Acts 2:47 - Ohiatonhseratokénti

⁴⁷ Ronwasénʼnaiens ne Rawení꞉io, ó꞉ni ronatʼtsenón꞉ni tsi nitsiakoriwaiéris nonkwesónhas. Tánon kwáh niaʼtewenniseráke ne Roiá꞉ner sehsakotiokwaʼiesthonhátie tsi nihiákon nentiakéthakwe.

Acts 2:47 ပူးပေါင်းရင်းမြစ်များ

Luke 19:48

Iah tanon othenon tehatiriȣastsenrieskȣe nahostonte; aseken akȣekon ok nonkȣeokon ronȣaȣennanoronkȣakȣe.

Luke 2:52

Nok ne Iesos attokhatserakon tsi roteiarontie, nok ateriȣakȣarisiontserakon rahohenton ne Niio oni nonkȣeokon.

Acts 11:21

Ne Roiá꞉ner rahosatsténsera tehonatiátatonkwe, tánon kwáh iakotiokowánen taʼiakétakwe ó꞉ni tahonwétakwe ne Roiá꞉ner.

Acts 11:24

Barnabas raónha ne rónkwe kwáh rahiatanánon ne Ronikonratokénti ó꞉ni ne tewetakwen, tánon hiakotiokowánen tahiakétakwe rahonháke ne Roiá꞉ner.

Acts 13:48

Nónen ne iáh tehatiʼsitaeʼró꞉nons sahonatʼthóntene kí꞉ken, wahontʼtsennónni ó꞉ni wathontenonweráton ne Roiá꞉ner rahowennahókons; tánon tsi nihiákon ne tionthatáwi ne ionnheʼónwe atónnnhes tahiakétakwe.

Acts 14:1

Kwáh neh sáka tsi thóh naháwenʼne neh nón Iconium tsi nitsawén꞉en ne Antioch nehne Pisidia nónwe: ne Kór tánon ne Barnabas ononsatokentíke niaháne tánon kwáh tahiateweniénton tsi wahiatáti neh wakarihónni kwáh ronatsiokowánen ne Sitaeró꞉nons ó꞉ni ne iáh tehatiʼsitaeʼró꞉nons tahonnétakwe.

Acts 14:21

Ne Kór tánon ne Barnabas wahʼhiateriwanóten ne kariwí꞉ios neh nónwe ne Derbe ó꞉ni thóh nontáwe iakotiokowánen tahonweta꞉kwe ne Ié꞉sos. Ethò꞉ne Lystra, tánon Iconium, ó꞉ni ne Antioch thón nónwe ne Pisidia nionsáne.

Acts 16:5

Nekáti nonkwesónhas ne nononsatokentíke non nihatihiátare kwáh kíʼ wahatisátsʼtenʼne tsi ontehiáron ne tewethákwen ó꞉ni kwáh tsi niatewenniseráke tsi sénha wahonatiokowáʼnhaʼne.

Acts 17:12

Hiakotiokowánen neh nónwe tahiakétaʼkwe; tánon ionatiokowánen neh iothikwatsénions tionatʼthonʼwísens ne Greek nakontihiatótens ó꞉ni rohnatiokowánen ne ronnónkwes tahonnétakwe.

Acts 2:39

Asèken ne Rawení꞉io tsi sewararatsʼtén꞉ni ó꞉ni ne ieʼtsiʼiohokónha, tánon ó꞉ni tsi niháti ne ahinónsherons tathinakeréhnion—kwáh tsi niháti ne Roiá꞉ner onkwaʼní꞉io ne raónha sakohonkaráwis rahonháke niá꞉ien.”

Acts 2:41

Rohnatiokowánen tahonʼnétakwe ne rahoteʼriwanothátsera tánon wahontenekwéheste, tánon kákʼnon neh asenʼniwenʼniawehetserásen nihionkwétaʼke sahonwanatsiátaraʼse neh siwenʼniseráte.

