Acts 4:34 - Ohiatonhseratokénti

³⁴ Kwáh iáh ónka ne raotiʼtiókwakon ne thénen taʼiakotonwentióniʼke. Ónka ne rononhóntsiaiens tókaʼ ó꞉ni rotinonshótons enhontenʼnínon, entʼthatíhaʼwe nowísta ne rohtiʼiénen tsi nahoténsons ne ronatenʼníkons,

Acts 4:34 ပူးပေါင်းရင်းမြစ်များ

Matthew 19:21

Tontahenron ne Iesos: toka nonȣa aserheke akȣa aesaianerek, ȣas, satenninon tsinahoten saien, shetenrat nʼiakotent, nok entisatsokoȣatseraientane Karonhiake; ethone tontase nok takser.

St. Mark 10:21

Nok ne Iesos ostonha ȣahotkaroten ȣahononȣene nok ȣahaȣenhase: Tsioriȣat ki tisatoktani: ȣas satenninon tsini saien, nok sheion ne iakotent ethone entisatsokoȣatseraientane ne Karonhiake: tontase, taknonteratie ensakete ne saiasa.

Luke 12:33

Seȣatenninon, tsini seȣaien, nok ietsitenrat; seȣatȣistonni nonȣa ne iah teȣakaions; Karonhiakekha astsokoȣastsera, tsinonȣe ne iah kenh tiiahatiiere ne sakonasetha, iah oni notsinonȣa takontitaksate.

Luke 16:9

Nok nii kȣaroris oni, seȣatenroseronni ne ȣastsokoȣatseraksen, aiaȣens nonen enseȣatokten, taiestsiiarhoton rahotinakeraserakon iatekakonte.

Luke 22:35

Nok sekon tontasakaȣenhase: othenon kenh tiseȣatoktani ne Seȣaiatoskons siiakȣatori? Tontahonȣaȣennaȣeron: iah othenon.

Acts 2:45

Kwáh thòken tsi natekáron enhontenʼnínon ne rahononhóntsias ó꞉ni ne rahothiʼientátsheras, tánon enhatiwistsákon tsi natehónteron, neh entewanónton nónka tsi naʼtaiakothonwentióniʼke.

Acts 4:37

Wahatontsianínon ne raónha raonhóntsia, taháʼawe nowísta, tánon ratikweʼkónʼne tasakáwen.

Deuteronomy 2:7

“Sehwehiá꞉rak tsi ní꞉ioht ne Roiá꞉ner sewaNí꞉io tsi eʼtsisewahiataʼteríston né kwák tsi nahisehwatiérake. Waʼtsisewatenhnikònhraren tsi watesewatawénhrie tsi niahí꞉sehwe ne kén꞉en ne tehiotenonhianì꞉ton ahonwenhtsiathèn꞉ke. Sehwakwekonʼhátieskwe né꞉ne kaiéri-niwáshen nihioserà꞉ke nikarí꞉wes, tánon akwé꞉kon niesehwaiéntaʼkwe tsi natesehwatonhontsóni.

1 Thessalonians 4:12

Éhʼtho néntewe tensewahténtsha nahietsikwénienste tsi niháti ne iáh tethonetákwen, tánon iáh tathaisewahtonhóntiohse nónka aietʼtsiniahesénhake tsi nahoténsons taisewahtonwentiónike.

1 Timothy 6:19

Ne nen꞉ne ne kwáh enhioriwahníronke tenkenstenrótake tsi enhontateweientónhase natiokowátsera tsi niahawenonhátie. Tánon etʼthóhʼne enhatikwéni tahonténtia natónnhets ne kwáh oriwí꞉io iónnhe.

Ne꞉ne Sák Rohiaton 1:27

Tsi nahóten ne Rawenni꞉io ne Kaníhsera ráton ne kwáh aóskon ó꞉ni oriwí꞉io kariwiiostonhtsera, kén ní꞉ioht: teietʼtsiriwásnies ne tehonthonnakárhias ratitʼsahokónhas tánon ne ionateréhons tsi nihothironiáken tánon sewatatenónhstat tóhsa aisewahétʼkenten ne tsi ionwentsiáte.