Acts 6:9 - Ohiatonhseratokénti

⁹ Nók ótiakes ne ronónkwe ronwariwakweníhaʼkwe nononsatokentíke ratiʼiátare ó꞉ni neh Freedmen ronwatinathónkwa, ó꞉ni ne Cyreneró꞉nons tánon ne Alexandria. Rononha tánon ne ronátiakes ne Sitaeró꞉nons ne Cilicia nón nihatinákere tánon ne Asia tahontásawen wathatiriwakéna ne Stephen.

Acts 6:9 ပူးပေါင်းရင်းမြစ်များ

Matthew 10:17

Seȣatatenikonrarak kati nonkȣene nonkȣati; aseken enhietsiiatinionte tsi rontkonnisahata, enhontennhane oni aiotsisokȣaȣeson tsi ronterennaientakȣa.

Matthew 23:34

Aseken naontakȣatennietase, Rotitokense, thononkȣetaieri oni ratiiatons, aietsiiaȣentho se are, aietsiiasakestsko, aietsisokȣaȣesonnion tsi seȣaterennaientakȣa, nok aietsisereson aietsinaskȣenhaȣison tsi seȣanataienton.

Matthew 27:32

Onen sihotiiakenhonhatie eh ȣathonterane, Cireneanronon, Simon ronȣaiats neh ȣahonȣaton-nioktakȣen nahatiasaketate ne Iesos raoiasa.

St. Mark 13:9

Seȣatatenikonrarak kati nise: aseken enhietsiiena enhietsiiatenhaȣison oni tsi teieiatoretakȣa, oni isi ionterennaientakȣa, enhietsisokȣaȣessonnion; ienhietsiiateȣe oni rahotihenton ne Ratikorasson oni Rotinontiiosson nii akerihonniat, neok oni nahontkathote.

Luke 21:12

Iatekariȣakonte ki tanon tsi iatenhonnisnonsaren ne seȣaiatake, enhietsikenrenseronni, enhietsiiasarinesson tsi ionterennaientakȣa, oni enhietsinnhoton; nok enhietsiiatenhaȣison rahotihenton ne rotinontiiosson, nii aksennakon.

Acts 11:20

Nók ótsiakes ne rotiriwiʼióstons, neh Cyprus tánon ne Cyrene non nithonénon, Antioch niahónne tánon hiahonwanateriwanótʼthase ne iáh tehatiʼsitaeʼró꞉nons ronwatirohrihátie ne kariwí꞉ios tsi nókwa ne Roiá꞉ner Ié꞉sos.

Acts 13:1

Tsi niháti ne ronteriwanótʼtha ne kariwí꞉ios ó꞉ni neh sakotirihonʼnién꞉nis ne tsiakawetákwen neh nónwe ne Antioch: Barnabas, Simeon (ronwanathónkwa rahóntsi), Lucius (ne Cyreneró꞉non), Manaen (rahiátaʼre ne Herod rahokoraserákon ne Galilee) neh nònʼne sáka ne Saul.

Acts 13:45

Nónen ne Sitaeró꞉nons sahsakothíken nonkwesónhas kwáh wahatihiatánane ne kanosáhtsera; wahtathiriwatirónten ne Kór tsi nahóten rotharákwenne tánon wahonwakenrenserónni.

Acts 15:23

Tánon ken nikawennóten tsi iahonwathihiátonse: “Í꞉i ne iakwateriwanótʼtha ó꞉ni ne rathiretiárons, sewatatekenokónhas, kwáh shewakwékon nonkwatatekénseras ne iáh tehatiʼsitaeʼró꞉nons tsi ronahnakeráton tehiakhiʼnonwerátons tsi niháti neh thoʼnónwe nihatinákere ne Antioch ó꞉ni ne Syria ó꞉ni ne Cilicia.

Acts 15:41

Syria tánon Cilicia iahiathóhetste, sakothisatstenserawiháties ne onkwesónhas.

Acts 16:6

Iahiathóhetste tsi tiohóntsiaien ne Phrygia ó꞉ni ne Galatia tioríhwa ne Ronikonratokénti iáh tesakoriwáwi nahonateriwanótake tsi kanakeraseráien ne Asia.