Acts 4:21

Sók kíʼ ne ratitsiénhaiens ónen sénha iosátste tsi wahonwathiróri tánon sahonwanátʼkaʼwe. Wahóntʼthoʼke tsi tsehioriwákon ne ahonwatiréwaʼthe, tsioríhwa nonkwesónhas tehonwanonwerónnions ne Rawení꞉io tsi niʼiawénʼen.

Acts 4:33

Kwáh rotisatstenserowánen ne ratikweʼkónʼne tsi wahatiriwanírate tsi sotʼkhétskwen ne Roiá꞉ner Ié꞉sos, ó꞉ni ne Rawení꞉io iókwats tsi nasakohiatanóronsʼte ne kahiataterítsera kwáh ratikwékon.

Acts 4:4

Nók hiakotiokowánen ne wahakothónʼteʼne nateriwanothátsera tahiakétaʼkwe; tánon wahakotiokowána kákʼnon ne wísk tewenʼniawehetserásen.

Acts 6:1

Kwáh kén náhe onakènʼke, tsi wahonatiokowánaʼne ne thonetakwen, okʼtsíro tsi natehóntere nehne Sitaeró꞉nons neh ne ronhrónkʼkhas ne Greek ó꞉ni ne Sitaeró꞉nons neh ne ronhrónkʼkhas ne Hebrew. Neh ne ronhrónkʼkhas ne Greek wahonʼníron neh rahononkwetaʼsónhas ne ionatereʼons iáh tekontiʼienas tsi natehonreniata nowísta ne ionateréʼons ahotiriwáke.

Acts 6:7

Tánon káti ne Rawení꞉io rahowénʼna ionsontasónteren tonsonʼréni. Ne ronteriwanótha ne Jerusalem nónwe takanenrakwátaʼne tsi nahonatiokowánaʼne, ó꞉ni kwáh éhʼtho tsi niháti ne ratiʼtsihénstatsis wahatiʼiéna ne tewetákwen.

Acts 9:31

Thóh káti nontáwe neh rothiriwiʼióstons wahothiʼiéntaʼne ne skénnen neh nónwe ne Judea, Galilee, ó꞉ni ne Samaria. Ne tsi wasakoiénawaʼse ne Ronikonratokénti wahatisátsʼtenne ó꞉ni wahonatiokowánahne, tánon thóhʼnon nihononʼnhétie kakweniensthatserákon ne Roiá꞉ner rahoriwáke.

Acts 9:35

Kwáh onkwetaʼkwékon ne Lydda ó꞉ni ne Sharon non niʼienákere wahonwáken, ó꞉ni tahonwétaʼkwe ne Roia꞉ner.

Romans 14:18

Tanon nónen thoní꞉ioht tsi entiótense ne Kerístos, entsenikonraiérite ne Rawenni꞉io tánon ne ronatiakhésons enhatiriwanónwehʼne tsi nihoiéren.

Romans 8:30

Éhʼtho káti tsi niháti ne Rawenni꞉io sakohiatarákwen, iesakonáton; tánon tsi niháti ne iesakonáton, sahsakoriwakwathákwaʼse tsi natehóntere, tánon ó꞉ni tasakáwen neh rahohiatanerakwátsera.

Romans 9:27

Tanon Isaiah wahanikonraiénthaʼte tsi nòkwa ne Israel, “Tòhka ó꞉ni thóh nahionthonkwetaʼkáteke neh Israel tsi níkon tekanesaronkhótharon neh ahtsakthóntie neh kaniatarakhekówa, nók khiʼkenk nenhatíhake enhathiniákenʼne;

1 Corinthians 1:18

Asèken naʼteriwahnothátshera tsi nòkwa ne Kerístos tsi tehonwahiáshonte ononkwarohríta íken tsi niháti ne rohtihiatatónʼon; onk nonkwatiakheshóns tsi tionkwahiakén꞉en né꞉ne íken ne Rawenni꞉io raoshatsʼténshera.