Acts 6:3 - Ohiatonhseratokénti

³ Éhʼthoh káti, tewatenrosónhas, tsiátak niháti ietʼtsiʼiataráko tsi naʼtesewátere nehne kwáh ronwatiʼientéri nahatiʼhiatananónhake ne Ronikonratokénti ó꞉ni kanikonraienthátsera, tánon ronónha enʼhiakhihiatakweʼní꞉iosʼte kíʼ nahorihótens.

Acts 6:3 ပူးပေါင်းရင်းမြစ်များ

Exodus 18:21

Ók né hiehiowènhthe, teshaʼthonwenhtsó꞉ni nashehiataráko ne roʼnathonkweʼtakwahríshion ó꞉ni sehrihón꞉ten nashaʼkotihéntense nonhkweshón꞉ʼa: sakotihéntens ne tewenhniawehetʼtserásens, tewenhniawehʼèhʼkons, wisksʼshonhʼniwásens, oieríshons nahaʼtíhake. Ónenk tsi né꞉ne ronhʼnónhkwe ahonwaʼtsaní꞉sehke ne Rawenni꞉io né nahónton nahontahonwenhneʼthaʼkwe tánon iáh thahatiʼiéna ne thènnen tahonwaʼtitsikheʼtaʼróhse.

Isaiah 28:26

Asèken kwáh í꞉ken tsi ronwatiʼrihonhniénhni; ne ne raotiní꞉io sakorihhonhniénhni.

Isaiah 28:6

tánon ne akakenʼenniónhon ne kaiá꞉neren tsi nikáien nónhka enhá꞉tsien naharihwenhtàke, ó꞉ni ahotiʼshatstenhseraʼién꞉take tsi niháti nahonsahónkʼthate nateriʼióshera ne tsi iothenhenrakáronte.

Matthew 23:8

Tosa tanon nise aietsinatonkȣake: Sonkȣaȣenniio! Aseken Keristos ok raonhaa hetsiseȣarihonnienni nok nise akȣekon tiieseȣatatekenha.

John 21:23

Ȣateȣateriȣareni neh nikaȣennoten raonatatekenserakon, tsi iah tharenheie ne thohiken. Iah sane tehaȣen ne Iesos iah tarenheie; neok ne: ok takanonton nahenterontake tsiniiore tentke, sariȣake katikenh?

Acts 1:15

Tohkára nónta onakènʼke wahontʼkenʼnísa ne thoʼnethákwens, kakʼnon ne énskat tewenʼniáwe tánon tewásen nihátikwe, tánon ne Tiér wahthátaʼne nahatáti.

Acts 1:21

“Ehʼthohʼká꞉ti, ónen tsikʼónkak entionkhihiatsiátaraʼse nahathiriwanírate tsi nisohthonʼnhéton ne Roiá꞉ner Ié꞉sos. Ónenk tsi neh nónkak ne rónkwe ne skátʼke tsi ní꞉ioht tsi tehionkwathawén꞉rie ne Roiá꞉ner Ié꞉sos, thóh tiotásaʼwe ne Sawátis sahatheriwanóten naʼtenekwahéston tsi nióre sathonsethewatetʼkháshon ne Ié꞉sos karonhiá꞉ke nionsáre.”

Acts 10:22

“Ranenrakweʼní꞉io Cornelius tasonkwatóri,” watatiriwaseráko. “Tronkwetaiéri roʼsénnaiens ne Rawenni꞉io tánon ó꞉ni kwáh íken tsi éneken tsi ní꞉ioht tsi ronwariwakweniénstha ne Sitaeró꞉nons. Ne Rawenni꞉io rahoronhiakerónon wahoróri ne iahianatarénaʼse ne tsi thonónsohte, neh nahónton nahothónteʼne tsi nahóten sáien nasíron.”

Acts 15:23

Tánon ken nikawennóten tsi iahonwathihiátonse: “Í꞉i ne iakwateriwanótʼtha ó꞉ni ne rathiretiárons, sewatatekenokónhas, kwáh shewakwékon nonkwatatekénseras ne iáh tehatiʼsitaeʼró꞉nons tsi ronahnakeráton tehiakhiʼnonwerátons tsi niháti neh thoʼnónwe nihatinákere ne Antioch ó꞉ni ne Syria ó꞉ni ne Cilicia.

Acts 16:2

Rathikwékon ne thonethákwen thonónwe ne Lystra ó꞉ni ne Iconium tehonwarensáronskwe ne Timothy.

Acts 2:4

Kwáh ratikwékon washakotsiénhase ne Ronikonriʼióston tánon tahontásawen thih waronkhatserates wahontátionko, neh꞉ne Ronikonriʼióston wahsakoiénawaʼse nahontáti.

