Acts 4:31 - Ohiatonhseratokénti

³¹ Nónen sahatísa tsi ronaterenʼnaiénthaʼkwe, tsi nónwe nihonatʼkennisehónʼne tehiowisʼshónkwa. Kwáh rathikwékon wahatihiatánaʼne ne Ronikonratokénti ó꞉ni tahontásawen nahontróri ne Rawení꞉io rahoteriwahnothátsera kwáh rotinikonrahníron.

Acts 4:31 ပူးပေါင်းရင်းမြစ်များ

Matthew 21:22

Tsiok nahoten entsiseȣaneken ne Niio Kaȣenniioki neok nʼakȣa teȣetakon, akȣekon entsitsion.

Isaiah 65:24

Nohénton iahionkená꞉ton kwáh tekerihwasehrá꞉ko, tsi shé꞉kon nenhotithá꞉raʼke kwáh kí enwakathón꞉tene.

Acts 2:4

Kwáh ratikwékon washakotsiénhase ne Ronikonriʼióston tánon tahontásawen thih waronkhatserates wahontátionko, neh꞉ne Ronikonriʼióston wahsakoiénawaʼse nahontáti.

Ne꞉ne Sák Rohiaton 1:5

Nók tóhka ónkak tsi nítion tisewatótʼtani ne kanikonraienthátsera, teʼiontonwentióʼon Rawenniʼióke iasewaterénnaien, rahónha enthetsítion; asèken ne Rawenni꞉io kwáh raweriáne nitewétha ó꞉ni atanitentserákon tsi ákwe tesakówis.

Acts 2:2

Thontahiawénstsi watiothónhare ne tsi karonhiáte thóh nikawennóten tsi ní꞉ioht ne kwáh ioweraʼsátsthe, tánon kwáh wahkanonshí꞉ne tsi nónwe nihatitsʼkóton.

Acts 4:29

Tánon nónwa, Saiáner, satahónsatat tsi nahonráhrasthe, tánon takwaríhon, I꞉i ne sonkwetaʼsónhas, nahiakwatʼróri ne sateriwahʼnothátsera ne kwáh aionkwanikonrahníronke.

John 15:7

Ne toka enteȣakȣekonhake nok enseȣahaȣake nakeȣenna, tsi ok nahoten seȣariȣanonton eh se nenhiaȣenne.

John 14:12

Oriȣiio akȣa oriȣiio tsi ȣakȣarori: nonka enthaȣetakon nʼaksennakon, eh nenhaiere tsi ni ȣakieranion, nok senha sekon ihsinonh tsinenhaiere, aseken rakenineha sake.

John 15:16

Iah ȣahi ise teskȣaiatarakȣen, ii tanon ȣahi kȣaiatarakȣen, kȣanaktaseronnienni oni, naontonseke akȣekon naonteseȣete, nok aeseȣateiaronhase, tiotkon oni eh naiotonhatie, neh oni ne tsi ok nahoten atsiseȣariȣanontonse ne Rakeniha ii aksennakon, entetsitsion.

Philippians 1:14

Nón꞉wa thówa ratikwénon tsi nihá꞉ti neh Kerístos ronwanonteráties wahothinikonrahtsianíʼthaʼne tánon kwá iáh othènen thesathitsánis nahontheriwhanóten.

Acts 2:1

Siakáhewe tsi nihonʼnentanorónstha, akwékon ne thoʼnethákwen énskat khók tsi nónwe nihonakʼkenníson.

Acts 4:13

Ne ronaterihónthon ne Ratitsiénhaiens wahotineráko tsi nihotinikonrhatʼtshá꞉ni ne Tiér tánon ne Sán tsi nahotitókense kwáh thinonkwé꞉a iáh tehonatʼthiaʼtonseraweiénston. Ónenʼki wahonateriéntaraʼne tsi Ié꞉sos ratikwekonhátieskwe.

Acts 14:3

Ne iateriwanótʼtha kwáh karíhwes thoʼnónwe ieniteróntakwe, kwáh rotiriwaníron tsi Roiá꞉ner ronwatarákwen, raónha wasakoriwaníratʼtse tsi orihwí꞉io íken ne rahonateriwanothátsera ne kénteron neh tsi tasakáwen ne kasatsʼténsera ne éhʼtho naiawénseron ne ioriwanerakwathénions ó꞉ni ne ionerákwat.

Philippians 1:20

Kwá éhtho ní꞉ioht tsi kanontónʼnions ó꞉ni kaskáneks tóhsa nonwénton neh thènen nakátiere nahonkatéhate. Neh thokàken akónnheke khés nakíheie, Netewakathonwentióni tiókonte ehnahonkenikonrhatsaníton tsi nónwa ní꞉ioht tánon Kerístos nokwáh niáwe ne kakweniensthátsera.