Acts 5:9 - Ohiatonhseratokénti

⁹ Sók kíʼ ne Tiér warénhase, “Nontiéren níse tánon ne teseníteron hiateseniriwaiéntase nahitiátʼkense ne Roiá꞉ner rahosatsténsera? Ne ronnónkwe ne wahonwahiatátha ne teseníteron tsi kanonkáronte thónʼnete nónwa, ronónha ó꞉ni ieniesahiatínekenwe!”

Acts 5:9 ပူးပေါင်းရင်းမြစ်များ

Genesis 20:13

Nó꞉nen ne Rawenni꞉io sahakónnien ne takatstikafháhsera é꞉ren á꞉kehte ne rakeʼníha raowatsí꞉rakon, waʼkénhahse, ‘Né kíʼ ne tkarihwaié꞉ri tsi nenhskatié꞉raʼse: ne kwáh tsik nón꞉we ienhéntene, nenhsekthá꞉rahkwe, enhshí꞉ron ne ne iatiatenoʼsénha í꞉ken.’”

2 Kings 6:32

Tánon iasakoténieʼte ne ratirihwakaʼrénies nahonkwenʼnónksa ne Elisha. Éhthoh né náhe né Elisha raonóns꞉kon tenterón꞉taʼkwe tánon tó꞉ka nihá꞉ti ne roʼtikstenhokónha ronwanatharenáwikwe, Nohénton shiahón꞉newe ne ronnón꞉tí꞉io ronwaríhwakaʼreniénʼni, né Elisha wasaʼkawén꞉hase ne rotikstenhokónhas, “Nètho sakosé꞉tha ónkak tashakotéhiete naionkenonwariákon! Ká꞉ti nó꞉nen kénʼen énraʼwe, tesewanó꞉haien tánon tó꞉sa tsisewaríhon nahontaʼhatáweiaʼte. Né ronnonʼtí꞉io kwáh thokʼhenhorentónʼne.”

Psalms 50:18

Nó꞉nen éntsken ne ranénskwas né entsiaterosehrónhnien, tánon ne sehiateroseronhniénhnis ne ratinakwaiésen.

Psalms 78:56

Nek kík sáka waʼhonwateniénhten ne Kwáh Éhʼneken Tótʼte Rawenni꞉io, tánon waʼhonwateriasaníratʼtse. Iáh tehonatʼthontáton nahotísehron ne raoianerénhseras,

Exodus 17:2

Wahonwariʼwaká꞉tatʼtse ne Mahís tánon wahonníron, “Thakwanékanont nahiakwanekírah,” Wathariwaʼseráko ne Mahís, “Onhʼnonhʼtiéren tsi sewariwakaʼténhʼen? Onhʼnontiéren tsi entsisewateʼniéntha ne Roiá꞉ner?”

Exodus 17:7

Né watenáhtaien né konwanahtónkwa Massah ó꞉ni ne Meribah, tioríwa ne lsraerʼró꞉nons tsi wahonwariwakátaʼtse ne Roiá꞉ner ó꞉ni wahonwaʼteniénten nó꞉nen sahonwariwanónhtonhse, “Tewakwékon ken ne Roiá꞉ner káton kén iáh?”

Proverbs 11:21

Saterièn꞉tarak ne iáh tetiakorihwaié꞉ri eniontré꞉wahte nok nónhka tiakorihwaié꞉ri enieʼniá꞉kenʼne naiontré꞉wahte.

Proverbs 16:5

Roiá꞉ner ráhswens nónhka iakotkenhronniá꞉tskon; iáh nonwén꞉ton thahatiʼniá꞉kenʼne tsi ahshakohré꞉wahte.

Micah 7:3

Ne ronhtsánakes ne iorenhnàhon ne wahétken tsi nahóntiere; ne ronaterihón꞉tons tánon ne ratirihwénhthas ratirihwanón꞉tons ne khahó꞉tenk ahonwatikáriakse, tánon ne thonatsénhnates ronónha rontá꞉tis nahotkaronhniátshera ne raonatónhnhets; káti tehatisehrí꞉ies ne kaiáneren.

Numbers 14:22

iáh ne saiáta kíken onhkweshón꞉ʼa thaʼonnónhnheke ne iahonhtáwehiate nètho nónhwe tsionhontsáien. Ronatkáthon natiaʼtanerakwáhtshera tánon ne iorihwanerakwahténions tsi niwakatierá꞉nion ne Egypt tánon ne karakhonkówa, ók shé꞉kon kíʼ tánon shé꞉kon wahonkateniénhten tsi wahatiʼrahiáthakwe nahionhkewénhnarakwe.

Matthew 4:7

Iesos tontahaȣenhase: Kaiaton nah oni: Tsi iah tatatsenikonraseren ne Iaianer, ia Niio.

Luke 16:2

Iahononke, ȣahaȣenhase: oh nahoten keriȣaronkas nise sariȣake? Skontseraseronni kati tsiniiot tsi saterihonte; aseken iah ki sekon noia kenh tiiaonsasiere nakaȣenk sonha.

Acts 15:10

Onhʼkáti, nontiéren tsi ónen ísewehre ahisewátʼkense tóhka kén enhonákwen ne Rawenni꞉io tsi enʼietʼtsihiátsʼten ne iontientaniákstha ne ratikweʼkónʼne, tsi ní꞉i nihionkwahiatawé꞉en ó꞉ni ne ietʼthisotʼthonkonkén꞉en iáh tehionkwakwénion nahionkwá꞉ha?

Acts 5:6

Ne kenʼnithoʼtihiónsas tahontáwehiate, wahthatiwawénheke ne rahoieróntha, iahatiʼiákenhwe tánon wahonwahiatátha.

Romans 10:15

Tánon onʼní꞉ioht tsi akarihowanáthon thòka ne ronteriwahnótha iáh tiehonwanathórion? Tsi niwáton noriwatokénti, “Kwáh ioriwanerákwat tsi tahónʼne ne ronteriwanhóthas tsi niháti thatíhas ne kariwí꞉ios!”

Romans 3:19

Kén nónwa ionkwateriéntare kwáh oriwakwékon ne kaianerénsera niehéken tsi niháti ne thóh nónwe ne kaianerénsera ronastonhátie, neh akakwéni onhkwetaʼkwékon taiakótaste ne tóhsa ahonsahatirahiátakwe tánon nawéneste tsi Rawenni꞉io seh tenhaiatórete nohontsiakwékon.

1 Corinthians 10:9

Iáh tehiówenk nahtsitewahtheniénten ne Kerístos, tsi né nihotiʼiéren ne ronáhtiakes—tánon óniare wahakohnonwahriákon.