Acts 3:13 - Ohiatonhseratokénti

¹³ Neh Ronwaní꞉io ne Abraham, Isaac, tánon Jacob, ó꞉ni ne ietʼthisothaʼokonkénʼen, thówi ne kahiataterítsera ne rahonhátsera Ié꞉sos. Nók í꞉se hiatsisewátkaʼwe tsi nòkwa ne rathiriwakweʼní꞉ios, tánon í꞉se watsisewakénron rahohénton ne Pilate, sékon ne kwáh ne Pilate siaʼthoriwaiéntaʼse nahonsahótkaʼwe.

Acts 3:13 ပူးပေါင်းရင်းမြစ်များ

Exodus 3:13

Ók ne Mahís wahthariwahseràko, “Nó꞉nenh ne lsraeró꞉nons tsi thònhnes nienhènke tánon enkheró꞉ri, ‘Ne raotiʼNí꞉io ne sewaʼsotʼthonʼkonhkènʼen táhakató꞉ri tsionhàke,’ enhionʼkeriwanónhtonse, ‘Onhʼnaʼhosenhnó꞉ten?’ Káti nahó꞉ten enkheró꞉ri?”

Exodus 3:15

Sehró꞉ri lsraerʼró꞉nons tsi i꞉i, ne Watiá꞉ner, ne SakoNí꞉io ne ietsiʼsotʼthonkonhkènʼen, Raotí꞉io ne Abraham, lsaac, tánon ne Jacob, tahakató꞉ri tsionhàke. Né kí꞉ken naksénhna tsi nènhwe; tánon thóh kíʼ nenhiotónhake tsi wahatiwahtsiʼratá꞉tie tsi enhionkenáhtonkwahʼke.

Exodus 3:6

Í꞉i Naʼkení꞉io ne sesotʼthonkonhkénʼen, né꞉ne Rahotiní꞉io ne Abraham, lsacc, ó꞉ni ne Jacob.” Káti ne Mahís wahatʼkonhsàh꞉sehʼte, tsioríwa tsi wahaʼtsàhniʼke nahó꞉ken ne Rawenni꞉io.

Matthew 11:27

Oriȣakȣekon Rakeniha rakaȣi; iahonka tehonȣaienteri ne Roienha, akȣa neok ne Roniha, toka ken onkakiok onshakororihake ne Roienha.

Matthew 20:19

Enhonȣanatsiakȣarision ne ionkȣetaksen nahonȣatentoriate, enhonȣasokȣaȣesson nok enhonȣaiasakestsko; nok ki tanon asenhaton nenȣata enshatonnhete.

Matthew 22:32

Ii Rao-Niio nʼAbraham, Isaak oni ne Jacob? Iah kati ȣahi teshako-Niio ne Niio niakoȣentaon, neh tanon Ronȣa-Niio nʼiakonnhe.

Matthew 27:2

Ȣahonȣanerenke, Pilatne niiaonȣaiatenhaȣe ehoni iahonȣatsiakȣarisi.

Matthew 28:18

Nok akta ȣarete ne Iesos ȣasakaȣenhase; kasastenserakȣekon ionkaȣi ne Karonhiake oni nonȣentsiake.

St. Mark 15:11

Nok ki tanon ne ratitsihenstakȣeniios, ȣasakotinikonrata nʼonkȣeokon Barabas hahatiriȣanonton ahonsahonȣatkaȣe.

Luke 22:57

Ȣahatonnhiie ȣahenron: tsi sathonȣisen iah othenon tehiienteri.

Luke 23:4

Pilat sasakaȣenhase ne ratitsihenstakȣeniios oni nonkȣeokon: iah othenon teketsenries nahonnhitseraientake ne kenh ronkȣe.

Luke 6:37

Tosa teietsiiatoret nakoren: iah ki oni nise tataietsiiatorete, tosa ietsiriȣent nakoren iah ki oni nise taietsiriȣente; Sheion, nok entsiehson.

John 12:16

Iah othenon akȣa tehoneron ne raotiokȣa tsi nahaȣen, tsi kati niiore onen iaonȣasennoȣanate, onen sahonneiarane tsi raonha rohton tsi eh niiot tsi kaiaton, nok tsi nahatiiere neh ȣatrori tsi onen iakaierite.

John 18:40

Nok akȣekon ok are tontahotihenrete ȣahonniron: tosa rahonha kenhak, Barabas niha, onkȣetaksenskȣa kenhne ne Barabas.

John 19:11

Tontaenron ne Iesos: iah se othenon taesakȣeniatseraientake nii kiatatake ne iah ehneken taontaiesaȣi; nese ȣaonni senha koȣanen ronnhikon ne rakatenninon.

John 19:12

Eh nontahatasaȣen ne Pilat ȣahaskennha nahoniakente; nok ne Sitaeronon tehotihenreta ronton: toka hentseniakente kehiken, iah ki tetsiatenro ne Cesar: aseken onka iontenontiiosta iah ki teiatenro ne Cesar.

John 19:15

Tontahotihenrete: ehren, ehren ehtsiatenhaȣit! testshientannharen! tontahenron ne Pilat: Tenhiientannharen kenh ne kenh ne Etsiseȣanontiio? tontahonniron ne ratitsihenstoȣanens: iah sekon noiah teionkȣanontiiotseraien neok enskat ne Cesar.

