Acts 5:32 - Ohiatonhseratokénti

³² Í꞉i hiakwatʼróris kiʼnahorihoténsons—í꞉i tánon ne Ronikonratokénti, neh꞉ne Rawení꞉io tesakówis tsi nihiákon nenʼhonwaʼwénnaraʼkwe.”

Acts 5:32 ပူးပေါင်းရင်းမြစ်များ

John 7:39

(Neh rentonhakȣe, tsihenshakotienhase ne Rotkon Ronikonriioston tsini iakon tiakaȣetakon ne raonhake: Aseken arekoki shitonȣatkaȣen ne Rotkon Roiatatokenti, ne tsi areko tehoronhiakenserentaon ne Iesos.)

Acts 1:8

Nók nónen ne Ronikonriʼióston entsisewahiatórenʼne, kwáh ensewahiatanánonʼne ne kasatsʼténsera, tánon í꞉se enskwariwaníratʼtse ne Jerusalem nónwe, kwáh kanakeraserakwékon ne Judea ó꞉ni ne Samaria, tánon ó꞉ni ne tsi iehiotonwentiokʼtaní꞉on.”

Acts 10:44

Tsi náhe sékon ne Tiér rotretiáronkwe, ne Ronikonratokén꞉ti wasakohiatórenʼne tsi nihiákon iakotahónsate tsi rotheriwanóthe.

Acts 13:31

Tánon tóhka niwenniseráke sahsakothoʼtháshase tsi niháti ne skátʼke tehonatʼthahákwen ne Galilee tsi nióre ne Jerusalem. Nónwa ronónha ronwariwanirátis tsi nòkwa ne Israerʼró꞉nons.

Acts 15:28

Ne Ronikonratokénti tánon nonkwátiake kwáh neh sahonkwanikónra neh tóhsa sénha thènen ahonsakwátsʼthen neh óhia nahorihoténsons nek khók:

Acts 2:32

Rawení꞉io kwáh shokétskwen kí꞉ken Ié꞉sos ne kenheʼhiát꞉ne, tánon tewakwékon ionkwatʼkáthon kí꞉ken nahorihóten.

Acts 2:4

Kwáh ratikwékon washakotsiénhase ne Ronikonriʼióston tánon tahontásawen thih waronkhatserates wahontátionko, neh꞉ne Ronikonriʼióston wahsakoiénawaʼse nahontáti.

Acts 5:29

Tiér tánon ne ronátiaʼkes waʼthatiriwaseráko, “Ónenk tsi Rawení꞉io ensakwawénʼnaraʼkwe, iáh nónkwe.

Romans 8:16

Rawenni꞉io Rahonikónra tánon nonkwanikónra tetsiáron tsiatʼrhóris tsi Rawenni꞉io seh sonkwaienhokónha.

2 Corinthians 13:1

Ó꞉nen ne kí꞉ken nahsénhaton nienwaterátste ienskwanatahré꞉nahse. Ne káti tsi niwá꞉ton ne Kahiatonhseratokénhti, “Ne kwáh nitkónha tehniʼiáse tehiotonhontsóha nanirihwaní꞉rate tsi iakohní꞉kon.”

1 Tiér 1:12

Rawenni꞉io wasakorihotáshiase kí꞉ken rothitókense nètho rahothihioténsera tsi iáh ronónha tehotihiatakenhátsera, nók í꞉se sewáwenk, tsi nihonatáti kí꞉ken nahorihoténsons ne tsi ónen ietʼtsiwennarónken ne ronteriwanótʼthas rononhá꞉a rothirihowanáton ne kariwí꞉ios thóh rahosatsʼtenserákon ne Ronikonratokénti tsi nitohtheniéton ne karonhiáke. Neh kíʼ nahorihothénsons séhkon ne kwá ratironhiakerónons enhatinónwene nahothinikonraiéntane.