Acts 26:16 - Ohiatonhseratokénti

¹⁶ Nók thonsástann. Wakonhiatórenʼne nakoniataráko nastsió꞉tense. Enseróri nakorénshons tsi ní꞉ioht tsi wahsékʼken nónwa wenniseráte tánon tsi nahóten enkonnatónhase ne ken enhiotséte.

Acts 26:16 ပူးပေါင်းရင်းမြစ်များ

Daniel 10:11

Ne raronhiaʼkehró꞉non wahakénhase, “Daniel, ianorónkhwa ne Rawenni꞉io, téstaʼn tánon kwáh ákta tsi satahónhsatat tsi nahò꞉ten enkí꞉ron. Sonhà꞉ke taionkató꞉ri.” Ne né shahèn꞉ron, tonsáktaʼne shé꞉kon niwatiaʼtishónhkwa.

Ezekiel 2:1

tánon wahakénhase, “Rónhkwe iaiénha téstann, tánon kwáh tentenithá꞉ren.”

1 Timothy 1:12

Tehinonwerátons ne Kerístos Ié꞉sos Sonkwaiáner, raónha takáwi ne kasatsʼténsera tsi nòkwa natioténsera. Tehinonwerátons tsi rahkanonthónnionse nakeriwastáton tánon ratiatarákwen nahiʼiótense,

Galatians 1:12

Iáh onkwéʼne tetsiawénon tsi nahóten watienáhon, iáh ó꞉ni ónhka tehionkerihonniénni. Kwáh rahonhatsíwa ne Ié꞉sos Kerístos rakerihotashénni.

Romans 15:16

Ne tsi rihiótense ne Kerístos Ié꞉sos nakhehiótense ne iáh tehatiʼsitaeronons. Watsióte tsi ní꞉ioht ne ratsihénstatsi ne kateriwahnhótha ne kariwí꞉ios ne Rawenní꞉ioke nitsawénon, ehnahontáwe ne iáh tehotiʼiánere nahontatiatakéna nahontahonwanikonraiériʼte ne Rawenni꞉io, neh tsi nihoriwathokenstén꞉ni ne Ronikonriʼióston ne Rawenni꞉io.

Colossians 1:25

Tánon Rawenni꞉io rahkenahtserón꞉ni tsi nokwáh ne tiakawetákwen, raónha taká꞉wi kí꞉ken kahiò꞉tense nahontió꞉ten ne sewahriwáh꞉ke. Né꞉ne kahioténsera kwáh akananónhake ahontroriháke ne rahoteriwahnotátsera,

Colossians 1:23

Ní꞉se ó꞉nenk, tsi kwáh, iensatashonthéren thóh non naisariwahtokénhake tsi nónh꞉ne ioriwahní꞉ron ó꞉ni orihwí꞉io tsi tekensténrote, tánon tóhsa saʼthóntat ne taisanikonratokén꞉ne tsi nokwáh narahratʼtsera satiestén꞉ni nó꞉nen sesatʼthón꞉tene ne oriwahtokénti. Ne sekí꞉ken oriwahtokénti ne I꞉i, Kór, wahkatenatserónni—kí꞉ken oriwahtokénti tsi nihonwahnateriwanotáni nohontsakwé꞉kon.

Galatians 2:2

Tsioríhwa tsi thóh wakéthe neh tsi Rawenni꞉io wahatróri ne ónenk tsi thóh iénke. Nék khók wahakwatʼkennísa ne ronaterihóntons wakenikonraiéntaʼte ne kariwí꞉io ateriwanotátsera tsi nikehiateriwanótani ne iáh tehatisitaerónons. Iáh tatewakathonwentió꞉ni natioténsera ne iothoʼhétston tóhkaʼ ó꞉ni nónwa wenniseráte nakénheie.

Acts 23:11

Neh tsi niwasóntes ne Roiá꞉ner rahiatákʼta ne Kór watáthaʼne tánon wahénron, “Tóhsa sateron! Takeriwanirati ne ken nónwe Jerusalem, tánon kíʼ kwa sateriwaienni ne thóh niáshere ne Rome nónwe.”

2 Timothy 4:5

Nók ónenk tsi entesatatheniarótarohke ne kwáhk tsi nahorihhoténsons; sakátstek naseronhiáken, neh sahióten ne rateriwahnótʼtha ne kariwí꞉ios, tánon neh sateriwahténtsiat kwáh tsi nisateriwahiénʼni tsi Rawenni꞉io tiótense.

