Acts 2:17 - Ohiatonhseratokénti

¹⁷ ‘Kén kí néntiere nonàken entewenniseraténionʼke, ráthon ne Rawenni꞉io: kwáh entkawé꞉ron nakeshatsténhsera onkweʼtakwé꞉kon ahiakó꞉rane; né꞉ne sanekenteronhtsheraʼshón꞉as tánon ne sehioʼokón꞉as tionathonhwí꞉sens kwáh kí ienhatiriwakénhseke, ne ken nithotihónsas tionkweʼtashón꞉as thenʼonatieronhniónhase, tánon ne tionkweʼtashón꞉as ne thotí꞉ions kwáh enhonathetsenhá꞉ton naʼtetsénhseras.

Acts 2:17 ပူးပေါင်းရင်းမြစ်များ

Genesis 49:1

Eʼthó꞉ne ne Jacob iahshakó꞉nonke ne raonekenhteronʼtsheraʼshón꞉ʼa, tánon wahén꞉ron, “Teskwatià꞉taton, ne naón꞉ton akwahró꞉ri tsi nensewaià꞉tawen nenwenhniseraténionke tá꞉we.

Genesis 6:12

Tanon ne Rawenni꞉io waʼhatkáhtho ne tsi ionhwentsà꞉te tánon wahatkáhtho, tsi niió꞉re tsi karihwahétken iaʼkotón꞉on nonkweʼshónʼa ratikwé꞉kon thó꞉non nihonnonhnhétie ne karihwaksèn꞉ke.

Psalms 65:2

Ó í꞉se ne teserihwaʼserákwas naterénhnaien! Kwáh tsikʼnonwéson nénhtsien nonkweshónha shonháke nón꞉we nenhionterénhnaien.

Psalms 72:6

Waʼkaterénhnaien thóh nahahiatoténhake tsi ní꞉ioht ne iohkenhnó꞉ron tsi nón꞉we nikaientʼthóhseron, tsi ní꞉ioht tsi iohtsatará꞉ties tsi iokenhnó꞉res nonhwenhtsáke.

Proverbs 1:23

Sewatahónhsatat nó꞉nen enkwattéhten; entkwá꞉ion ne karihwí꞉io, entkáhtkaʼwe tsi ní꞉kon wakaterién꞉tare.

Isaiah 2:2

Tsi niwenhniseraténions tsi nienkáheʼwe ne tsi rotenonhtáhere ne Roiá꞉ner tsi nón꞉we nikanónshote ne raoʼnonsatokentiʼkówa ne ahonhá꞉ʼa entsotenontáteske tsi níkon ionontarónhnions. Akahontsakwékon thóh nón꞉we iatonhonskénhni nienhonhnéthaʼke.

Isaiah 40:5

Eʼthó꞉ne ne raoʼiatanerakwáhtshera ne Roiá꞉ner enkarihotáshionʼke, tánon onkwetaʼkwékon tsi skát꞉ne enhiontkátho, asèken ne tsi rasakáronʼte ne Roiá꞉ner rotatíhon.”

Isaiah 44:3

Asèken entewatnekónti ne ioniatʼtátʼtens ohóntsa, tánon enkahionhaténionhne thóh ne tsi iahontsiát꞉ten; Kwáh entkáweron nakenikónra rononhàke ne sehiohokónhas, tánon natiaʼtaterítsheras rononhàke tsi iensatʼwatsiríne.

Isaiah 49:26

Kwáh I꞉i enkhehiónhnien ne teieshonnaríkʼkhons né꞉ne ahónhneke né kwáh roʼnónha raotiwá꞉ronhne, tánon kwáh kí né enhotiʼnonwaráthonʼte ne roʼnónha raoʼtinekwénhsa tsi shí꞉ken ní꞉ioht nonenhará꞉keri. Eʼthó꞉ne onhkweʼtakwékon enhiakotó꞉kenhse tsi I꞉i ne Watiá꞉ner í꞉ken né꞉ne shiaʼiatákwen, tánon né꞉ne shiaʼiathotaríshions, né꞉ne Roshatsʼtenhserowaʼnenhkówa né Énska í꞉ken ne Jacob.

Isaiah 66:23

Tsi nenskarakwahrá꞉seke, tánon tsi nientsahontatokéntis, niaʼtehionkwétake éntien nahionterénhnaien nakʼkhénhton, rá꞉ton né Roiá꞉ner.

