Acts 2:23 - Ohiatonhseratokénti

²³ Tsi niʼtióseron tsi nihotenikonríson ne Rawenni꞉io ónenk siatehoriwaiéntaʼse tsi Ié꞉sos seh entsisewatiakwaríshaʼse; tánon waʼtsisewanonwariákon neh tsi wahetsiríhon ne rothiriwáneren tahonwaientennáren.

Acts 2:23 ပူးပေါင်းရင်းမြစ်များ

Genesis 50:20

Eʼthó sá꞉ne wesewatenʼnikonhrón꞉ni nahskwakaré꞉wahte, ne Rawenni꞉io ne ne rotenʼnikonhrón꞉ni ne ioiánere tsi nahá꞉iere, ne ne iakentiohkowá꞉nen ahanónhstate tsi iakónhnhe, tsi kiʼ nón꞉wa nihoierenhátie nón꞉wa wenhniserá꞉te.

Psalms 76:10

Sewenní꞉io Nónkwe akonakwáhtshera nék khók nenhnéʼe karihonthákwas ne sénha taiesanonweráton, kwáh eniesahsénhnaien ne wenniseraráhkwen tsi nisakwáhere.

Isaiah 37:26

“‘Iáh kén tesarihwarónhken wahónhnise tsi ná꞉he iaʼtewakeriwaientáse? Wahónhnise tsi ná꞉he tewakatenikonrí꞉shon ok ó꞉nenh kí entekhá꞉we nahontóhetste, ní꞉se tsi ó꞉nenk tsi enshón꞉ni ne tasenatánake ne kanatowánenhs tahonsʼkwaserónkwenke akentonhionhniá꞉nionke ne iorihwaieshá꞉seron,

Daniel 4:35

Ne ronnonhwentsakehró꞉non kwáh iáh thé꞉nen karí꞉wa té꞉ken tsi tehshakoká꞉nere; ratironhiaʼkehró꞉non tánon ne ronnonhwentsaʼkehró꞉non kwáh ratikwé꞉kon raónha tehshakoniarotárhon. Iáh ónhka thaiekwé꞉ni ne tahonwátahste, tókaʼ ó꞉ni ahonwariʼwanóntonhse onhnihatiérha.

Matthew 20:19

Enhonȣanatsiakȣarision ne ionkȣetaksen nahonȣatentoriate, enhonȣasokȣaȣesson nok enhonȣaiasakestsko; nok ki tanon asenhaton nenȣata enshatonnhete.

Matthew 26:24

Kenh kaien nʼOnkȣe Roienha satentionhe tsikiniiot tsi kaiaton ne raonha raiatatake; nok tanon rotentasere ne ronkȣe nʼenhotenninon nʼOnkȣe Roienha! Senha aioianerenhon ne tosa nonȣenton ahonakeraton netho ronkȣe.

Matthew 27:35

Nok nonen sahonȣaiasakestsko, ȣahatiȣastiakon tsi ȣahontatiakonhase ne raotseronniat, niakaierite tsinihaȣen ne Rotokensehakȣe: ȣahontatiakhonhase nakatseronnia, nok ȣahatiȣastotsi nakekhare

St. Mark 15:24

Nok nonen sahonȣaiasakestsko ethone ȣahatiȣastiakon ne raohȣensonha ahotitokense onka ahoȣenk enȣaton.

Luke 22:22

Akȣa ki ok iatekakonte tsi satentionhe nonkȣe Roienha tsini kariȣataton; nok ki tanon rotentasere onka ne ronkȣe enhotenninon.

Luke 22:37

Aseken ȣakȣarori tsi iatekakonte oni neneh eh niiaȣensere, oni enkahnane tsini kaiaton nii kiatatake. Eh nontahonȣatate tsiniiot ne tsiakoteriȣateȣaton. Aseken oriȣiio onȣe tsi onen eh niiaȣensere tsiniiot tsi teȣatrori nii akeriȣake.

