Acts 2:40 - Ohiatonhseratokénti

⁴⁰ Tiér wasakoretiáron, tánon wéso oʼiáshon nikawenʼnótens wárasʼte tsi wasakóreʼke, rathonhákwe, “Sasewathateniákent tsi nòkwa ne karewathátshera neh rothirásere kí꞉ken ionkwetahétkens!”

Acts 2:40 ပူးပေါင်းရင်းမြစ်များ

Proverbs 9:6

É꞉ren sewatatiaʼtenhá꞉wit tsi nón꞉we nihón꞉neʼs ne iáh tehonttókha tánon entsónhnheke. Né꞉ʼe sewáhsehr ne karihonnienníhtshera.”

Jeremiah 51:45

“Takwahtahónshaʼtat, akonhkwetaʼshón꞉a, sehwatèko ne Babylon nónhwe! Sewahtateniákent! Sehwahniákens tsi nòkwah ne tehiotenonhianíton rahonahkwáhtshera ne Roiá꞉ner.

Matthew 12:34

Seȣaȣatsiraksenskȣa, oh nahoni naiaȣenne naontakariȣaierike tsi aeseȣatati, akȣase tsionkȣetaksen, aseken tsinitkananon naȣeriane eh kiniiot tsi ienȣatati naȣennasa.

Matthew 16:4

Kaȣatsiraksenskȣa oni kanakȣaiesen, kariȣanontons ne kariȣanoron. Iah ki tanon noiah takonȣanatonhase neok ne tsinihoiataȣenhon ne Rotokensehakȣe Jonas, nok sasakotkenrate ehren oni ȣarehte.

Matthew 17:17

Ȣahenron ne Iesos tsi tontahoȣennaȣeron: Ise ne seȣatennoȣentastskon oni seȣanikonraksen? tohnekenh nenȣe enteȣakȣekonhatieseke? oni ok tenȣakeron iaȣeronhatie? kenh kinioh nontatsiatenhaf.

Matthew 23:33

Oniare, kaȣatsiraksenskȣa! oh nenseȣaiere naonseseȣaniakenne tsi tiotekha nʼonesson?

St. Mark 8:38

Aseken onka enhionkatehase, ok ne ens nakeȣenna, kentho tsi ionȣentsiate kariȣaneraakserakon, enshotehase oni noneh nʼOnkȣe Roienha nonen tentre enthoiatanerakȣatonhatie Roniha raoiatanerakȣatsera oni ne raoronhiakeronon okon.

Luke 16:28

Aonsasakororiana ne ȣisk nateiakȣatennontere aontonsseke tosa aiakȣariskon.

Luke 21:36

Seȣatieȣaten kati, tiotkon onȣe taseȣaterennaientak, niaeseȣaȣe aeseȣarihontake ne taeseȣatohestste tsinonhiaȣenseronne, nok skennen tatsiseȣaken nonkȣe Roienha.

John 21:25

Sekon eso ioriȣake tsini hoieren ne Iesos, neh nakȣa otokenhon akȣekon aontaieiaton iah tekere akakȣeni onteken nonȣentsia aonthaȣa tsini kaiatonserake aieiatonkȣe. Amen!

Acts 10:42

Tánon wasonkwarihónten nahiakhihiateriwanóthase ne kariwí꞉io nonkwesónha tánon ó꞉ni nahiakwatʼróri tsi rahónha ne Rawenni꞉io rohiatarákwen ne tasakohiatórete ne hiakón꞉ne ó꞉ni ne iakawenhéion.

Acts 15:32

Judas tánon ne Silas, rohnónha ó꞉ni ne ieniriwákens, kwáh karíhwes tsi skátʼne wahathitsiénhaien, wasakotinikonraníraʼte ó꞉ni wasakothisatsténseron.

Acts 20:11

Thóne kanotioharáke nionsáre, watanatáriake, tánon wahanataráke. Ionsahatasónteren sahateriwahnóten tsi nióre iahórenne, thóne sahaténti ne Kór.

Acts 20:2

Hiahathohetsʼtánion neh kanakeraserákons ó꞉ni sakonikonrahníratsʼte nonkwesónhas tsi niwéso sakoteriwahnotánisʼkwe. Ehʼthóhʼne Achaia iahárawe.

Acts 20:21

Ne Sitaeró꞉nons ó꞉ni ne iáh tehatiʼsitaeʼró꞉nons kwáh ne sáka tsi kawennasátsthe tsi ní꞉ioht tsi kheretiáronskwe kwáh shontatʼréwat rahonháke ne Ní꞉io tánon thonʼwétat ne Sonkwaia꞉ner Ié꞉sos.

Acts 20:24

Kheʼrenkátiʼken ni꞉i tsi kónʼnhe iáh thé꞉nen satèkena tèken; nek khók níhkere ne hiatakókʼten ó꞉ni niákʼsa kíʼ ken kahioténsera tsi nithakáwi ne Roiá꞉ner Ié꞉sos, nahkateriwatsʼtéristhe, nehne akatʼróhri ne kariwí꞉ios nehne tsi nithoriwaiéri ne Rawenni꞉io tsi nókwa nonkwesónhas.

