹ “Tsi nisanontsistaníron!” ne Stephen hiahatasónteren tsi róhtare. “Tsi niseweriasák꞉sens, tsi naʼtesewahontakwékon tsi nòkwa ne Rawení꞉io rahoteriwanothátsera! Kwáh tsietʼtsiʼiéren ne ietʼtsisottonkonkén꞉ens: í꞉se ó꞉ni iáh nonwénton thetsisewawenʼnarhákwen ne Ronikonratokénti!

Acts 7:51 ပူးပေါင်းရင်းမြစ်များ

2 Kings 17:14

Ók iáh kíʼ tehonatewenhnaráhkwen; rotinontsistaníkon kwáh kíʼ tsi niʼiohtónʼne ne sakotisokʼthonkonhkénʼen, né ronónha tsi iáh tethonwethákwenhne ne Roiá꞉ner Raotiní꞉io.

2 Chronicles 30:8

Tó꞉sa sewatenontsistatʼsat tsi né niʼiohtónhne ne roʼnónha, ók tsisewahwénhnarak ne Roiá꞉ner. Tá꞉sehwe Nononsatokentkokowane ne Jerusalem nón꞉we, tsi nikáien ne Roiá꞉ner Sewahní꞉io né꞉ne tsi nénhwe iotokénti rahonniáton, tánon tsi sewahsénhnaien né ká꞉ti ne tó꞉sa shé꞉kon ahonshatsisewanákwahse.

Nehemiah 9:16

“Ók neh ronón꞉ha tánon neh iakhinihó꞉kons tsi nahatí꞉iere wahonthatónhnine tánon rotinontsistaní꞉rons tánon iáh tehonatahonsatháton ne sharihwataʼtsheras.

Nehemiah 9:30

Asè꞉ken wé꞉so ioserá꞉ke sehiatenikonrí꞉ioston tánon sherihowanhathénhni thóh sanhakwatsherá꞉kon ne rontsá꞉nakes ne rotitokénhse; ne kit sá꞉ka iáh teonathahonsatháton, ne káti aoríhwa ní꞉se tashé꞉ion thóh rontsá꞉nake nonkweshón꞉a ne tsi ionhontsá꞉ien.

Psalms 78:8

tánon iáh tehiówenk ne thóh nahatihiathoténhake tsi ní꞉ioht ne sakotisotʼthonhkonkénʼen, rotiʼnontsistaníron tánon ratirihwaʼnónhwe ronhnónkwe, né꞉ne ónhkwe nakaweriáne iáh tehiorihwatóken, tsi thonwetákwen ne Rawenni꞉io iáh tehiorihwatóken.

Exodus 32:9

Wakateriéntare tsi nihotinonhtsistaníronh kí꞉ken ónhkwe.

Exodus 33:3

Thóh nónhwe niahisenonhátie ne iohontsárehsen ó꞉ni iohontsí꞉io. Ók iáh kíʼ Í꞉i tahítene, tsioríwa tsi sewanonhtsistanírons tsónhkwe, tánon nonhtiérenk tsi nihioháses enkwáhthonte.”

Exodus 33:5

Asèken ne Roiá꞉ner rohró꞉ri ne Mahís nasakoró꞉ri, “Sewaʼnonhtsistanírons tsónkwe. Tó꞉ka ó꞉ni shé꞉kon ne kènk nióre niahítewe, kwáh kíʼ oriwihiohónwe tsi enkwáhtonte. Ónen kíʼ Sewaríhsi ne sewawistanoronhshónhas, tánon tentiató꞉rethe onhnenkwahiéraʼse.”

Exodus 34:9

Wahénron, “Saiá꞉ner, tó꞉ka kwáh tókenske serientí꞉ios nakonhàke, Konriwanonhtónhnis nahitewaʼteró꞉shen. Kíʼ onkweshón꞉a ne rotinonhtsistanírons, ók shaʼsanikónhren nonhkwariwahetkénsera tánon nonhkwahriwanerenháktshera, tánon takwahiéna tsi í꞉se shonkwéta akénhake.”

Isaiah 48:4

Né aoríhwa waʼkateriéntaraʼkwe tsi niʼsewahtenikonrakʼsáton, tánon ne sewahniá꞉rake karisthá꞉tsi sewahtsinonʼiátare tánon ne sewahkenkwaráke otsínekwar niʼkaristó꞉ten í꞉ken,

Isaiah 63:10

Ók iáh teonatewenhnará꞉kwen tánon wahonwaʼnikonhrakaréwaʼte né raoʼnikonratokentítshera; né káti wahónhni wathontáʼtsion; kwáh kí rahónha wahonterí꞉io ne ronónha.

