Acts 4:1 - Ohiatonhseratokénti

¹ Tiér shékon shiʼsakoretiárons nonkwesónha, tánon ne Sawátis rahiatákʼta írate, khareʼhónen tohkàra niháti ne ratiʼtsihénstatsis neh ronteriwatsʼterístha nononsatokentíʼke ó꞉ni tohkàra niháti ne Sadducees wahónʼnewe.

Acts 4:1 ပူးပေါင်းရင်းမြစ်များ

Matthew 16:12

Ethone onen ȣahonikonraientane tsi iah kanatarok, teionthenkȣatha tehenton tsi sakotiaȣenrati, nese tanon tsinihotirihoten ne Pharisian oni Sadusean.

Matthew 22:16

Iasakonatori kati ne raohnonkȣeta, ȣahonniron: Seȣenniio! ionkȣaterientare tsi tisariȣaieri, oriȣiio oni tsi neh sherihonnienni ne Niio raoriȣasonha, iah oni tatesonkȣetaiestasions: Aseken iah ki neh teskahenhions tsiniieiatotens.

Matthew 27:20

Nok tanon ne Ratitsihenstoȣanens oni ne rotikstenhokonha, ȣasakotinikonrata nonkȣeokon ne Barabas ahonȣariȣanonton, nok ahonȣatonte ne Iesos.

Matthew 27:41

Ehoni neneh nihatiierhakȣe ne ratitsihenstakȣeniios, tehatiȣennaseraties ne ratiiatons oni ne rotikstenhokonha thihonȣaieron ronton.

Matthew 3:7

Nok tanon ȣasakoken Kentiokoȣanen, ne Pharisien, oni Sadusean ratiriȣanontons aontenekȣaeste, ȣasakaȣenhase: Kaȣatsiraksenskȣa! Onka ietsirori naeseȣatekȣase ne Niio raonakȣensera?

Luke 20:1

Tsinikariȣes sakotatiskȣe oni sakorionniennihakȣe Ononsatokentikoȣane, eh ȣahonneȣe ne ratitsihenstakȣeniios, ratiiatons oni ratiianerenseronni.

Luke 22:4

Neh tohiken eh ȣarete nok ȣathatitharen ne ratitsihenstakȣeniios oni ne ratiriȣakȣeniios tsinenthaierate tsi ensakoteȣentetase.

John 15:20

Saseȣeiarann tsini kaȣennoten kȣarori, tsi iah senha tehaiatakȣeniio ne rannhatsera tsiniiot ne eaiatakȣeniio. Toka ionkkenrenseronni enhiestsikenrenseronni ki oni nise; toka ionkeȣennarakȣen, enhiestsiȣennarakȣe ki oni nise.

John 18:3

Ȣahonhionkȣeton kati ne Sitas, ne ratitsihenstakȣeniios oni ne Pharisian, Sotar tanon ratiriton, nok etho ȣarete ratihaserenhaȣinontie, oni ne iontatientta.

Acts 4:6

Wathontátʼken ne kwáh ratsihenstowánen Annas ó꞉ni ne Caiaphas, Sawátis, Alexander, tánon ne ronátsiakes ne Ratsihenstowánen rahotiókwas.

Acts 5:17

Ehʼthóhʼne ne Rathitsihensthowánens ó꞉ni ratikwékon ne rontenrosónhas, ó꞉ni neh thóh ákta ratinákereʼkwe nehne Sadducees, watewatenónʼianiʼte tsi nahonwathiʼnósa ne rathikwekónʼne; sók kíʼ hiathoʼtiriwaiéntaʼse ne knahatíʼiere.

Acts 5:24

Nónen ne ratsihenstakweʼní꞉io ó꞉ni ne roteríhonte ne tsi ionterenʼnaientákwa wahonatʼthónteʼne kí꞉ken, wahothineráko ónthe nihothihiatawénʼen ne ratikweʼkónʼne.

Acts 5:26

Sók kíʼ ne karíton iasakohiaténhawe ne rahonkwetaʼsónhas tánon thontahonwathihiaténhawe ne ratikwékonʼne. Iáh tehonwanathotʼthakwén꞉ni, nók kíʼ, neh tsi rahtitʼtsánisʼkwe nontiérenk nonkwesónha enhonwatiʼnenhióʼiake.

Acts 6:12

Neh wakarihón꞉ni wahtionnikonráren nonkwesónha, ne rotikstenhokónhas, ó꞉ni ne sakotirihonʼnién꞉nis ne kaianerénsera. Wahonwahiéna ne Stephen tánon rahotihénton ne ratitsiénhaiens niahonwahiaténhaʼwe.

Acts 6:7

Tánon káti ne Rawení꞉io rahowénʼna ionsontasónteren tonsonʼréni. Ne ronteriwanótha ne Jerusalem nónwe takanenrakwátaʼne tsi nahonatiokowánaʼne, ó꞉ni kwáh éhʼtho tsi niháti ne ratiʼtsihénstatsis wahatiʼiéna ne tewetákwen.