Acts 22:12

“Thóh non kanátakon renteróntaʼkwe ne Ananias ronwáiatsʼkwe, roriwiʼiósthonʼne rathewennarákwaʼkwe nonkwaianerénsera tánon kwáh íken tsi ronwakweʼniénstakwe neh Sitaeró꞉nons neh nónwe nihathiná꞉kerehkwe.

Acts 28:14

Thóh nónwe thó꞉ka niháti wahakhihiatatʼtsénri ne thonetákwen neh wahonkhiriwanónthonse ne thóh nonnaiakwéseke tsiaʼiák꞉sera. Tánon káti Rome wahákwaʼwe.

Acts 6:2

Sók kíʼ ne tékeni iawénre niháti ne ratikweʼkónʼne hiahonwatinónkon kwáh kanenrakwékon ne thonʼnetákwens tánon wahonʼníron, “Iáh tetʼkariwaiéri naiontʼkénraʼte nahonteriwanótake ne Rawení꞉io rahowén꞉na kék neh kén nakaiéren nowístas.

Acts 6:5

Kwáh kentiokwakwékon wahakaweʼrientí꞉io tsi nahatítaʼte ne ratikweʼkónʼne, sók kíʼ Stephen wahonwahiataráko, thóh rónkwe kwáh íken tsi tawetákwen, ó꞉ni ne Ronikonratokénti, tánon Philip, Prochorus, Nicanor, Timon, Parmenas, ó꞉ni Nicolaus, tánon ne iáh teʼasitaerónon ne Antioch nithawénon neh꞉ne iáh wahónʼnise tsi néhe Judaism non nishotsiátare.

Acts 6:6

Ne kentiókwa watonwanateróseron ne ratikweʼkónʼne, wahonterénʼnaien tánon wathonwananisnónsaren.

Acts 9:30

Neh nónen ne thoʼnethákwens sahatiriwatʼtsénri, Caesarea non niahonwahiaténhawe ne Saul ó꞉ni Tarsus nónwe hiahonwaténienʼte.

1 Corinthians 12:8

Ne Ronikonratokénti tionkwéta enteshakáwen nahteriwahnothátshera thitʼkáhehre ne kariwahkwahrishióntshera, nók nó꞉ia ne sahahiáta ne Ronikonratokénti entesakáwenh nahteriwahnothátshera thitʼkáhere ne atʼtokháhtshera.

1 Corinthians 16:3

Nónen iénkewe, éntʼtsion ne kahiatónsera nahkwatenikónron tsi niháti ne ronteriwahnótʼta ientʼtsihiataráhkwen ne iaietʼtsihiaténiete ne Jerusalem iahatíhawe ne sewahʼwísta.

Ephesians 5:18

Tóhsa sanonwaráthont tsi nasnekíra notsítsia, kwáh nènʼne nek khók nensakarón꞉ni; khék, neh tiatanahnónhak ne kanikonrí꞉io.

Deuteronomy 1:13

Ietsihiaʼtará꞉ko ne ronhteʼnikonrahtó꞉kha, rontinikonhraientátskon, tánon ne ronaterièn꞉tare né nikarihó꞉ten né꞉ne skenʼtarátions non nahontahón꞉ne, tánon ronhnónha enkherihónten naietshihiatenʼnikónhraren.’

1 Timothy 5:10

tánon konwatiʼientéri tsi kontiweienʼní꞉io: nètho hiónkwe tkariwaiéri tsi iakawehiáron nakohioʼokónha, iakohonkaráwi ne iakoiesahonhátieskwe ne ahonónskon, tánon tehiakhoróhton nótiakes ne iakorihwiʼióstons, iakoiénawaʼse nónka tehiakonikónrare, tánon iathehiotatʼtiaháton iohióthe ne ioiánere.

Ne꞉ne Sák Rohiaton 1:17

Ákwe tsi nahótens ne iohiánere ne kahieʼnahwaséhtseras ó꞉ni ne tkariwahiéris karonhiáke nithewétha; Rawenniʼióke nón nithewétha, né rohsahánion tsi naʼteioswátʼthes tsi karonhiátes, raónha, ne tiókonte ne sahahiáta íken iáh ó꞉ni né tetiókaras ne takarihónni ne ó꞉ia nahonsahaʼhiathótenʼne.

3 Sawátis 1:12

Onhkwetaʼkwékon tehonwarensárons ne Demetrius; né꞉ne kwáh thariwaié꞉ri tsi ní꞉ioht tsi ronwatatiáse. Tánon thóh wahakwáren nonkwariwaniratʼtsera, tanon saterièn꞉tare tsi nahóten eniakwénron né꞉ne norihwí꞉io.