John 7:39

(Neh rentonhakȣe, tsihenshakotienhase ne Rotkon Ronikonriioston tsini iakon tiakaȣetakon ne raonhake: Aseken arekoki shitonȣatkaȣen ne Rotkon Roiatatokenti, ne tsi areko tehoronhiakenserentaon ne Iesos.)

Acts 22:14

Wahénron, ‘Neh Ronwaní꞉io ne ietʼthisotʼthonʼokonkén꞉en iahiatarákwen nahisathókense tsi nihonikonróten, nahóken ne rohthonkwetakwaríshion rahonhátsera, tánon natsewénʼnaronke tsi nenʼhiatháraʼse.

Acts 24:14

Ken kíʼ nahóten enkeriwanírate ne sahénton: Neh risénnaiens ne Rawenni꞉io tsi nikáien ne ietʼthisotʼthonkonkén꞉en ronwasénnaienskwe, tsi íkʼsere tsi nihónen tóhsa tasétat nahóten ne iáh thóʼkenskeʼ tèken. Nók kíʼ akwékon tewaketákwen tsi nikaiáton ne Mahís rahoianerenserákon ó꞉ni tsi nihotihiatónnion ne roʼnatiatatʼkonkwe.

Acts 3:12

Nónen ne Tiér sahsakóken nonkwesónha, wasakawénhaʼse, “Tewatatékens Israerʼró꞉nons, nontiéren tsi wesewaneráko kí꞉ken, tánon nontiéren tsi teskwakánere? Kàtonʼken ísewere sóhtsi hiakenisátsthe tánon ne aoríwa sóhtsi ioʼiánere tsi nisakenisénʼnaiens ne Rawení꞉io neh aoríhwa wahakenikwéni kí꞉ken rónkwe sahatentiónko?

Acts 3:26

Tánon káti ne Rawenni꞉io wahohiataráko ne rahonkwéta tánon tsi tahothénieʼte tsionháke tahatiérenʼthe niaháre, neh nahiaʼhiatatérisʼte tsi kwáh niatehionkwétaʼke ahsakahónnien tahonsahiontʼkaraténi tsi niʼieweʼiennáksens.”

Acts 4:27

Asèken ne Herod tánon ne Pontius Pilate skátʼke tehonatátʼken ne kén꞉en kanátakon ratikwékon ne iáh tehatiʼsitaerónons ó꞉ni ne Israerʼró꞉nons nahonwatʼkónten ne Ié꞉sos, ne Rohiatathokénʼti sanátsera, tsi nikáien neh Kerístos tiónʼni.

Acts 4:30

Hiatesanenktsiátat naséhʼtsienʼte, ó꞉ni sahtóntat nètho ionerákwat ó꞉ni ioriwanerákwat ahónton nakahioténʼen ne rahosénʼnakon ne rohiatatokén꞉ti sahnhátsera Ié꞉sos.”

Acts 7:32

‘I꞉i neh Khení꞉io ne shesotʼthonkonkén꞉ens, Raoni꞉io ne Abraham, Isaac, tánon Jacob.’ Wahohiatíshonkwe ne Mahís tsi nahóteronʼne tánon iáh tehokwénion niahotʼkáton.

Romans 9:5

thóhʼnon tahathiwatsiratátie neh kwáh rononkweʼtowaʼnénskwe ne Hebrews; tánon ne Kerístos, tsi ónkwe ihken neh sahothitsiókwa. Aiáwens ne Rawenni꞉io tsi rahónha akwékon sakoháwi, tsi nénwe aionwasennaʼiénseke!

Hebrews 2:9

Ónk kíʼ tsi tewáhkens ne Ié꞉sos, tsi nikáien ne kénk nikaríwes è꞉tahke roión꞉ni tsi nòkwah ne ratironhiakerónons, ne káti nonkweʼtakwé꞉kon ashakawenhéiase thóh nón ne Rawenni꞉io rahotenratsherákon. Ónen tsi tewáhkens rohnonkwahróron ne kahiatanerakwáhtshera ó꞉ni kakweniensthátshera tsoríwah tsi nihoronhiakén꞉en tsi rawenhéion.

Revelation 1:18

tánon ne kónhne. Wakihé꞉ionhne, tánon satkáto, shón꞉nhe ne ne tsi nén꞉we enkénhake tánon tsi nienhénwe; tánon í꞉i ítkhawe nahonontónhkwa ne kenhé꞉ion tánon ne tsi tionhontsá꞉ien ne kenhé꞉ion.

Revelation 1:5

tánon thóh nénhtewe raonhà꞉ke ne Ié꞉sos Kerístos, ne ne roriwahtó꞉ken rariwaní꞉rats, ne ne thotierénhton sawenhnakerá꞉ton tsi nokwáh ne kenheiátne, tánon raónha teshakoniarotá꞉ron ne rotinontí꞉ios ne tsi ionwenhtsá꞉te. Raónha ne shonkwahnorónhkwa tánon sheshonkwahiatotarí꞉shions tsi nokwáh ne onkwahriwaneraháktseras thóh nitsawé꞉non raonekwénhsake,