Acts 5:34 - Ohiatonhseratokénti

³⁴ Nók saiátat, neh꞉ne Pharisee nahahiatóten Gamaliel ronwáiats, neh꞉ne kaʼianerénsera sakorihonʼniénʼnis tánon kwáh íken tsi tiót꞉te tsi ní꞉ioht tsi ronwariwakweniénstha nonkwesónhas, wathátaʼne tsi katsiénhaien. Wahaténʼnaʼne niahonwatihiathínekenʼwe nikariwés꞉sa ne ratikweʼkónʼne,

Acts 5:34 ပူးပေါင်းရင်းမြစ်များ

Psalms 76:10

Sewenní꞉io Nónkwe akonakwáhtshera nék khók nenhnéʼe karihonthákwas ne sénha taiesanonweráton, kwáh eniesahsénhnaien ne wenniseraráhkwen tsi nisakwáhere.

Jeremiah 26:16

Ethóhʼne ne sahkotiʼhéntenʼse ó꞉ni nonhkweshón꞉a wahonwenhnénhase ne rotikháres tánon ne rotitó꞉kense, “Kí꞉ken rónkwe tsi wahsonkwahtháraʼse ne ne raosénnakon ne Roiá꞉ner onhkwahNí꞉io; iáh thaʼtehiothonhontsióhon nahonwahnonhwahrhiákon.”

Jeremiah 26:17

Sonteʼweiennénhthaʼne, ótiake ne rotikstenhokónhas wahthatítahne tánon wahshakotiró꞉ri nonhkweshón꞉a tsi nihiákon iakoʼtiatharó꞉ronʼne,

Jeremiah 36:25

Ethohʼsáne ne Elnathan, Delaiah, ó꞉ni ne Gemariah wahonwahniténthaʼse ne ronnonhtí꞉io ne tó꞉sa ahatʼtháhate ne kahiatónshera, iáh thènenh karíhwah teshaʼkahónhni.

Luke 2:46

Asen nonta onakenke niionsahonȣaiatatsenri ononsatokentike, rahotinenrihen ne ratiianerenseronni sakotaonsate nok tetessakoriȣanontonnis.

Luke 5:17

Khare kati are onen tsi sakotatis, raiataktatie ratistskȣaronniontie ne Pharisien, ratiianerenseronni nehne Galile, Jude, nok oni Jerusalem nithonenonseron etho ronatahonsate, nok oni ne Niio naosastensera etho ontotasi naonsaionton ne iakohnonȣaktani.

John 3:10

Iesos tontahoȣennaȣeron nok ȣahaȣenhase: Sherihonniennis nʼIsraerronon tanon iah tesaterientare neh nikarihoten.

Acts 22:3

“Ksitaeronon, Tarsus nónwe Cilicia aotonhontsake tewakenakeráton, nók kén꞉en Jerusalem wahkathehiáron Gamaliel non niʼwakateweiénston. Kwáh íken tsi ioníron tsi wakateweiénston ne ietʼthisotʼtahokonkén꞉en rahothihianerénsera ó꞉ni kwáh éhʼtho tsi niʼiʼriwakweniénstha ne Rawenni꞉io tsi kiʼniseʼní꞉ioht ne kén꞉en isewes꞉nónwa wenniseráte.

Acts 4:15

Sók kíʼ wahonwatiróri nahonsanihiákenʼne ne tsi ietsienhaientákwa, ehʼthóhʼne ónen tsi natehóntere khókʼwahatitsiénhaien

Acts 5:21

Ne rathikweʼkón꞉ne wahontewénnaraʼkwe, tánon tsi sontakarákenʼne noronkéne ononsatokentíke iahiatáwehiaʼte tánon tahiatásawen wasakotirihónʼnien. Ne ratitsihenstowánens ó꞉ni ne rontorosónhas hiasakotinókʼkon kwáh ratikwékon ne Sitaeró꞉nons rotikstenhokónhas ne kwáh iakanenraiérike tsi ahatitsiénhaien; etʼthohʼne iahonteriwaniénʼte ne tsi tiontatenotónkwa nahontahonwatihiaténhawe ne rathikweʼkón꞉ne thóh rahotihénton.

Acts 5:27

Tahonwatihiatínionʼte ne ratikweʼkónʼne, rahothihénton ne rathitsién꞉haiens wathonwatítasʼte, tánon ne ratsihenstowánen waʼsakoriwanonthonniónhaʼse.

Acts 5:35

tánon etʼthóhʼne wasakawénhaʼse ne ratitsiénhaiens, “Tewatatékens Israerʼró꞉nons, sewanikónrahrat tsi nenʼietʼtsiʼiérase kí꞉ken ronʼnónkwe.