Luke 23:33

Nonen siiahonneȣe tsi iohnontokeronte etho nonȣe nahonȣaiasakestsko, nok oni ne teniiase, saiatat tsi raȣeientetakon nok ne saiatat sanekȣati.

Luke 24:20

Tsinihonȣaierase ne ratitsihenstatsiokon oni ne ratikorasson, ronȣariȣenton narenheie, nok tehonȣaientannhare.

John 19:18

Eh nonȣe nʼathonȣaientannharen, teniiase ȣahonȣariskonte raiataktatie rotiiatenton, nok raonha Iesos asennen nihoiatenton.

John 19:24

Nok ȣahonniron; tosa tanon neneh teteȣarit, teȣaȣastotsi tanon nok enhionkȣatokense onka raoȣenk enȣaton. Neh ȣaonni eh nahaȣenne neneh iakaierine tsini kaiaton, tsi ȣaton: ȣahontatiakhonhase nakaȣensonkenha, nok nakekkare ȣahatiȣastotsi neh neh. Eh kati nahatiiere ne sotar.

Acts 13:27

Nonkwesónha ne thóh ratinákere ne Jerusalem ó꞉ni neh sakotihéntense iáh tehonaterientarakwe tsi raónha ne Sakohiatákwas, iáh ó꞉ni tehotinikonraientáʼon ne rotitokenséhakwe rahotiwennahókons tsi nihiotewenʼnánote nononsatokentíke niaʼtewentathokentiʼtseráke. Kwáh káti ó꞉ni neh wakarihónni ne rotitokenséhakwe raotiwennaʼókons ne thóʼkenske ahónton ne tsi wahonwaréwate ne Ié꞉sos.

Acts 15:18

Tsi niháton ne Roiá꞉ner, tsi nihawenéston ne wahónnise tsi náhe tkènne.’

Acts 2:36

“Onkwetaʼkwékon ne Israeronónke, káti, ahiakoteriéntaraʼne tsi kwáh oriwihioʼónwe ne kí꞉ken ne Ié꞉sos, tsi nikáien ne teʼtsisewahiásonʼte, tsi raʼónha ne Rawení꞉io rosennáhwi tsi Roiá꞉ner ó꞉ni ne Kerístos!”

Acts 3:18

Rawení꞉io wahónʼnise tsi náhe thoʼrihowanáthon tsi nithoʼtíhas ne rothitokenséhawe ne Kerístos tsi enharonhiáken, tánon neh warónniaʼthe neh oriwí꞉io ahónton kí tsi naháwenʼne.

Acts 4:28

Tsi wahonteróhroʼke neh꞉ne kwáh oriwakwékon thóh nahatíʼiere tsi nòkwa ne sahsatsténsera ó꞉ni tisanonwéʼon tsi ónenk iatesariwaiéntaʼse tsi thóh neniáwenʼne.

Acts 5:28

“Kwáh ioníron tsi nih hionkwariwáston ne tóhsa ahonsaietʼtsirihón꞉nien thóh rahosénʼnakon kí꞉ken rónkwe,” wahénron; “nók satkátho tsi niseníʼiere! Kwáh watiʼtiaréniaʼte tsi waʼheʼtsirihónʼnien ne Jerusalem, tánon í꞉seneʼre i꞉i ahontaskwáraʼse tsi rawenhéion!”

Acts 5:30

Ne Ronwaní꞉io nonkwasotʼtserahokonkén꞉ens shokétskwen ne Ié꞉sos kenheʼiátʼne, nónen ne sahtsisewário ne kaʼiásake waʼtsisewanonwaró꞉ten.

Acts 7:52

Ónhka onhtèken ne sewasótʼtseras neh iáh tahonwatironhiakénton ne roʼnatiatatkonkwe? Ronwatinonwáriakon ne Rawenni꞉io rahonkwetaʼsónhasʼkwe ne ronteriwanótha, raónha ne wahónʼnise tsi náhe thoriowanáton tsi ént꞉re ne tronkwetaiéri rahonátsera. Tánon kíʼ nónwa ónen etʼtsisewatennínon ó꞉ni wahtsisewáseh꞉the.