1 Timothy 4:6

Tóhkaʼ enteséhion kí꞉ken karihonniennítsera ne tiakawetákwen, ensenatseriʼióhake tsi nòkwa ne Kerístos Ié꞉sos, tsi ensataténonthe ne ionnheʼónwe nahowennasónha ne tewetákwen ó꞉ni norihwí꞉io karihonniennítsera tsi nisáhseron.

1 Thessalonians 3:2

niár꞉kwe Timothy ienshakwahténiete, nonkwahtaʼtekʼenha skát꞉ke ionkwahióte tsi ionkwahteriwahnóte ne Rawenni꞉io raorihwahshónhas ne kariwí꞉ios tsi nòkwa ne Kerístos. Tsi iashakwahténiete ne naʼtsisewahsatsʼténseron ó꞉ni naʼtsisewahiénawaʼse tsi tisewetákwen,

Colossians 1:7

Né꞉ne Epaphras etʼtsisewahrihotasién꞉ni ne Rawenni꞉io rahoténrat, onkwatenó꞉ron skát꞉ke ionkwahiò꞉the, né꞉ne kwáh rohriwahtó꞉ken tsi Kerístos rohiòtense nonkwariwáke.

2 Corinthians 5:18

Rawenni꞉io akwé꞉kon eh nihóhson! Thotórion ne Kerístos skén꞉nen ahrón꞉ni tsi naʼtetewátere, nok kiʼ shonkwaioʼtenhserá꞉wi ne skén꞉nen aitión꞉ni tsi naʼtehónteron nakohrénhshon tánon ne raónha.

2 Corinthians 4:1

Sótsi thorihwaié꞉ri ne Rawenni꞉io neh waʼkarihón꞉ni waʼshonkwaniá꞉hese naionkwaióʼten ne raoʼioténhsera. Ne aorì꞉wa tóhsa kiʼ tewaʼnikonhrókten.

Romans 1:5

Rahonháke non ne Rawenni꞉io tahákon natatewennihiótsera neh꞉ne akateriwanhóten ne Kerístos rahoriwáhke, Neh nahontáwe nakehéntense ne kwáh tsi niateʼiakahóntsiake nahontaʼiakétakwe tánon naiontewénʼnarakwe.

Acts 22:10

Wakeriwanónton, ‘Onhnátiere, Saia꞉ner?’ tánon ne Roia꞉ner wahakénhase, ‘Téstann tánon Damascus niaháse, tánon thoʼnónwe entsiesakóri kwáh oriwakwékon tsi nihotenikonríson ne Rawenni꞉io tsi nahiʼsahióten.’

Acts 21:19

Kór wahtesakonónweron tánon akwékon wahatʼróri tsi nahoténsons ne Rawenni꞉io rohioténʼen ne rahonháke tsi nókwa ne iáh tehatiʼsitaeʼró꞉nons.

Acts 20:24

Kheʼrenkátiʼken ni꞉i tsi kónʼnhe iáh thé꞉nen satèkena tèken; nek khók níhkere ne hiatakókʼten ó꞉ni niákʼsa kíʼ ken kahioténsera tsi nithakáwi ne Roiá꞉ner Ié꞉sos, nahkateriwatsʼtéristhe, nehne akatʼróhri ne kariwí꞉ios nehne tsi nithoriwaiéri ne Rawenni꞉io tsi nókwa nonkwesónhas.

Acts 6:4

Nonkwátsiaks, neh káti, hiatenʼiakwatatʼtiáhate tsi nókwa ne aterénnaient ó꞉ni ne ateriwanothátsera ahohioténsera.”

Acts 1:25

neh ahohióten nahateriwanóten tsi tensohnakʼthákwen ne Sitas, neh thóh nónwe nieʼhawénon tsi nónwe thóh nákʼthe.”

Acts 1:17

Judas rahiatarákwe nonkwentiókwakon, asèken ronwahiatarákwenʼne nahosniénonʼke nonkwahioténsera.”

Luke 1:2

Tsikiniiot tsi ionkhirori nakȣa rononha ronatkathon oni sakonatatiskȣe nʼOȣenna.

Acts 26:15

‘Ónhka níse, Saia꞉ner?’ Wakeriwanónton. Tánon ne Roia꞉ner waʼtarihwaseráko, ‘Í꞉i ne Ié꞉sos, tsi nikáien ne etskenrenserónʼnis.

Ephesians 3:3

Rawení꞉io rahotáshon ne ioteriwaséton tsi nihothenikonrónʼni ó꞉ni wahakónʼnien nahokatheriéntarane. (Nihiónsʼsha wakʼkhiáthon kí꞉ken.