Acts 22:3 - Ohiatonhseratokénti

³ “Ksitaeronon, Tarsus nónwe Cilicia aotonhontsake tewakenakeráton, nók kén꞉en Jerusalem wahkathehiáron Gamaliel non niʼwakateweiénston. Kwáh íken tsi ioníron tsi wakateweiénston ne ietʼthisotʼtahokonkén꞉en rahothihianerénsera ó꞉ni kwáh éhʼtho tsi niʼiʼriwakweniénstha ne Rawenni꞉io tsi kiʼniseʼní꞉ioht ne kén꞉en isewes꞉nónwa wenniseráte.

Acts 22:3 ပူးပေါင်းရင်းမြစ်များ

2 Samuel 21:2

Káti ne ronnontí꞉io iasakonónkʼkhons ne Gibeonró꞉nons tánon wathatitháren. (Nón꞉wa ne Gibeonró꞉nons iáh Israerʼró꞉nons tehatiʼiatótens, ók ne ne iatehonathaténron ne Amorʼró꞉nons; Ehʼthóhʼsane nonkweʼshón꞉ahs ne Israerʼronónke tsi ronwatiriwanirá꞉ti tsi enhonwatinónsthate, Ne Saul rotenienténhon nasakotónhte thóh rahontsá꞉ke ne raotiriwáke nonkweókons NIsraerʼronónke ó꞉ni Judah.)

2 Kings 4:38

Énska nènhneʼe, nó꞉nen sahonthonhkarhiákon né tsi iohontsáte, Né Elisha Gilgal nionhsáre. Tsi nikaríhwes sakorihonhnienhníhaʼwe ne Rotitó꞉kenhse, wahoróri ne rahoʼnhá꞉tsera kanatsowánen tsi iothèkha ranatsá꞉ren tánon né ratkónhni ne tekakhwaiesthánion.

Luke 10:39

Enskat iokenshentakȣe Onȣari konȣaiasts, rasitakta nehne ontien, eh oni kenteron, nok iotaonsate ne Iesos raoȣenna.

Luke 2:46

Asen nonta onakenke niionsahonȣaiatatsenri ononsatokentike, rahotinenrihen ne ratiianerenseronni sakotaonsate nok tetessakoriȣanontonnis.

Luke 8:35

Ȣahaiakenne nonkȣeokon ȣaontkensera tsinontaiaȣen, nok eh iakanenraserenne tsi thenteron ne Iesos, eh oni ȣahonȣaken notkon rotiennine, Iesos rasitakta renstskȣahere, shotseronni, akȣa oni skennen tatethanikonraieri, nok ȣahakoteronhienten.

Acts 11:25

Ehʼthóne ne Barnabas Tarsus nionsáre Saul wahohiathisákʼkha.

Acts 15:23

Tánon ken nikawennóten tsi iahonwathihiátonse: “Í꞉i ne iakwateriwanótʼtha ó꞉ni ne rathiretiárons, sewatatekenokónhas, kwáh shewakwékon nonkwatatekénseras ne iáh tehatiʼsitaeʼró꞉nons tsi ronahnakeráton tehiakhiʼnonwerátons tsi niháti neh thoʼnónwe nihatinákere ne Antioch ó꞉ni ne Syria ó꞉ni ne Cilicia.

Acts 15:41

Syria tánon Cilicia iahiathóhetste, sakothisatstenserawiháties ne onkwesónhas.

Acts 21:20

Nónen sahonwatahonsatáko, ratikwékon waʼthonwanonweráton ne Rawenni꞉io. Ehʼthóhʼne wahonníron, “Tewatatéken Kór, satʼkáthos thóh naʼtewenniawehetserásen nihiákon ne Sitaeró꞉nons taʼiakétakwe, tánon tsi nihathiriwakweniénstha ne kahianerénsera.

Acts 21:39

Kór watariwaseráko, “Ksiʼtaeronon, Tarsus nónwe tewakenakeráton nehne Cilicia, thóh nónwe nikʼsénnare ne kwáh kasennowánen kanáta. Ahsatʼthontátʼtseke akhétarase nonkwesónhas.”