Romans 2:12

Ne iáh tehatisitaerónons iáh tehatíhawe ne Mahís rahohianerénsera; rathiriwaneráhaks tánon kwáh rothiʼiatathónʼon. Ne Sitaeró꞉nons rathíhawe ne kaianerénsera; rathiriwaneráhaks nók kíʼ neh tehonwathiʼiatoretákwa ne kaianerénsera.

Romans 4:17

Tsi niwáton ne kahiatonseratokénti, “Í꞉se ne kanísera koniónʼni kwáh tsi niaʼteiakahontsiákes.” Kwáh káti ioiánere tsi niwarharáston rahohénton ne Rawenni꞉io, tsi thóhnon nitawethákwenʼne ne Abraham, raónha ne Rawenni꞉io tethesakóhas ne iakawenhéion nahonsahiontónʼnhete ó꞉ni tsi nikáien rotenʼnáhon nahontakáha tsi nahóten ne iáh tekaiéntakwe.

1 Thessalonians 2:15

Ónhka ronwahnonwahriákon ne Roiá꞉ner Ié꞉sos tánon ne rotitokenséhakwe, tánon wahonkhironiákente. Tóh nihonwahnikonrakʼsátha ne Rawenni꞉io! Kwáh onhkwetaʼkwékon tsi sakonateniakatstʼsténnis!

1 Tiér 1:2

Ietsiʼiaʼtará꞉kwen ne tsi nithonikonriʼióʼon ne Rawenni꞉io ne Kanísera ó꞉ni Rawenni꞉io Raonikonratokénti wakarihonni tsi wesewahiatatokentíne, né꞉ne ahtsisewawénnarakwe ne Ié꞉sos Kerístos tánon ne ahonsehsewatonnakanónniathe ne rahonekwénsa. Aiáwens kenténrat ó꞉ni ne skénnen aisewawenhkónweke ó꞉ni aiawetowénhnenke.

1 Tiér 1:20

Rawenni꞉io roiatarákwen ne neh ohénton sontontonwentsiónni tánon onterihotashiónko kí꞉ken nonàken wenniseraténions níse sewariwá꞉ke.

1 Tiér 2:8

Tánon nóia noriwatokénti wáton, “Onénhia ne enkakwéni nónkwe entsiakosítiake, tánon nosténra neh enkakwéni tenhiakoniohtáko.” Watiakoniotáko tsioríhwa tsi iáh tethonetákwen nowénna; neh tsi nisakoriwisaháni ne Rawenni꞉io.

Jude 1:4

Otsià꞉ke nonkweshónha ne iáh tehotiniioserá꞉ien tok thón tahón꞉ne nonkwanenrákon, tsi nihá꞉ti ne ronhnowénhtha nateriwanothátsera tsi nokwáh ne Rawenni꞉io rahoténrat ehnaʼontawe nahonthatiathotároh tsi nihathiweienʼnáksens, tánon ronwakenrón꞉ni ne Ié꞉sos Kerístos, kwáh raónha khók nónkwawenk Rahiatakweniio ó꞉ni Sonkwaiá꞉nere. Wahón꞉nise tsináhe tiotʼró꞉ri nohiathonseratokénti tsi nihothiienà꞉on ne karewathátsera.

Revelation 13:8

tánon onkweʼtakwé꞉kon nonhontsake ienákere kwáh eniesénhnaien, onkweʼtakwé꞉kon tsi niiá꞉kon ne iáh teiesenhná꞉re nohén꞉ton sontónhni tsi ionwenhtsá꞉te thóh raoiatonhserá꞉kon ne iónhne ne teiotinaʼkarontónha owí꞉ra né꞉tho ronwanonwarià꞉kon ne tsi tsiotonhontsatáhsawe.