Acts 20:9

Nithonʼhión꞉a Eutychus ronwáiats tsi kanonsthonkwakáronte renskwárakwe, ne Kór tsi nihoteriwahnó꞉the, ne Eutychus kwáh éhtho tsi nahoserentáraʼne, tsi nióre ne kwáh iahótaʼwe tánon hiahaiátenʼne nehne ásenn natehionákʼtaʼne nitiótʼte tsi nióre nonwentsiáke. Satonsahonwahiátakwe rawenheionkówa.

Acts 28:23

Sók kíʼ wahonwenniserahrákwase ne Kór, tánon iakotsokowánen táien neh siwenniseráte tsi nónwe nihotawehiáthonne ne Kór. Oronkéne tsi nióre nokarasnéha wahsakonikonraientáten ne rahoteriwanothátsera ne Rawenni꞉io rahonakerásera, tánon wahateniénten niasakonikonrénhawe tsi nòkwa ne Ié꞉sos tsi nahatárakwe ne Mahís raoianerénsera tánon tsi nihothihiatónnions ne roʼnatiatatkonʼkwe.

Acts 4:36

Nekáti raónha ne Só꞉se, neh꞉ne Levite Cyprus nón thoʼnakeráton, neh꞉ne ratikweʼkónʼne Barnabas ronwanatónhkwaʼwe (neh꞉ne kéntons “Sakonikonranírats”)

2 Corinthians 5:20

Tionkhiiatenniéhton ne ahshakwatatiá꞉se ne Kerístos, ó꞉ni ne Rawenni꞉io tshisewanitén꞉taʼse ne ahskwatahónhsatate nonkwaterihwahnotáhtshera. Kerístos shakwatatiá꞉se, ó꞉ni kwáh tionkwaʼnikonhrahsaʼáhton tsi kwariʼwanontón꞉nis sasewarihwahserón꞉ni tsi naʼtesewátere ne Rawenni꞉io.

2 Corinthians 6:17

Roiá꞉ner ó꞉ni rá꞉ton: “Ietshiiátkawh tánon é꞉ren í꞉sewet, tóhsa ken niasewá꞉ier ne nahò꞉ten iáh teiotkwéniens. Thó꞉ne enskwaié꞉na,

Galatians 5:3

Séhkon énskat iensewáteratsʼte enskwaʼronkáten ónka neh rónkwe nenhathóntate nahonwahwarakwétaron tsi kwáh roteriwaiénni nahatewénnaraʼkwe ne kaianerenserakwékon.

Ephesians 4:17

Rahosénʼnakon ne Roiá꞉ner, nekáti wahkwaretiáron; tóhsa iasewathasónteren ne thoʼní꞉ioht tsi atsionnheke tsi ní꞉ioht ne iáh tethonethákwen, ne rahonahnionthonnióntsera iáh thènen tesástha.

Deuteronomy 32:5

Ók ní꞉se iáh tesewariwató꞉ken, iáh shatekéna théken ne raónha rahonkweʼtashón꞉a akénhake, sewariwanerahákson tánon sewanekonhrátha tsónhkwes.

Philippians 2:15

Neh enkarihón꞉ni ensewariwathokénhake tánon ne ensewatenaʼthónkwen iáh othènen tehothinhíkon ne Rawenni꞉io sakoienʼokónha, Neh skátne sewanákere ne tehonatsiákʼton tánon rathiweniennákʼsens, nók tóhsa khiʼthènen neh saióhten onh nahiawénʼne ne ahathikweni nahonníron thesaterientawénries. Sateniénten éhʼtho ní꞉ioht tsi tesaswhátʼtek nonkwéne tsi ní꞉ioht ne kén ronʼnonwentsiakerónon,

1 Thessalonians 2:11

Sewahteriéntare kwáh thóh ní꞉ioht tsi watkwahriwásniese tsi ní꞉ioht ne rohtiwirahiénton tsi tesakotirihwásniese ne sakotiʼioʼokónhas.

1 Timothy 4:16

Satatennikonráren tánon satennikonráren ne sarihonniennítshera. Hiasatasónteren sahióten kí꞉ken nahorihoténsons, asèken tóhkaʼ thóh nénshiere, tesenitiáron ensesheniniáken꞉ne ó꞉ni tsi niháti ne iesatahónsathe.

1 Tiér 5:12

Iakonhiátonse kí꞉ken nikaiatonseréssa neh꞉ne Silas wahaksniénon, neh tsi rahónha riniáhese nahoriwiʼiosthóntake. Tewakatonwentió꞉ni nakonretiáron ó꞉ni nakeriwanírate neh kí꞉ken ne kwáh oriwiʼioʼónwe Rawenni꞉io rahoténrat. Thoʼnónwe nasariwanirónhak.