Acts 23:34

Ne rakóra wahawennanóten ne kahiatónsera tánon wahoriwanóntonse ne Kór kaʼnón nithawénon. Nónen sahariwatʼtsénri tsi Cilicia nónwe nitawénon,

Acts 23:6

Ne Kór sahatʼkátho ótsiakes nonkwesónha Sadducees nahatihiatótens ótsiakes ó꞉ni Pharisees, iasakonáton ne rathitsiénhaiens, “Tewatathékens Israerʼró꞉nons! Pharisees natiathóten, neh rahtsiénha Pharisees nahahiathóken. Kén꞉en tehiontiatorétha neh tsi Íkʼkhawe ne tewetákwen ne iakawenhéion entiontónnhethe.”

Acts 26:5

Kwáh tsiókonte tsi ronateriéntarakwe, tóhkaʼ rónʼnereh ahontʼróri, neh kwáh tsiotserentákwen, thóh nónwe nitiátarakwe ne kwáh rothiriwaníron tsi nihionkwariwiʼiosthontseróten, nehne Pharisees.

Acts 26:9

“Kwáh iatetiáti wakéron tsi kwáh iatenkatátʼtiahate akatʼkónten tsi nòkwa ne Ié꞉sos Nazarethronon rahoriwasónha.

Acts 5:34

Nók saiátat, neh꞉ne Pharisee nahahiatóten Gamaliel ronwáiats, neh꞉ne kaʼianerénsera sakorihonʼniénʼnis tánon kwáh íken tsi tiót꞉te tsi ní꞉ioht tsi ronwariwakweniénstha nonkwesónhas, wathátaʼne tsi katsiénhaien. Wahaténʼnaʼne niahonwatihiathínekenʼwe nikariwés꞉sa ne ratikweʼkónʼne,

Acts 6:9

Nók ótiakes ne ronónkwe ronwariwakweníhaʼkwe nononsatokentíke ratiʼiátare ó꞉ni neh Freedmen ronwatinathónkwa, ó꞉ni ne Cyreneró꞉nons tánon ne Alexandria. Rononha tánon ne ronátiakes ne Sitaeró꞉nons ne Cilicia nón nihatinákere tánon ne Asia tahontásawen wathatiriwakéna ne Stephen.

Acts 9:1

Sékon káti ne Saul neh roriwahiotháties tsi naʼtehotenonhianíton sakohʼrahrastén꞉nis nasakósehthe neh tsi niháti ronwanonteráties ne Roiá꞉ner. Ratsihenstowánen wahotkénsera

Acts 9:11

Ne Roiá꞉ner wahawénhase, “Satateweienéntan tánon kanatakwení꞉ioke niaháse, neh tsi thohʼnónsote ne Judas tánon ehtseriwanónton ne rónkwe neh Tarsus nithawénon Saul ronwáiats. Roterén꞉naien,

Acts 9:30

Neh nónen ne thoʼnethákwens sahatiriwatʼtsénri, Caesarea non niahonwahiaténhawe ne Saul ó꞉ni Tarsus nónwe hiahonwaténienʼte.

Romans 11:1

Keriwanóntons, káti; wahsakokénron kén ne Rawenni꞉io rahonkwetaʼsónha? Oriwihiohónwe tsi iáh! Kwáh ó꞉ni í꞉i ne Israerʼró꞉non natsiatóten, Abraham non nihtewakatʼwatsirínon, tiátare ne Benjamin kentiókwa.

2 Corinthians 11:22

Tsi nihatinekwenhsò꞉tens rón꞉ton kenʼ Hebrew nahatiiaʼtò꞉ten? Í꞉ʼi kiʼ ó꞉ni. Tsi nonkwa ne karihwiióston Sitaeró꞉non kenʼ rón꞉ton? Í꞉ʼi kiʼ ó꞉ni. Abraham ken nón꞉we nithonathwatsirí꞉non? Í꞉ʼi kiʼ ó꞉ni.

Galatians 1:14

Í꞉i sénha wakeriwi ʼióstonne tsi nókwa ne Sitaeró꞉non kariwiʼiosthóntsera tsi ní꞉ioht ne ronátiakes ne Sitaeró꞉non ne saʼtetionkwáhionskwe, tánon kwáh wakakwísron tsi wakatheniénten nákʼsere noriwakaionnéha akeriwiʼiosthóntsera.

Galatians 1:21

Onakènke Syria tánon ó꞉ni Cilicia niaháke.

Deuteronomy 33:3

Ne Roiá꞉ner sakonorónhkwa ne rahonkweʼtashón꞉as tánon teshakónes tsi niháti ne raónha rahonkweʼtashón꞉a. Káti watiakwatsakè꞉te ne rasitákta tánon wahakwatewénhnaraʼkwe ne rahoriwatà꞉tsheras.