Acts 7:5 - Ohiatonhseratokénti

⁵ Ne Rawení꞉io iáh tetʼthó꞉wi ne Abraham ne hiatehahiáti ahowénhake, iáh sékon ne sewasíta tahiotekerónteke nohóntsia, nók Rawení꞉io waharárasʼte tsi entʼtáwen, tánon rahowenkónwe enkénhake tánon ó꞉ni tsi nienhatʼwatsirí꞉ne. Neh thóh sikaháwi neh saharáhraste ne Rawení꞉io NʼAbraham iáh thénen tehowiraiéntakwe.

Acts 7:5 ပူးပေါင်းရင်းမြစ်များ

Genesis 12:7

Ethó꞉ne ne Roiá꞉ner wahototáhshien ne Abram tánon wahén꞉ron, “Tsi nienhsathwatsí꞉rine, né kí ne kanakeráhsera kheiawí꞉re.” Sók kíʼ thóh nón꞉we nahaónnien ne ietsenhahráhkwa ne Roiá꞉ner, ne ne rototahshién꞉ni.

Genesis 13:15

asèkenh akwé꞉kon tsi niiohón꞉tsa ne satkáhthohs entkón꞉ion tánon tsi niensathwatsí꞉rine ne ne tsi nén꞉we í꞉se sewawenkhón꞉we enkénhake.

Genesis 15:18

Né eʼthó tewenhniserá꞉tehkwe ne Roiá꞉ner wahaianerenhserón꞉ni skát꞉ne ne Abram, rá꞉ton tsi “Nienhsathwatsí꞉rine takhé꞉ion kí꞉ken ohóntsa, thóh entewatáhsawen tsitkaniataratátie ne Egypt ièn꞉wawe ne kaniataraʼkehkowanén꞉ke, ne ne tsi kaniataratátie Euphrates,

Genesis 16:2

tánon ne Sarai wahawénhahse ne Abram, “Satkáhthohs, ne Roiá꞉ner iáh tehakerihwá꞉wis naonkewiraién꞉taʼne; wás akehnhá꞉tshera skátne tsá꞉rat; nontié꞉renk ne enkakwé꞉ni naonkewiraién꞉taʼne nahonhá꞉ke naontá꞉we.” Ne Abram waharihwanón꞉weʼne tsi nahó꞉ten waʼkén꞉ron ne Sarai.

Genesis 17:8

Tánon kwáh Entkón꞉ion, tánon tsi niensathwatsí꞉rine ó꞉ni nó꞉nen ensenhé꞉ionke, tsi nón꞉wa nón꞉we thisonhontsá꞉te í꞉ken, aontonhontsà꞉ke ne Canaan, né꞉ne tsi nén꞉we ensawenkhón꞉weke; tánon Í꞉i ne Raotiní꞉io enkénhake.”

Genesis 23:4

“Thiwakonhontsá꞉te tánon kén꞉ʼen wakwahéston skátne tewanákereh; tationhóntion tsi naʼtesewátere né naiontatiaʼtataʼahsthake, né naón꞉ton atiaʼtáta ne khekstenhkénhen ne ne é꞉ren akhá꞉wihte nawenheión꞉ta nakhén꞉ton.”

Genesis 26:3

Nikarihwésha kén꞉ʼen tsi ionhwentsá꞉ien tsiʼ terón꞉tak, entenikwekónhake ó꞉ni enkoniaʼtaté꞉rihste; ní꞉se tánon tsi nienhsathwatsí꞉rine kwáh énttion akwé꞉kon kí꞉ken ionhwentsá꞉ienʼs, kwáh kíʼ énkenahne tsi niwakerihwahnirá꞉ton tsi nihihrharatstén꞉ni ne Abraham iaʼníha.

Nehemiah 9:8

Tánon wasetsénri ne rawé꞉ri ne sahénton tánon ní꞉se skátne wetsateriwasherón꞉ni nahontashátʼkawe ne rahononhóntsa ne Canaanró꞉nons, ne Hitró꞉nons, ne Amorʼró꞉nons, ne Perizró꞉nons, ne Jebusró꞉nons, tánon ne Girgashró꞉nons, thóh tsi wahawatsirathátie; tánon ní꞉se washerihwaié꞉rite ne sawenhnaó꞉kons asè꞉ken ní꞉se saiá꞉nere.

Ezekiel 33:24

“Rónhkwe iaiénha,” wahénron, “Nonhkweshón꞉ʼa ne ienahkeréhnion ne tsi ioriwenhtásehron kanatowáhnenhs né꞉ne Israel ahotonhwenhtsáke ionhtónhnions: ‘ne Abraham rahonhatsíwa khók kènhne, tánon ohontsakwékon rahónha thonwáhwi. Hionkwentiokowáhnenseh, káti nohóntsa í꞉i onhkwáhwenhk.’

Deuteronomy 10:11

Ethò꞉ne wahatró꞉ri ne hiáke tánon ne kwáh enkwahéntenhse, ne káti nahónton niahisewatié꞉nawatste ne tsi tiohontsá꞉ien ne tsi ni shakorahratstén꞉ni ne ietsisoʼthonkonhkén꞉en enhteshaká꞉wen.

Deuteronomy 11:9

Tánon karí꞉wes entsónhnheke ne thóh nón꞉we ne ionhontsí꞉io né꞉tho Roiá꞉ner sakorahratstén꞉ni ne ietsisothonkonhkén꞉en ó꞉ni tsi wahatiwatsiratátie.

Deuteronomy 2:5

ók tó꞉sa ki tasewatáshawen ne thé꞉nen naterihiósera ne rononhà꞉ke, tiorí꞉wa tsi kwáh iáh tahontátion shé꞉kon ne sewashí꞉ta nahónske nathaiotokerónhteke ne raononhóntsa. Né Edom nónhwe né꞉ne Esau rahowátsire tekheiáwi.

Deuteronomy 34:4

Ethò꞉ne ne Roiá꞉ner wahawénhase ne Mahís, “Ne kí꞉ken ne iohontsá꞉ien ne khehiararatstén꞉ni ne Abraham ó꞉ni ne Isaac, tánon ne Jacob tsi enthekhéion tsi nienhontwatsí꞉rine. Wakonhríhon nasatkátho, ók iáh ki thakonhrí꞉hon ne thóh nón꞉we iáse.”

Deuteronomy 9:5

Iáh ne tetiorí꞉wa tsi sewaiánere tánon thóh nisewahiéra né꞉tho Roiá꞉ner tsi sewariwá꞉wis nahisewatié꞉nawatste ne rahononhóntsas. Akwáh enshakohiaʼtínekenhwe ne tiorí꞉wa tsi nihonhnonkweʼtahétkens tánon ne tiorí꞉wa tsi ihré꞉re nahatié꞉nawatste tsi nishakorahratstén꞉ni ne sewasoʼtsheraokonhkén꞉en, nʼAbraham, Isaac, tánon ne Jacob.