Acts 5:14 - Ohiatonhseratokénti

¹⁴ Nók sénha iakotiokowánen wahontiátaren ne raotiʼtiókwakon—rotinenrenháwi ne ronnónkwe ó꞉ni ne konnónkwe neh thonwethákwen ne Roiá꞉ner.

Acts 5:14 ပူးပေါင်းရင်းမြစ်များ

2 Samuel 6:19

tánon wateshakorehniáten ne káhkhwa tsi ratinakeréhnion onkweʼtakwé꞉kon, ne ne kwáh kentsiokwakwékon NÍsraerʼronónke, thaʼtetsarónhkwen ronʼnón꞉kwe tánon ne konnón꞉kwe, satiʼiatátʼtions tasaká꞉wen énska teiotenatarakweʼnón꞉ni, kén nikawahrá꞉ha, tánon énska ne tkanén꞉hara watenátaronte. Ehʼthóhʼne ratikwé꞉kon nonkweʼókons tsi thotiʼnonshó꞉tons nionsaón꞉ne.

Ezra 10:1

Tsi nikarì꞉wes ne Ezra tehotiakʼthónkwe tsi roterenhnaientháhkwen nohén꞉ton Nononhsatokentihkó꞉wane, tehasenhtóskwe tánon rarihwaní꞉ratskwe ne rahorihwaneraháktseras, ronatiohkowá꞉nen Israerʼró꞉nons—ronhnónkwe, konhnónkwe, tánon ratitsahokón꞉as—rahiatákʼta wahonteró꞉roke, kwáh í꞉ken tsi rothitsitowá꞉nen tsi ní꞉ioht tsi tehonsénhthos.

Nehemiah 8:2

Káti, ne shontonhtenhniseratié꞉rente ne tsá꞉ta khaton shiwenhnitárakwe, ne Ezra, ne ratsihénstatsi í꞉ken, taháhawe ne kaianerénhsera akohénton ne iakokʼkenhní꞉son, tetsá꞉ron né꞉ne ronhnón꞉kwe tánon ne konhnónkwe, tánon tsi nihá꞉kon nenhiekwé꞉ni naiakonikonraién꞉tane; tánon nonkwehokón꞉s wahontahonsáthate kwáh tahionteweién꞉ton ne kaiatonserakwenón꞉ni ne kaianerénhsera.

Exodus 35:22

Ratikwékon né ronhskánekʼskwe, né꞉ne ronhnónhkwe ó꞉ni ne konhnónhkwe, tahatiháseron ne tekaieronhnionháton tewathotároks, ateʼwáhshares, anihsnónhsawis, ionhnitsiákstha, tánon niatekónhson ne owistanoronhsónhas tánon Roiá꞉ner wahonwahiathaʼkweníiosthe.

Isaiah 45:24

Kwáh rahonháke khók ne Roiá꞉ner, nón꞉we nenhionkʼthá꞉rakwe, né꞉ne karihwaʼkwahrishióntshera tánon kashatsténhsersa; tshiehatiʼkwé꞉kon ne ronhwaná꞉kwase kwáh rahonhàke nentʼthón꞉ne tánon enhonwanatéhate.

Acts 11:24

Barnabas raónha ne rónkwe kwáh rahiatanánon ne Ronikonratokénti ó꞉ni ne tewetakwen, tánon hiakotiokowánen tahiakétakwe rahonháke ne Roiá꞉ner.

Acts 2:41

Rohnatiokowánen tahonʼnétakwe ne rahoteʼriwanothátsera tánon wahontenekwéheste, tánon kákʼnon neh asenʼniwenʼniawehetserásen nihionkwétaʼke sahonwanatsiátaraʼse neh siwenʼniseráte.

Acts 2:47

Ronwasénʼnaiens ne Rawení꞉io, ó꞉ni ronatʼtsenón꞉ni tsi nitsiakoriwaiéris nonkwesónhas. Tánon kwáh niaʼtewenniseráke ne Roiá꞉ner sehsakotiokwaʼiesthonhátie tsi nihiákon nentiakéthakwe.

