Acts 6:5 - Ohiatonhseratokénti

⁵ Kwáh kentiokwakwékon wahakaweʼrientí꞉io tsi nahatítaʼte ne ratikweʼkónʼne, sók kíʼ Stephen wahonwahiataráko, thóh rónkwe kwáh íken tsi tawetákwen, ó꞉ni ne Ronikonratokénti, tánon Philip, Prochorus, Nicanor, Timon, Parmenas, ó꞉ni Nicolaus, tánon ne iáh teʼasitaerónon ne Antioch nithawénon neh꞉ne iáh wahónʼnise tsi néhe Judaism non nishotsiátare.

Acts 6:5 ပူးပေါင်းရင်းမြစ်များ

Acts 11:24

Barnabas raónha ne rónkwe kwáh rahiatanánon ne Ronikonratokénti ó꞉ni ne tewetakwen, tánon hiakotiokowánen tahiakétakwe rahonháke ne Roiá꞉ner.

Acts 21:8

Tsi ó꞉ia sahiórenʼne sahiakwaténti tánon Caesarea iahákwaʼwe. Thóh rahonʼnónskon iahakwatáwehiate ne rateriwanó꞉ta Philip ronwáiats, raónha ne saiátat ne tsiátak niháti ronwathiʼiatarákwen nahontsʼniénons ne Jerusalem nónwe.

Acts 6:8

Ne Stephen, thóh rónkwe kwáh íken tsi iawethowánen ne Rawení꞉io tsi rohiatateríston ó꞉ni kwáh rasatstenseranáh꞉non, iorihowánens tsi nihoieránions ne ioriwanerakwathénions nonkwé꞉ne.

Acts 7:1

Ne ratsihenstowánen wahoriwanóntonse ne Stephen, “Tókensʼke kén thóh kiʼní꞉ioht?”

Acts 6:3

Éhʼthoh káti, tewatenrosónhas, tsiátak niháti ietʼtsiʼiataráko tsi naʼtesewátere nehne kwáh ronwatiʼientéri nahatiʼhiatananónhake ne Ronikonratokénti ó꞉ni kanikonraienthátsera, tánon ronónha enʼhiakhihiatakweʼní꞉iosʼte kíʼ nahorihótens.

Acts 13:1

Tsi niháti ne ronteriwanótʼtha ne kariwí꞉ios ó꞉ni neh sakotirihonʼnién꞉nis ne tsiakawetákwen neh nónwe ne Antioch: Barnabas, Simeon (ronwanathónkwa rahóntsi), Lucius (ne Cyreneró꞉non), Manaen (rahiátaʼre ne Herod rahokoraserákon ne Galilee) neh nònʼne sáka ne Saul.

Acts 11:19

Ótsiakes ne rotiriwiʼióstons neh tsiatehonarénion tsi nihiorihonʼníʼon ne kakenronniátsera tsi thóh niʼiawén꞉en nónen ne Stephen sahonwanonwariákon thóhnióre nieʼiawénon tsi nióre ne Phoenicia, Cyprus, ó꞉ni ne Antioch, nekʼkhók ne Sitaeró꞉nons ronwahnateriwanotaníhakwe.

Acts 6:10

Nók ne Ronikonratokénti tsi nikowánen natʼthokhátsera taháwen ne Stephen nónen enhatáti, iáh tehatikwéniensʼkwe ne tahontahonwahwennóko.

Proverbs 15:23

Iotonhnhá꞉raht nó꞉nen enhsetshén꞉ri ne kwáh tkawennaié꞉ri tsi nahò꞉ten saterihwahtentiá꞉ton!

Revelation 2:15

Káti ó꞉ni ní꞉se kwáh tionkwè꞉taien otià꞉kes ronónha ronatienawáston ne raotirionhnienhní꞉tsheras ne Nicolaitans.