Jeremiah 17:23

Ne shaʼkothisotʼthonkonhkénʼen iáh tehionkathahonshatáton iáh ó꞉ni thènen karíhwa tehonnónhni. Khèkok, wahontenontsisthanírahʼthe; iáh tehionkathahonshatáton iáh ó꞉ni thènen tehothiweienthetáhon nakonháke.

Jeremiah 4:4

Sehwahtienawasthónhak ne sehwateriwahsehronniátsheras nakonháke, seh Watiá꞉ner, tánon sehwathaterihwahthokentísten nakonháke, íseh ne tiónkwe ne Judah ó꞉ni ne Jerusalem. Tó꞉ka iáh tothaisehwáhiere, nakenahkwátshera enhióteke tsi ní꞉ioht nótsire tioríwa tsi nikariwahétken tsi nisehwatiéren. Kwáh enhióteke, tánon iáh ónhka tahontetʼsénhri nahionskwáthe.”

Jeremiah 6:10

Wakʼkeriwahsehráko, “Ónhka enhionkathahónsahthate tó꞉ka enkhethárase tánon nahkheronkáhten? Rothinonhtsisthaʼnírons tánon iáh thahonthóntahte nahonthahónsahthate ne sateriwahnothátshera; enhatisteristhe tsi nahó꞉ten tatró꞉ri nahkíron.

Ezekiel 2:4

Kwáh ronerhiasaníron ó꞉ni rotinonhtsistaníronh. Ók kíʼ wakonhiateniéthaʼne nasehró꞉ri; ‘Kén kíʼ nahó꞉ten ne Rononhtí꞉io Roiá꞉ner ráton!’

Ezekiel 44:7

Rotihetkénton nakenonsatokénti tsi wahonwathiríhon ne iáh tehonatewahrahkwétharon ne thihononhontsátes, nónhkwe ne iáh tehionkewenhnaráhkwa, niahontháwehiathe Nononhsatokentiʼkówahne nónenh ne ionarésenhs tánon ne rahothinhekwénhsas ne konhwanahtsatatʼtsahátons ne katshénenhs hiontʼtáti. Káti nahkonhkwetashón꞉ʼas wahthatíhiake nahkateriwahsehronhniátshera né tsi nihioteriwahthehasónhas tsi nihonahtieráhnions.

Ezekiel 44:9

“Í꞉i, ne Wakenonhtí꞉io Watiá꞉ner, wakatró꞉ri kwáh iáh ónhka ne iáh tehotewahrahkwétharon ne thihahóntsathe, iáh ónhka ne iáh tehionkewenhnaráhkwa, niahontháwehiathe nakenonhsatokentiʼkówahne, akwékon iáh né thihahontsáthe né skátke rahthináhkere ne Israerʼró꞉nons.”

Leviticus 26:41

Tánon né wakarihónhni nakhehiatʼkónhten tánon hiaʼkhehiató꞉ri tsi waʼkhenakerákwahthe né꞉ne tsi thononhontsáien ne tehonhtátʼtions niahónhne. Neʼnónenh, ne tsi nenhsewatʼwatsírihne ehtháke ensonhthatónhni tánon teshotirihwasehrákwen ne rahotirihwanerahák꞉tsheras tánon tsi nihonateʼnonhtsisʼtakshaʼthónhne,

Numbers 27:14

ne aoríhwa tsi tesehnitsáron wetsatewenhnónhti nakerihwatáʼtsheras ne karakonhkówa ne Zin nónhwe. Nónen ne kanakeraserakwékon sahonkerihwakátaʼtshe ne Meribah nónhwe, iáh tesatʼthontáton nahisehnirihwanirátonke nakeshaststenseratokénti ne rahotihénton.” (Ne Meribah né꞉ne ionawerotehónhwe ne karakonhkówa ne Zin nónhwe.)

Acts 6:10

Nók ne Ronikonratokénti tsi nikowánen natʼthokhátsera taháwen ne Stephen nónen enhatáti, iáh tehatikwéniensʼkwe ne tahontahonwahwennóko.

Acts 7:27

Nók tsi nikáien neh ratenonwenserários iahóreke ne Mahís. ‘Ónhka iesonʼnién꞉ni nahontaskeniarótaroke ó꞉ni ne tastiatorétase?’ Wahariwanónton.