Acts 18:24

Neh thóh sikaháwi saiáta ne Sitaeró꞉non Apollos ronwáiats nehne Alexandria nón nihonakeráton, Ephesus nontáre. Kwáh íken tsi rahrontʼkhatserí꞉io tsi ní꞉ioht tsi rahthátis ó꞉ni kwáh íken tsi teʼiahonkóton tsi nihotheriéntare noriwatokentísons,

Acts 19:10

Tehioseráke kí꞉ken thóh nihiothónne, neh nahónton kwáh tsi niaʼteionkwétake neh nónwe niʼienákere nahonthonwentsiáke ne Asia, rathikwékon ne Sitaeró꞉nons ó꞉ni ne iáh tehatiʼsitaeʼró꞉nons nahónronke ne Roia꞉ner rahowennahókons.

Acts 19:26

Ónen, káti kwáh iatesewahiáti wesewatʼkátho ó꞉ni wesewatʼthóntene, iáh kén꞉en khók Ephesus tèken nók kwáh thóh wáhtsik nonwéson ne Asia, kí꞉ken rónkwe Kór, tasakonóntonse ó꞉ni iakotsiokowánen wasakoriwaténi tsi nihariwáhsaste nahóten nosnónsa iohiathonniseríson iáh kíʼ niʼioʼokónhas tèken.

Acts 21:27

Nók kwáh ónen thówah sahontók꞉ten ne tsiátak niwenniseráke, tóhkaʼra niháti ne Sitaeró꞉nons nehne nahontonwentsiáke ne Asia nónwe nithonéʼnon wahonwáken ne Kór thóh kanónskon Nononsatokentíke. Kwáh onkwetakwékon tsi wahsakothitsirónnien tánon wahonwaiéna ne Kór.

Acts 21:39

Kór watariwaseráko, “Ksiʼtaeronon, Tarsus nónwe tewakenakeráton nehne Cilicia, thóh nónwe nikʼsénnare ne kwáh kasennowánen kanáta. Ahsatʼthontátʼtseke akhétarase nonkwesónhas.”

Acts 22:19

‘Saiá꞉ner,’ watʼkeriwaseráko, ‘kwáh íken tsi ronatheriéntare tsi ononsatokentíke niewakénon tánon wahkheié꞉na ó꞉ni waʼkhenonwenserhário tsi niháti ne tsesetá꞉kwen.

Acts 22:3

“Ksitaeronon, Tarsus nónwe Cilicia aotonhontsake tewakenakeráton, nók kén꞉en Jerusalem wahkathehiáron Gamaliel non niʼwakateweiénston. Kwáh íken tsi ioníron tsi wakateweiénston ne ietʼthisotʼtahokonkén꞉en rahothihianerénsera ó꞉ni kwáh éhʼtho tsi niʼiʼriwakweniénstha ne Rawenni꞉io tsi kiʼniseʼní꞉ioht ne kén꞉en isewes꞉nónwa wenniseráte.

Acts 23:34

Ne rakóra wahawennanóten ne kahiatónsera tánon wahoriwanóntonse ne Kór kaʼnón nithawénon. Nónen sahariwatʼtsénri tsi Cilicia nónwe nitawénon,

Acts 24:18

Neh káti tsi nikaríwes ehʼniwatierenhátie ononsatokentíke iahontiatatʼtsénri, kíʼ hiatʼkhóten tsi sakatonnhakanónʼni. Thiʼwakonhákok iáh ó꞉ni thènen tatekanikonrahrakʼtseráien.

Acts 26:11

Wéso ioriwá꞉ke wakatennáʼon nononsatokentíke ahonwathiréwate ó꞉ni wakatheniénten nahonthonní꞉en tsi nithoʼnetákwen. Thóh niʼió꞉re tsi ionkenakónniskwe, nóia tknanataiénton niewakénon nakheronhiákente.

Acts 6:10

Nók ne Ronikonratokénti tsi nikowánen natʼthokhátsera taháwen ne Stephen nónen enhatáti, iáh tehatikwéniensʼkwe ne tahontahonwahwennóko.

1 Corinthians 1:20

Átskwi, kahʼnènʼne nónwe niaʼtenhonahtátere ne rontʼthóhʼkas? Tóhkaʼ ó꞉ni ne shakotirihonniénʼnis? Tóhkaʼ ó꞉ni ne rohtirennaʼon tehatirihwahwénhrons ne kén꞉en ionwenhtsiáthe? Rawenni꞉io rahwenéston né kén꞉en ionwenhtsiáte ahotokʼtkátshera tsi tehiotenonwahrorítonthe!

Galatians 1:21

Onakènke Syria tánon ó꞉ni Cilicia niaháke.