Acts 22:4

Kehiathónton nonkwesónha nónka iésere ne kí꞉ken nahorihóten. Tsi iontatenothónkwa iekhenó꞉thonskwe ne roʼnónkwes ó꞉ni ne konnónkwes.

Acts 4:4

Nók hiakotiokowánen ne wahakothónʼteʼne nateriwanothátsera tahiakétaʼkwe; tánon wahakotiokowána kákʼnon ne wísk tewenʼniawehetserásen.

Acts 6:7

Tánon káti ne Rawení꞉io rahowénʼna ionsontasónteren tonsonʼréni. Ne ronteriwanótha ne Jerusalem nónwe takanenrakwátaʼne tsi nahonatiokowánaʼne, ó꞉ni kwáh éhʼtho tsi niháti ne ratiʼtsihénstatsis wahatiʼiéna ne tewetákwen.

Acts 8:12

Nók kíʼ sontahonʼnétakwe ne Philip rahoteriwanothátsera tsi nòkwa ne kariwí꞉ios ne Rawení꞉io rahonakeraserákon ó꞉ni tsi nòkwa ne Ié꞉sos Kerístos, wahontenekwáheste, ronónkwe ó꞉ni ne konhnónkwe.

Acts 8:3

Nók neh Saul wahatheniénten nasakóthonte nonkwesónhas; kwáh wahanonshásehte, wasakohiatísere tsi tasakohiatínekenwe ne thonetákwens, teʼtsáron ne ronónkwe ó꞉ni ne kohnónkwe, tánon tsi iontatenothónkwa iasakohiatón꞉ni.

Acts 9:2

tánon wahariwanónton tòkahʼken thènen iahonwatihiatón꞉ni ne ronaterihónton ne Sitaeró꞉nons tsi ronterenʼnaientákwa tsi nòkwa ne raónha neh nónwe ne Damascus, neh káti tòkah ahatʼtsénri neh nónwe ónhka tsiakawetákwen ne rahosénnakon ne Roiá꞉ner, neh nahotheriwathénʼtiaʼse nasakoiéna, ne rohnónkwe tòkah ó꞉ni ne konʼnónkwe, tánon Jerusalem iensesakohiaténhaʼwe.

Acts 9:31

Thóh káti nontáwe neh rothiriwiʼióstons wahothiʼiéntaʼne ne skénnen neh nónwe ne Judea, Galilee, ó꞉ni ne Samaria. Ne tsi wasakoiénawaʼse ne Ronikonratokénti wahatisátsʼtenne ó꞉ni wahonatiokowánahne, tánon thóhʼnon nihononʼnhétie kakweniensthatserákon ne Roiá꞉ner rahoriwáke.

Acts 9:35

Kwáh onkwetaʼkwékon ne Lydda ó꞉ni ne Sharon non niʼienákere wahonwáken, ó꞉ni tahonwétaʼkwe ne Roia꞉ner.

Acts 9:42

Kwáh tsi niwatenáskwa ne Joppa tsi watewateriwaréni, tánon iakotiokowánen tahonwétakwe ne Roia꞉ner.

2 Corinthians 6:15

Iatén꞉ro ken ne Kerístos tánon ótkon? Enwá꞉ton kenʼ ne tiakawehtáhkwen tsi nonkwá꞉ti ne Niióhne shakaʼnikòn꞉ra akénhake ne iáh tetiakawehtáhkwen?

Galatians 3:28

Kwáh káti iáh thénen tathetiatʼthíhen ne Sitaeró꞉nons tánon ne Iatehatisitaerónons, tsi natehónteron ne rathináskwas ó꞉ni ne rontatewenní꞉io onkwesónha, tsi natehóntere ne ronnónkwe tánon ne konnónkwe; kwáh sewakwékon tsi énskat iéken tsi tesewateriwasóntere ne Kerístos Ié꞉sos.