Acts 7:35

“Mahís seh neh ronwakenronníʼon ne Israerʼró꞉nons. ‘Ónhka ieshaianerenseráwi naskwahianerenʼserónnien ó꞉ni neh taskwahiathorétaʼse?’ wahatiriwanónton. Rahónhase ne Rawení꞉io thoʼteniéton nasakohianerenserónʼnien nonkwesónhas ó꞉ni nasakoniákente tsi nenhosniénon ne raronhiakerónon tsi nihothotashén꞉ni ne shiʼhiokwiratétkha.

Acts 7:39

“Nók nonkwasótʼtseras iáh tehonatʼthontáton nahonwahwénnaraʼkwe; hiaahonwáreʼke tánon wahonskáneke ne Egypt niahonsahón꞉ne.

Acts 7:9

“Ne Jacob sakoienokónhas wahonwanós꞉sa ne ronwakén꞉a Só꞉se tánon tsi wahonwatenní꞉non nahonwatehnaskónʼniaʼte ne Egypt nónwe. Nók Rawení꞉io nikwekón꞉ne

Romans 2:25

Tohká꞉a satewenʼnarákwa ne kaianerénsera, tsi satewarakwétaron iorihontákwen; nók kíʼ tòhka꞉a iáh tesatewenʼnarákwa ne kaianerénsera, sénha iohiánere꞉ne neh tóhsa nonwénton ahiesawarakwétaron.

Ephesians 4:30

Tánon tóhsa tsiónʼnien ne Rawenni꞉io Raonikonratokénti nahonikonráksen; Asèken rahonháke ne Ronikonratokénti nón ne Rawenni꞉io roieronnístʼthon níse tsi rahónha rahonkwéta, neh kariwanírats tsi ienwatenniseríhewe ne Rawenni꞉io tsi enshanerénsi.

Deuteronomy 10:16

É꞉tho káti, kén꞉en ienwatáhsawen tsi sewawenhnarákwak ne Roiá꞉ner tánon kén꞉en ienwatáhsawen sewátkaf tsi nisewanonhtsistaʼní꞉ron.

Deuteronomy 30:6

Ók ki ne Roiá꞉ner SewaNí꞉io kwáh enhakwahtháko ne seweriánes ní꞉se ó꞉ni tsi niensewatwatsí꞉rine natsisewawenhnaráhkwake, ne káti ne kwáh seweriasakwé꞉kon tsi atsisewanorónhkwake ó꞉ni sewatonhnetserakwé꞉kon, ne káti ne iahisewakón꞉taʼkwe ne tho nón꞉we nihiohontsá꞉ien ahisewanákereʼke.

Deuteronomy 31:27

Wakaterièn꞉tare tsi nihotinonhtsistaʼní꞉ron ó꞉ni iáh tehontewenhnaráhkwa. Iáh tehonatewenhnaráhkwen tsi nokwáh ne Roiá꞉ner tsi nikarì꞉wes konhnhétie, tánon sénha iáh tahontewénhnaraʼkwe nó꞉nen enwakihé꞉ion.

Deuteronomy 9:13

“Ethò꞉ne ne Roiá꞉ner shé꞉kon sahakénhase, ‘Wakhaterièn꞉tare tsi nihotinonhtsistaʼní꞉ronhs kí꞉ken onhkweshón꞉a.

Deuteronomy 9:6

Akwáh sewateriénhtarak né꞉tho Roiá꞉ner tsi iáh thetsisewá꞉wis kí꞉ken ionhontsí꞉io tiorí꞉wa tsi tahisewatenʼtsónhke. Iáh, sewanonhtsistaʼní꞉ron tsónhkwe.

Philippians 3:3

Nók í꞉i nonkwatsiáke neh ne kwá oriwiʼiohónwe tsi ionkiwharakwétaron, tsioʼríwa tsi ne thewasenʼnaientákwa thóh raosatsténsera ne Rawenni꞉io Rahonikónra tánon tsitewakweniénstha ne Kerístos Ié꞉sos. Iáh ne theionkwatharakwenháties ónh naionkwatséren.

Colossians 2:11

Tsi tetiateriwahsóntere ne Kerístos iesawahrakwè꞉taron, iáh ónhkwe teiesawahrakwetá꞉ron, onk Kerístos iawahrakwè꞉taron, neh iehiokwékʼton tsi tsisatatewenniió꞉on tsi nokwáh ne kaʼsatsténhsera ne sariwahnerahatʼténni.