Acts 6:7 - Ohiatonhseratokénti

⁷ Tánon káti ne Rawení꞉io rahowénʼna ionsontasónteren tonsonʼréni. Ne ronteriwanótha ne Jerusalem nónwe takanenrakwátaʼne tsi nahonatiokowánaʼne, ó꞉ni kwáh éhʼtho tsi niháti ne ratiʼtsihénstatsis wahatiʼiéna ne tewetákwen.

Acts 6:7 ပူးပေါင်းရင်းမြစ်များ

2 Chronicles 29:34

Tsi iáh tsatekaiéri tsi nihá꞉tiʼkwe ne ratitsihénstatsis né konhtikwékon asakonawénhtʼtho kí꞉ken katshénens, né ki ne Leviró꞉nons wahonsniénon tsi nió꞉re iakahiotenhserénhtaʼne. Éhtho nió꞉re ne ratitsihénstatsis sénha kíʼ ronatiokowáhnen tsi sahonthatsiathatokéntisʼte. (Né Leviró꞉nons tsi sénha kíʼ rotirihwatókenhne tsi ronatienawáston tsi nihiorenhnáhonhne nahonatkwenienstónhake tsi ní꞉ioht ne ratiʼtsihénstatsis.)

2 Chronicles 30:24

Né Ronnontí꞉io Hezekiah tasakoiésten 1,000 nihá꞉ti tionónskwahron ratítsinn tánon 7,000 nihá꞉ti teiotinakarontónhas né nonhkweʼshón꞉as ahonwanawénhto ó꞉ni tahonskáhonhkwe, tánon ne ronaterihóntons hionsahatí꞉ieste 1,000 nihá꞉tis tionónskwahrons ratítsinn tánon 10,000 nihá꞉tis teiotinakaronhtónhas. Kwáh í꞉ken tsi ronatiokowánen ne ratiʼtsihénstatsis né wahonterihwaténhtsaʼte tsi nihiorenhnáhonhne tsi sahonthaʼtiatatokéntiste.

Psalms 132:16

Nahotsihenstaʼtsishókons ne enhotihiathonthakwénhaʼke ne kaienawaséhtshera, tánon ne rotirihwatóken kwáh thenhotihénreʼte natʼtsenhnonhniátshera.

Psalms 132:9

Ne shatsihenstaʼtsiókons ne rothiʼhiathontakwénhak ne kariwaʼkwahrihshióntsera, tánon ne shonkwetaʼshón꞉has ne rotirihwaʼtó꞉ken tehotihénret naʼtsenhnonhniátshera.

Matthew 19:30

Kentiokoȣanen tanon ne iehente ohnaken entsiakaonniate, nok nʼonaken ihien neh entsiehente.

Luke 2:34

Nok ne Simeon ȣasakoiatateriste, nok ȣarenhase nʼOnȣari, ronistenha: Kehiken raksaa, kentiokoȣanen nenhiontkaronniate, kentiokoȣanen oni nenhiontsennonniate nʼIsraerronon, nok oni tenhiontennikonratihatanionkȣe nonkȣeokon.

John 12:42

Ronentiokoȣanen sane ne ratitsihenstakȣeniios tahonnetakȣe raosennakon, iah ki tanon ȣehne tohonnonniskȣe, ne tsi sakotitsaniskȣe ne Pharisian, onȣa sotsi tenthonȣatiiatinekenȣe tsi ionterennaientakȣa.

Acts 12:24

Ónen sénha nonkwesónha wahontahónsatate ne Rawenni꞉io rahowénna tánon tahiakétakwe.

Acts 13:8

Nók neh tehatserónnions Elymas wathateriwahrénho (neh tehasennásere ne Bar-Jesus nehne Greek ahronkkhátsera), raónha rohiothatíhakwe ne rakóra nehne tóhsa ahontarétakwe ne tewethákwen.

Acts 14:22

Wahsakothisatsténseron ne iakoriwiʼióstons ó꞉ni wasakothinikonráreke naʼiontsénawasthe ne tewethákwen. Tsi wahsakothirihónnien “Kwáh iawethowánen tsi ní꞉ioht tsi thetewathohesthánions ne karonhiakénseras niaʼitewatáwehiate ne Rawení꞉io rahonakeraserákon.”

Acts 19:20

Nakwékon tsi nahawénseron kwáh iohsátsthe tsi tahiakéthakwe nonkwesónhas, tánon káti nehne rahosatsténsera ne Roiá꞉ner, nateriwanothátsera khék watewaréhni ó꞉ni kasátsthe tsi onteiáron.

Acts 2:47

Ronwasénʼnaiens ne Rawení꞉io, ó꞉ni ronatʼtsenón꞉ni tsi nitsiakoriwaiéris nonkwesónhas. Tánon kwáh niaʼtewenniseráke ne Roiá꞉ner sehsakotiokwaʼiesthonhátie tsi nihiákon nentiakéthakwe.