Ezekiel 11:19

Kwáh áse tenhtekhéhion nawéri tánon áse nonikónhra. Kwáh ahérenh enkháwithe tsi nihonerhiashaníhron tsi ní꞉ioht nonénhia tánon né꞉ne werhiashí꞉io tenhtekhéhion.

Ezekiel 39:29

Kwáh entkáweronh nakenikónhra nonhkwétahke ne Israerʼró꞉nonhke tánon iáh ské꞉kon nonhwénton tahonshakhehiatswathénien. Í꞉i, ne Wakenonhtí꞉io Watiá꞉ner wakatáti.”

Daniel 10:14

Tá꞉ke nakonʼnikonhraientáhten tsi nenhotiiá꞉tawen ne sonkweʼtaʼshón꞉ʼa ne tsi nienhénwe. Ki atetshénhsera né ne watró꞉ris tsi nahoténshon tá꞉we.”

Hosea 3:5

Onakénhke ne Israerʼró꞉nons rahonhà꞉ke ne Roiá꞉ner Raotiní꞉io niensónhne tánon enhonwaiatísake, tánon ne Táwit raotinontí꞉io í꞉ken; ethò꞉ne enhothiteronhníhake rahonhà꞉ke ne Roiá꞉ner tánon kwáh enhatiié꞉na ne raoianerétsheras noná꞉ken tewenhniséronhte.

Micah 4:1

Tsi nienhwathenniserókten ne tsi ionontá꞉here ne raononsatokentikó꞉wane ne Roiá꞉ner thóh nón꞉we nenhkarihwanirátonke tsi né꞉e ahonhá꞉a tiotenontáte í꞉ken, kwáh enhiakotohétsthen akwé꞉kon nó꞉ia ionontahrón꞉nions, Nonkweshón꞉as thóh nón꞉we ienhiakowáheste rahonhà꞉ke,

Zechariah 12:10

“Kwáh enkenáhʼne tsi nithotwatsirí꞉nonh ne Táwit ó꞉ni ne ronahtiakhésons ne Jerusalem nón꞉we né꞉ne kenténrat ó꞉ni aterén꞉naient. Enhonwakenhénhion tsi niká꞉ien ne ronwaháson tsi rawenhé꞉ion, kwáh enhothinikonratsénhsehke ne rahonhà꞉ke tsi ní꞉ioht tsi enhiakonikonrátsen ne enskakʼkok iakowí꞉raien nenhiahié꞉heie. Kwáh kátsi towá꞉nenh tsi tenhonsénhtho, kwáh tsi ní꞉ioht nahiakothónse nénhskak khók iakonekenterontsherá꞉ien.

Zechariah 2:13

Sak thikénhak, sewakwé꞉kon, ne rahohén꞉ton ne Roiá꞉ner, asè꞉ken thóh nón꞉we nonhthahawehnonhátie ne iotokénhti thonónhsote.

Luke 3:6

Nok akȣekon nonkȣe onhonȣaken ne Niio raoiatakennhatsera.

John 17:2

Tsiniiot tsi hetskȣeniatseraȣi nonkȣene, nasakaonnhete onȣe tsiniiakon hetserakȣenni.

John 7:39

(Neh rentonhakȣe, tsihenshakotienhase ne Rotkon Ronikonriioston tsini iakon tiakaȣetakon ne raonhake: Aseken arekoki shitonȣatkaȣen ne Rotkon Roiatatokenti, ne tsi areko tehoronhiakenserentaon ne Iesos.)

Acts 10:45

Ne ratiʼsitaeʼroʼnons tsi niháti ne Joppa non nithonwáseron ne Tiér, wahothineráko ne Rawenni꞉io tsi nasakohiataʼnóronste non꞉ne ne iáh tehatiʼsitaeʼró꞉nons tsi nontasakáwen ne Rahonikonratokén꞉titsera.

Acts 11:27

Neh siwatʼtháwi ótsiake ne iehatiriwákenskwe Jerusalem tahonténti tánon Antioch niahónne.