Revelation 2:6

Tsi nió꞉re nón꞉wa ne kí꞉ken ensaié꞉nawaʼse: ní꞉se seriwáhsons ne raotihioʼthénhseras ne Nicolaitans, ne nonhní꞉i ítsons.

Acts 15:22

Ethò꞉ne ne ronteriwanót꞉thas ó꞉ni ne rathiretiárons, kwáh kanenrakwékon, tsi hiathotiriwaiéntase nónkak ronnónkwe ahonwathihiataráko tsi nihotitiókwa tánon Antioch iahonwanatóri skátke ne Kór tánon ne Barnabas. Tenihiáse wahonwathihiataráko nehne kwáh éhneken tsi nihonwathikweniénstha ne thonnetákwen, Judas, neh ronwanathónkwa ne Barsabbas, tánon ne Silas,

Matthew 23:15

Seȣententasere ise ne Seȣaiatons oni Pharisian Akonȣara! Aseken onȣentsiakȣekon nitiseȣetha ne taietsiriȣateni; nok nonen tenhateriȣateni tenȣatiaseren tsisenha ranesonronon enhaton tsiniiot nise.

Micah 3:8

Ók kíʼ ní꞉i, kwáh tiataná꞉non naoshatsténhsera né꞉ne raoshatsténhsera Roiá꞉ner, tánon skátne ne kaiáneren ó꞉ni ne kaʼshatstenhserowá꞉nen, né nahiró꞉ri ne Jacob ne raoriwaneraháktshera ó꞉ni ne Israel aorihwaneraháktshera.

Proverbs 15:1

Tókaʼ skenén꞉ʼa tsi tenhserihwaʼserá꞉ko shakʼthenwá꞉ton ne kanaʼkhwénhtshera, nok ne kanaʼkhwenhsherá꞉kon nowén꞉na sénha eniakonaʼkón꞉ni.

Genesis 41:37

Kí꞉ken tsi wateʼnikonhrón꞉ni kwáh í꞉ken tsi rawerienʼtí꞉iohskweʼ ne Pharaoh tánon ratikwé꞉kon ne raohnhaʼtsheraʼshón꞉ʼahs.

Acts 2:4

Kwáh ratikwékon washakotsiénhase ne Ronikonriʼióston tánon tahontásawen thih waronkhatserates wahontátionko, neh꞉ne Ronikonriʼióston wahsakoiénawaʼse nahontáti.

Acts 11:20

Nók ótsiakes ne rotiriwiʼióstons, neh Cyprus tánon ne Cyrene non nithonénon, Antioch niahónne tánon hiahonwanateriwanótʼthase ne iáh tehatiʼsitaeʼró꞉nons ronwatirohrihátie ne kariwí꞉ios tsi nókwa ne Roiá꞉ner Ié꞉sos.

Acts 11:22

Nonkwesónha ne tsi tionterennaientákwa ne Jerusalem wahatiriwáronʼke tsi nontaʼiáwenne ne Antioch, sók kíʼ Barnabas Antioch nónwe hiahonwatóri.

Acts 11:26

Siahohiatatʼtsénri, Antioch nionsahohiaténhawe, tánon kwáh iaʼhiathoseríke tsi ionterenʼnaientákwa nónwe nihontkenʼnisáhaskwe nonkwesónha ó꞉ni hiakotiokowánen wasakotirihónʼnien. Thoʼnónwe ne Antioch ne kwáh tiotserenthákwen ne tsiakawetákwen Iakoriwiʼióston wahontatenathónkwen.

Acts 11:27

Neh siwatʼtháwi ótsiake ne iehatiriwákenskwe Jerusalem tahonténti tánon Antioch niahónne.

Acts 22:20

Tánon neh iariwanirátiskwe Stephen sahonwanonwariákon, kwáh thóh Íkeskwe, wakeriwanónweʼne tsi wahonwásehthe ó꞉ni wahkakhitarón꞉ne, ne tehontewehiarákwas ne sakonaséthas.’