Acts 21:20

Nónen sahonwatahonsatáko, ratikwékon waʼthonwanonweráton ne Rawenni꞉io. Ehʼthóhʼne wahonníron, “Tewatatéken Kór, satʼkáthos thóh naʼtewenniawehetserásen nihiákon ne Sitaeró꞉nons taʼiakétakwe, tánon tsi nihathiriwakweniénstha ne kahianerénsera.

Acts 6:1

Kwáh kén náhe onakènʼke, tsi wahonatiokowánaʼne ne thonetakwen, okʼtsíro tsi natehóntere nehne Sitaeró꞉nons neh ne ronhrónkʼkhas ne Greek ó꞉ni ne Sitaeró꞉nons neh ne ronhrónkʼkhas ne Hebrew. Neh ne ronhrónkʼkhas ne Greek wahonʼníron neh rahononkwetaʼsónhas ne ionatereʼons iáh tekontiʼienas tsi natehonreniata nowísta ne ionateréʼons ahotiriwáke.

Romans 1:5

Rahonháke non ne Rawenni꞉io tahákon natatewennihiótsera neh꞉ne akateriwanhóten ne Kerístos rahoriwáhke, Neh nahontáwe nakehéntense ne kwáh tsi niateʼiakahóntsiake nahontaʼiakétakwe tánon naiontewénʼnarakwe.

Romans 16:26

Nók kíʼ neh tsi nihotihiathónnions ne rothitokenséhakwe ne iorihónni iakotiokowánen nonkwesónha aiakonikonraiéntaʼne nʼoriwíʼio; ne ronnheʼónwe Rawenni꞉io rotennáʼon kwáh ken tiokwakwékon aiakoteriéntaraʼne nʼoriwíʼio, nekáti nakwékon ahontahonwétaʼkwe ne Rawenni꞉io ó꞉ni ahonwawénnaraʼkwe.

Galatians 1:23

Nek khók ronateriéntaraʼkwe nakorénson tsi nihónton: “Ne rónkwe neh sonkwaronhiakéntaʼkwe ó꞉nen rateriwanótʼtha ne tewetákwen nénska roteniénten naháthonte!”

Galatians 6:10

Ne káti, tsi niʼioriwáke enhionkwatesennaiéntane, kwáh ioianeréhak tsi naietʼthihiatiérase nakorénson, kwáh ó꞉ni sénha tsi niháti neh nón nihatiʼiátare non kwentiókwakon ne tewetákwen.

Colossians 1:6

Noriwahtokénti kwáh tiokontákwen taiohahátie ne kahiataterí꞉tsheras ó꞉ni tehioreniatonháties tsi nonwéhsons ne tsi ionwentsiáte, kwáh tsi nihioié꞉ren ne tsi natesewáhtere neh kwáh sontontsérente wesewáhronke ne Rawenni꞉io rahoténrat tánon wesewahriwaiénterane ne kwáh tsi niiohrihóthen.

2 Thessalonians 1:8

enhiotonʼiotátse, ne nasakoréwahte tsi niháti ne ronwahkenronní꞉on ne Rawenni꞉io ó꞉ni tsi niháti ne iáh tehonatewennarákwen ne kariwí꞉ios tsi nòkwa ne Sonkwahiáner Ié꞉sos.

2 Timothy 2:9

Tsioríhwa tsi katerihwanótʼtha ne kariwí꞉ios, wahkeronhiáken tánon ó꞉ni kwáh oronkwása ìkneren tsi ní꞉ioht ne sohterihwatewáton. Onk ne Rawenni꞉io rahowénna iáh nèn꞉ne oronkwása tèken,

Hebrews 11:8

Tewehtákwen seh wahahónnien ne Abraham nahatewénhnaraʼkwe tsi nahóten ne Rawenni꞉io rohróhri tsi tkanakerahseráien niáre tsi nihorahratsʼténni ne Rawenni꞉io enháwenh. Wahatewénhtethe ne raonakeráhsera iáh tehotheriéntare kah nónwe niahawehnonhátie.

Hebrews 5:9

Tsi ónen watatónkothe, raónha ne kashatsténshera waháton ne ionnhehónwe kaiatahkeʼnhátshera né꞉ne tsi niiá꞉kon nenhonwahwénnarahkwe,

Jude 1:20

Nok ní꞉se, tewatenrosónhas, iasewatasónteren naihsewateiaronháse ne iotokénti tewetákwen. Thónon nasewaterennaiéntak ne rahoshaststensherákon ne Ronikonrí꞉ioston,

Jude 1:3

Tekanó꞉rons tewatenrosónhas, kwáh iatkatatʼtsáhate tsi iakwahiátonse ne ahoriwà꞉ke ne kahiatakenátsera tsi satehionkwáwenk, ne sakatʼthoke tsi teiothonʼontió꞉on ó꞉nenk iakwahiátonse nakwanikonraní꞉rate iasewathasónteren tsi nih tisewethákwen kwáh tió꞉konte ne kénhak ne tsi nitesakó꞉wi ne Rawenni꞉io rahonkweʼtasónha.