Acts 11:28

Saiáta ne Agabus ronwaiátskwe, wahtátane tánon tsi iahariwáken, neh tsi nontáwe ne Ronikonratokénti tsi nahoróri, kwáh éhʼtho tsi ienhiontonkariákon nonhontsiakwékon. (Nehne Claudius sihakóra kíʼ thoʼnitsawén꞉en.)

Acts 2:16

Káti, tsi nahóten ráwen, ne rothokenséhaʼkwe Joel:

Acts 2:18

Iekaní꞉hare ne rotiskenhrakè꞉te tánon ne tionaʼthonhwí꞉sens ratinhá꞉tsheras, né thóh entewenhniseraténionhke, kwáh entkawé꞉ron nakeshatsténhsera, tánon ó꞉ni enhonteriwanóten nakateriwaʼnothátshera.

Acts 2:33

Tsi sonwakétskwen neh꞉ne tsi raweienthetákwen nòkwati ne Rawení꞉io, ne Roʼníha, ne Rawení꞉io thó꞉wi ne Rahonikonratokén꞉ti, kwáh tsi nihorahrátston. Tsi nahóten nónwa sewatʼkáthos ó꞉ni sewarónkas nehne rahotathawítsera tsi nisonkwahiatanorónston.

Acts 21:9

Kaiéri nihohiatasetseraiéntakwe konteriwanó꞉thakwe ne Rawenni꞉io rahoteriwanothátsera.

Romans 5:5

Kí꞉ken naskanéktsera iáh teionkwanikonraténʼni, asèken ne Rawenni꞉io thowéron ne rahononronkwátsera non kweriánes tsi nihorihotáshon ne ronikonriʼióston, raónha ne Rawenni꞉io sonkwáhwi.

1 Corinthians 12:10

Ne Ronikonratokénti tionkwéta enteshahʼkáwen ne kashatsʼténsera ahiakoióten ne ioriwahnerákwa; nó꞉ia, nahtathawítshera né꞉ne ahionteriwahnóten ne Rawenni꞉io raoteriwahnothátshera; tánon shé꞉kon nó꞉ia, nahiekwéni nahiontróri tsi naʼtetsatʼtíhen nahtatawítshera ne Rawenní꞉ioke nitewéhtha tánon né iáh thóh nónwe tethewétha. Ne tiehiáta teshakówis naiekwéni ne thiʼwenhnásathe ahiontáti, tánon ne tiehiáta naiekwéni nahienikonrahiéntathe tsi nahóten wahton.

1 Corinthians 12:28

Ne tsi ionterennaientákwah Rawenni꞉io akwékon rokwahtákwen tsi nikentiokoténsons shakorohónton: né thonatierénton ronteriwahnótʼthas, ne tekeníhaton iehatiríwahkens, tánon nasénhaton sakotirihonniénnis; ehʼthóne tsi nikáien ne ioriwahneráhkwat tsi nihatí꞉ierah, ne tionóntere tsi nikáien ne tonwahnáwi ne kasatsténshera nahontétsenthe tóhkaʼ ó꞉ni nashakotiʼiénawaʼse nakorénsons tóhkaʼ ó꞉ni nashakotihéntense tóhkaʼ ó꞉ni thiʼwenhnásathe ahontáti.

Hebrews 1:2

nók kíʼ nonakènkha tsi niwenniseraténions raonháke ne roiénha nónwe nishonkwataránis. Raonháke nónwe nitsawénon tsi kashahánion ne kwáh tsík nahoténson, tsi nikáien ne Rawenni꞉io rohiatarákwen ne oriwakwékon ahowenkónweke ne tsi iehiótokʼte.

Ne꞉ne Sák Rohiaton 5:3

Ne sewáwenk owistanórons ó꞉ni ne kawistarákens oskénra nèn꞉ne iotheróron, tánon kí꞉ken oskénra ne ensanontánakʼte tánon ó꞉ni thóh ní꞉ioht tsi ensawárake tsi ní꞉ioht nótsire. Sentonʼhionniá꞉nion nahtiokowátseras kíʼ nonàken iotenʼniseroehsthákwen.

2 Tiér 3:3

Ne tiotserentákwen, kwáh teiontonwentióʼon naisewahnikonraiéntaʼne nonàken tewenniseráthes ótiakes enhontotashiónko ne tsi ronnónhne ne tiakoniarótaron ne kariwahétken ahskanéktshera. Kwáh ténʼiet tsi ieron