Acts 2:20 - Ohiatonhseratokénti

²⁰ Ne karáhkwa entsiokárawe, tánon nasonhthenhné꞉kha karáhkwa thenwatenekwenhsónhten, raohén꞉ton ne teiotenonhianì꞉ton tánon iothenhniserát꞉teron rawenhní꞉sera ne Roiá꞉ner enwá꞉we.

Acts 2:20 ပူးပေါင်းရင်းမြစ်များ

Isaiah 13:10

Asèken tsi niʼiotsistokwahrónhnions ne tsi karonhiáʼte tánon tsi niʼiotitsiókwahkes kwáh kí iáh thatakontiswát꞉theʼte; ne entiekhenékha karákwah kwáh ekʼthentsiokárawe tsi nènk karakwínekenhne, tánon nasonthenhnékha karákwah kwáh kí iáh thataioswát꞉thene.

Isaiah 13:15

Nón꞉ka enhiontatsiatatʼtshénhri kwáh kíʼ tenhonwanarié꞉niaʼte, tánon nónka enhiontatiéna kwáh kí enhionthataʼwenkto asarekó꞉wa enwáston.

Isaiah 13:9

Satkátho, ne rawennhnísera ne Roiá꞉ner í꞉was, kaniakasténsera, ne kenikwékon ne ateriaʼtitkhóntshera tánon ne teiotenonhianíton kanakwáhtshera, ne enhiónhniaʼte nohóntsa iáh othènen tahonsakastátonhke, tánon nahiakótonhte ne iakorihwáneren né thóh ratinákere.

Isaiah 24:23

Eʼthó꞉ne nasontʼthenhnékha karákwah kwáh enhioneráko, tánon nentsekhenékha karákwah enwatéhen; asèken ne Sakoiá꞉ner ne ronterí꞉ios ratironhiakeró꞉nons kwáh kí enhatenontí꞉ioste ne tsi Ionónte ne Zion tánon ne Jerusalem nón꞉we, tánon raotihénton ne rahonkwetashón꞉has ne rotiʼtstenhokónhas kwáh kí enréhneste ne raoʼhiatanerakwáhtshera.

Isaiah 34:8

Asèken ne Roiá꞉ner rawenniserará꞉kwen ne karewathá꞉tshera, né ioseráte enskakarhiákon ne Zion aoriwàke.

Jeremiah 4:23

Iakatʼkáhtho nonwenhtsiáke—kwáh iáh thaʼhóten tekáien káiase íken; tsi iotsikerahrónnion—kwáh iáh thaʼteioswátʼthe.

Joel 2:1

Sewatá꞉tis ne iehonrawatsthakó꞉wa ne Zion nón꞉we; sewatá꞉tist ne watewenhnhót꞉tha nakenontatokenhtí꞉ke! Kwáh ratikwé꞉kon ne ienáhkere nonwenhtsà꞉ke iakohiathiʼshónk! Asè꞉ken ne Roiá꞉ner rahwenhní꞉sera tsi tá꞉we, ákta í꞉wes—

Joel 2:31

Ne karáhkwa entsiokárawe, tánon nasonhthenhné꞉kha karáhkwa thenwatenekwenhsónhten, raohén꞉ton ne teiotenonhianì꞉ton tánon iothenhniserát꞉teron rawenhní꞉sera ne Roiá꞉ner enwá꞉we.

Joel 3:14

Iotsiokwatsani, thóh rónhnes nahonráhkwakons ne tekaiatoréhton í꞉ken! Asè꞉ken ne rawenhní꞉sera ne Roiá꞉ner ákta í꞉wes thóh ahonráhkwakon ne tekaiatoréhton.

Amos 8:9

Ne thóh entewenhniserá꞉teke, rá꞉ton ne Roiá꞉ner Rawenni꞉io, kwáh enhkhónnien nahonterahkwásehte ne éntie nenhkárahke, tánon ne tsi ionhontsá꞉te entiokaráhwe ne tsi niwenhní꞉sehres.

