Acts 27:7 - Ohiatonhseratokénti

⁷ Kwáh íken tsi skenénha tsi niahakwahonhióntie tánon kwáh íken tsi tehionkwaniotátie kharekiʼónen iahákwaʼwe tkanátaien nehne Cnidus. Iáh tehiotónʼon niahonsahionkwatʼthónware sóhtsi thóh khó꞉ton ioweraʼsátsthe, sók kíʼ wahakwatewerahrénhosthe ákthe nakaweʼnokwáti ne Crete niahakwaonhióntie, wahakwatóhetste ne iohontsiakétote ne Salmone.

Acts 27:7 ပူးပေါင်းရင်းမြစ်များ

Acts 2:11

ratikwékon ne Sitaeró꞉nons ó꞉ni ne iáh tehatiʼsitaerónons ronateriwathénion Judaism non niʼshoʼnatiáthare, ótiakes ó꞉ni Crete tánon Arabia non nitionkwé꞉non—nók káti kwáh tewakwéʼkon ionkwathónʼte rothítare tsi nitewawenʼnótens tsi nihiorihowánens ne Rawenní꞉io tsi nihoieránion!”

Acts 27:21

Ónen kwáh karíwes iáh ónhka thènen tathetiakotskáʼon, Kór rahothihénton watáthane tánon wahénron, “Tehiotonwentióʼonʼne naskwatahonsatáton tánon ó꞉ni iáh tahontahionkwatʼthónware ne Crete nónwe; ahionkwaniakénton akwékon kí꞉ken atʼkaronniátsera ó꞉ni wahonkwátonse.

Acts 27:4

Thóh ionsahiakwatásawen, tánon tsi tionkwaweroká꞉ton, wahakwatewérenthe tsi niahakwahónhiontse nehne ákthe nakawenokwáti ne Cyprus.

Titus 1:12

Kwáh né꞉ne Crete nahahiatóten꞉ne, né꞉ne sahiáta rahonnonkwetaʼkén꞉en ne rohthokénsekwe, norihwí꞉io tsi nahóten ráhwen, “Ne Crete nonwe tiotkonʼónwe rohtinó꞉wens, karhiotátsens, tánon ronnentórah ronthenenhiá꞉rons.” Ne kí aoríwa kwá ioníronk tsi ietʼtsihiatewennaiéntonf, thóh nahontáwe ahonatakarítheke tsi ahontahonʼnetakwénhake

Titus 1:5

Tkonʼhiatkáwen ne Crete nónwe, ne nahónton ahseriwahkwatáko tsi nahoténsons shé꞉kon tehiothonwentióʼon kén niakaiéren tánon sehrihónten ne rathiretiárons nononsatokentíke né kwáh tsi niatekanátakes. Sehiárak tsi nikonróhris: