Acts 22:5 - Ohiatonhseratokénti

⁵ Ne Raʼtsihenstowánen tánon kwáh rathikwékon ne rathitsiénhaiens enhathiriwanírate tsi kwáh thóʼkenske tsi nahóten katónnions. Iehionkʼkhiatónni natatekénseras ne Sitaeró꞉nons ne Damascus nónwe nihatinákere, sók kiʼthoniá꞉hake nakheʼiéʼna nónkwe tánon oronkwása takhenénsterenke kén꞉en Jerusalem natahontakhehiaténhawe nahonwathiréwathe.

Acts 22:5 ပူးပေါင်းရင်းမြစ်များ

Luke 22:66

Nok tsi ȣahorhenne ethone onen ne ronaterionton ratitsihenstatsikoȣastson oni ratiiatons ȣahontkennisa, nok tsi katsienhaien niiahonȣaiatenhaȣe.

Acts 1:15

Tohkára nónta onakènʼke wahontʼkenʼnísa ne thoʼnethákwens, kakʼnon ne énskat tewenʼniáwe tánon tewásen nihátikwe, tánon ne Tiér wahthátaʼne nahatáti.

Acts 13:26

“Tewatatékens Israerʼró꞉nons, NʼAbraham nitisewatʼwatsirínon, tánon sewakwékon ne iáh tesewasitaerónons ne kén tsi sewasénʼnaiens ne Rawenni꞉io: I꞉i se onkwariwáke kí꞉ken kahiatakenátsera tsi tewateniéton!

Acts 2:29

“Tewatenrosónhas, Ónenk tsi neh enkwatarákwen kwáh iekénhak khók tsi nòkwa ne tsi tewasotʼkén꞉en, neh ronʼkwetowanén꞉ne Ronʼnontí꞉ioʼkwe Táwit. Rawenhéion tánon ronwahiatá꞉ten, tánon ne rahotsiatónkwa kén꞉en non nitewaʼkwékon neh kwáh onwah wenʼniseráʼte.

Acts 22:1

“Tewataʼtékens kaniseras, takwatahónsatat tsi nentʼkatátheʼne ne sewahénton!”

Acts 23:1

Kór kwáh iahatakwaríshiaʼte tsi iatesakotʼkáneren ne rathitsiénhaiens tánon wahénron, “Tewatatéken Israerʼró꞉nons! Nakweriáne kwáh oriwiʼiohónwe tsi tehioskwátʼte tsi ní꞉ioht tsi konʼnhétie rahohénton ne Rawenni꞉io tsi nióre nónwa wenniseráte.”

Acts 23:6

Ne Kór sahatʼkátho ótsiakes nonkwesónha Sadducees nahatihiatótens ótsiakes ó꞉ni Pharisees, iasakonáton ne rathitsiénhaiens, “Tewatathékens Israerʼró꞉nons! Pharisees natiathóten, neh rahtsiénha Pharisees nahahiathóken. Kén꞉en tehiontiatorétha neh tsi Íkʼkhawe ne tewetákwen ne iakawenhéion entiontónnhethe.”

Acts 26:10

Kwáh thóh niwatiéren ne Jerusalem nónwe. Iontianerenseráwi ne rathitsihenstowánens tánon ronatiokowánen ne Rawenni꞉io rahonkwetaʼsónhas khenóton; tánon nónen sahonwathiríwente nahonníheie, í꞉i ó꞉ni wakeriwanónwe꞉ne.

Acts 26:11

Wéso ioriwá꞉ke wakatennáʼon nononsatokentíke ahonwathiréwate ó꞉ni wakatheniénten nahonthonní꞉en tsi nithoʼnetákwen. Thóh niʼió꞉re tsi ionkenakónniskwe, nóia tknanataiénton niewakénon nakheronhiákente.

Acts 26:12

“Ne kí꞉ken iorihonníʼon tsi Damascus niewakénon kwáh watianerenseraientátie ne tsi niʼiontianerenseráwi ne rathitsihenstakweʼní꞉ios.

Acts 28:17

Shontóhetste náhsen nónta Kór iasakónonke ne thonónwe nihatinákere Sitaeró꞉nons nahontʼkennísa. Sahonʼnitiokwaróhroke, wahsakawénhase, “Tewatatékens Israerʼró꞉nons, iawerohátsien tsi iáh thènen tekheiérase nontionkwétas ó꞉ni tsi nikaianerenseróten tionʼkiʼiáwi nonkwasotʼtseraokonkén꞉en, wakatenó꞉thonkwe ne Jerusalem nónwe tánon iahonkatiakwarísi rononháke ne Romeʼró꞉nons.

Acts 28:21

Wahonwénhase, “Iáh thènen tetionkhihiatónni ne Judea nahontáwe ne sariwá꞉ke, iáh ó꞉ni ónhka nontionkwetaʼsónha ne thóh nónwe nahontahonénon ne thènen ahatiriwenháwi nahonhetʼkéntake ne sariwá꞉ke.

Acts 3:17

“Tánon nónwa, tewatenrosónhas, wakateriéntare tsi nahóten níse tánon ne ietʼtsihéntenʼse tsi nitsisewaiéraʼse ne Ié꞉sos, neh iorihonníʼon tsi iáh tesewariwaientéri.

Acts 4:5

Nóʼia sahiórenʼne nohénton iehonʼnéton ne Sitaeró꞉non, ne rotistenhokónhas, ó꞉ni ne sakotirihonʼniénʼnis ne kaianerénsera Jerusalem nonnahontiataróhroʼke.

Acts 5:21

Ne rathikweʼkón꞉ne wahontewénnaraʼkwe, tánon tsi sontakarákenʼne noronkéne ononsatokentíke iahiatáwehiaʼte tánon tahiatásawen wasakotirihónʼnien. Ne ratitsihenstowánens ó꞉ni ne rontorosónhas hiasakotinókʼkon kwáh ratikwékon ne Sitaeró꞉nons rotikstenhokónhas ne kwáh iakanenraiérike tsi ahatitsiénhaien; etʼthohʼne iahonteriwaniénʼte ne tsi tiontatenotónkwa nahontahonwatihiaténhawe ne rathikweʼkón꞉ne thóh rahotihénton.

Acts 9:14

Tánon Damascus nontáre tsi nithoʼsastenseráwi ne ratsihenstakweʼní꞉io nasakoiéna tsi niʼiákon ne iesasén꞉naien.”

Galatians 1:13

Sewariwarónken tsi ní꞉ioht tsi kónnhekwe neh shikeriwanorónkwaʼkwe ne Sitaeró꞉non kariwiʼiostóntsera, tsi nikheronhiakéntaʼkwe ne thonʼwétakwe ne Rawenni꞉io kwáh iáh thènen tekáien ne kenténron tánon kwáh iatkatatʼtiáhate nakatkónten.

Philippians 3:6

Tánon kwá éhtho tsiniwakathátre kwá iehióhe wathekenikónraʼne ne tsiʼionterennaienthákwa. Oriwakwékon ehnátiere tsi nihiótsate ne kahianerénsera ne ahonthahonwanikonraiérite ne Rawenni꞉io.

1 Timothy 4:14

Tóhsa sewahkénron tsi nisewahriwiʼióston ne tionháke, thóhne nitietsihiáwi ne sahontáti ne rotitokenséhakwe tánon ne rathiretsárons sahtiesanisnonsáren.