Malachi 4:5

Sewatenʼnikón꞉raren, kwáh enthiiaténniehte ní꞉se sewarihwá꞉ke ne rotokénhse Elijah nohén꞉ton ne wenhniserowá꞉nen tánon teiaonhniseranón꞉iani rawenhnísera ne Roiá꞉ner á꞉onwe.

Matthew 24:29

Akȣa neok enȣatenniserohestste neh niȣenniserotens, onȣaterakȣaton, iah oni tataonsnkasȣathete nasonrekha, entkaniserenne ne karonhiake tiotsistokȣaronnion nok tenhiotihentonȣe nahosastensera tsi Tkaronhiate.

Matthew 27:45

Iaiak siioȣistahehatie onȣentsiakȣekon taiokaraȣe tsiniiore ne tioton niioȣistahe.

St. Mark 13:24

Nonen enȣatennisorohestste, enȣaterakȣaton, oni nasonrekha.

Luke 21:25

Tenȣatieronnionhaton tsi karakȣare, oni asonrekha, oni tsi iotsistokȣaron, eh niiore tsi enhiakotentaseron nonkȣe okon tsiniiore ok tentsiakoriȣaieȣasseke oh akȣa nenhiakoiataȣensere nonȣentsiake; tenhiotenonhianiton tsi enhiorakarheke ne kaniatarakekoȣa.

Acts 2:19

Kwáh enkenéste ne iorihwanerakwahté꞉nions ne tsi karonhiá꞉te tánon né tsi ionwenhtsá꞉te, onekwénhsa tánon ó꞉tsire tánon enkaienkwahrotónhnion.

Acts 2:21

Eʼthò꞉ne tsi nihiá꞉kon nenhienáton ne raoshén꞉na ne Roiá꞉ner kwáh kí enhionthatenónsthate.’

1 Corinthians 5:5

ranesonrónon tsi sewahtiakwarísien kí꞉ken rónkwe onhʼnaiáwenhne ahkariwahthónʼton tsi rón꞉ne, ne nahónton ne raotónnhets ahkaniákenʼne nen tewenhniseráhteke nónen téntʼre ne Roiá꞉ner.

1 Thessalonians 5:2

Asè꞉ken kwáh iatesewahiáti kwáh ioiánereh tsi sewahteriéntare wáhi nónen téntre ne Roiá꞉ner thóh nenʼiáwen꞉ne tsi ní꞉ioht ne ranénskwahs ensakohnonsórenʼne tsi niwahsóntes.

2 Tiér 3:10

Nók nentewenniseráteke ne Roiá꞉ner thóh ní꞉ioht tsi tètre tsi ní꞉ioht ne ranénskwas. Ne thóh entewenniseráteke ne tsi karonhiáte enwáton tsi nenwatáti ne iowennothí꞉ie, tsi nahoténsons ne tsi karonhiáte enwákʼtsa ó꞉ni enkariwatónthon, tanon ne tsi ionwenhtsate oni nahoiotenhsera ne thóh nonwe nikaiotenhen, tsi enwenene.

2 Tiér 3:7

Tánon nónwa nikaháwis ne tsi karonhiáte ó꞉ni ne tsi ionwentsiáte kwáh kanónstaton tánon ó꞉ni ne sáka tsi ní꞉ioht tsi rotennáʼon ne Rawenni꞉io, neh tsi ótsire enkariwátonte. Neh aoríhwa kanónstaton neh tewenniserónte nónen ne iáh teiakoniʼioseráien teiontatiatórete ó꞉ni enhiontatháthonte.

Revelation 16:8

Ne kaierihá꞉ton raronhiakeró꞉non karáhkwake ne iaháweron ne raʼotse, tánon onteriwanónwehne ótsire aiakonethentát꞉te nonkwehó꞉kon:

Revelation 6:12

Nó꞉nen sathanhetsáke ne iaiá꞉khaton, Watkaʼkathónhnionwe, tánon kwáh í꞉ken tsi watewatenonhianí꞉te watsiahontsí꞉shonkwe, ne karáhkwa kwáh kahón꞉tsi nahá꞉wenhne tsi nontaioká꞉rawe, ne iekarakwahié꞉ri nasontenhné꞉kha thóh nonshokoténhne tsi ní꞉iót nonekwénhsa,