Acts 2:14 - Ohiatonhseratokénti

¹⁴ Ehʼthóhʼne ne Tiér wahtáthaʼne skátʼke ne énskat-iawénre ratikwekónʼne tánon tahakwísron tsi wasakotháraʼse nonkwesónha: “Sewaʼsitaerónons tánon ó꞉ni tsi nítsion neh Jerusalem nónwe nisewanákere, takwatahónsatat tánon takwaríhon nakwaróri tsi nahóten kí꞉ken kéntons.

Acts 2:14 ပူးပေါင်းရင်းမြစ်များ

Proverbs 8:32

Ó꞉nen ká꞉ti, ne kenʼnitisewaién꞉ʼa takwatahónhsatat, tho naʼsewá꞉iehr nahò꞉ten enkí꞉ron tánon ensewatonhnhá꞉ren.

Isaiah 40:9

Iasenontáraʼn ne tiotenón꞉thate, Ó Zion, sathontéhon ne karihwí꞉ios; né satewenhnakétskwat ne kashatsténhsera, Ó Jerusalem, sathontéhon ne kariwí꞉ios, serihówanat, tó꞉sa sateronhníhak; seró꞉ri ne tsi kanatowánens ne Judah, “Ne sahʼNí꞉io tsi tá꞉re!”

Isaiah 51:1

Takwahtahónsatat, í꞉se ne nètho sewásehre naʼterihwakwahrihshión꞉tshera, í꞉se ne tsiʼsewahiatísaks ne Roiá꞉ner. Iasatʼkátho nosténhra tsi nón꞉we tsesakwétaron, tánon ne tsi ienenhiokwáts꞉tha tsi nón꞉we tsesakenratákwen.

Isaiah 51:4

Takwahtahónsatat, akonkwetaʼshónha, tánon takwahtahónsatat, akitiókwa; asèken ne karihonhnienhnítshera kwáh akonháke entkaiákenhne, tánon nakerihwakwahrishióntshera né nakoswatʼthétshera í꞉ken nonkweshón꞉has.

Isaiah 51:7

Takwahtahónsatat, tsi nítsion ne sewateriéntare ne karihwakwarihshíonhtsheras; í꞉se ne tsiónkwe né sewáhawe nakerihonhnienʼnítsheras ne seweʼriá꞉nes; tó꞉sa ietsitshániset nonkweʼshónhas tsi nisakotiʼkenhrenhserón꞉nis nakorénshons, tánon tó꞉sa tasewanikónren nó꞉nenh enietsikenrenhserónhni ní꞉se.

Isaiah 52:8

Satahónsatat! Né shonkwetaʼshónhas ne ratiʼnikónrare wahthotiʼhénrethe, skát꞉ne tsi wathaʼtiríwakwe natonhnhárat; asèken kwáh tshiehióken tsi rontkáthos tsi nionsáre ne Roiá꞉ner ne Zion nón꞉we.

Isaiah 55:2

Nontiéren tsi né sewatʼwistatieshátha tsi nahó꞉ten né iáh kanatarotèken, tánon né satatsiothénston tsi nahó꞉ten ne iáh thaʼhiakawerientí꞉io? Kwáh ioianeré꞉hak tsi takwatahónsatat, tánon ne í꞉sewak tsi nahó꞉ten ne ioiánere, tánon né sathaterientiʼiósthen ne kwáh tkatʼkwí꞉io.

Isaiah 58:1

Tesewahénret, tó꞉sa sewatatiéna! Sewaʼtewenhnakétsko tsi ní꞉ioht ne iehonrawáts꞉tha! Serihowanáthen nakonkwetaʼshón꞉has tsi nihonteriwiʼioseranónhwe, thóh rahonónskon ne Jacob tsi nó꞉kwah ne raoʼtirihwaneraháktsheras.

Hosea 8:1

Sewatenón꞉tha ne iehonrawátstha! Kwáh tsi ní꞉ioht ne kaweró꞉kwats ne è꞉neken ká꞉tses ne tsi ronónshote Roiá꞉ner, tiorì꞉wa tsi teotihiá꞉kon nakaterihwaseronhniá꞉tshera, tánon ronatewenhnóntion natsanerénhsera.

Matthew 2:1

Herod Shihonontiio, nihonakeraton ne Iesos tsi tkanataien ne Bethlehem, etho kati ȣahonneȣe Asen nihati Ratisennoȣanens tsi tkarakȣinekens nontahonne.

Acts 1:26

Ehʼthóhʼne owaste wahonste wahathiwasthótsion nónka kí꞉ken tenihiáse ahonwahiataráko, tánon nehʼne Matthias wahonwahiataráko, neh sahsakotiátharaʼse ne énskat-iawénre niháti ratikweʼkón꞉ne.

Acts 13:16

Kór wahthátaʼne, ratsianáke wáhratste tsi wasakothokáten ne tóhsa ahontsarókwate, tánon tahatásawen wahatʼretsáron: “Tewathatékens Israerʼró꞉nons ó꞉ni se wakwékon ne iáh tesewasitaerónons kén꞉en tsi entsisewasénnaiens ne Rawenni꞉io: takwatahónsatat!

Acts 2:22

“Sewatahónsatat kí꞉ken owennasónhas, neh sewahʼIsraerónons! Ié꞉sos ne Nazarethʼronon nahahiathótenʼne neh Rawenni꞉io kwáh tehióskwatʼte tsiʼsewenestén꞉ni ne ioriwanerakwathénions ó꞉ni sewatʼkáton, tsi rahonháke ne Ié꞉sos non nihohiotátiesʼkwe. Kwáh hiatesewahiá꞉ti sewateriéntare kí꞉ken nahorihótens, asèken kwáh kén꞉en tsi natesewátere éhʼtho niʼiawén꞉en.

Acts 21:28

“Sewahsitaeronons!” wathoʼthihénreʼte. “Takwaienáwas! Neh kí꞉ken ne rónkwe kwáh tsikʼnonwésons nierètha kwáh tsi niatehionkwétakes tsi sakorihonniénʼnis nahonwathíson ne Israerʼró꞉nons, ó꞉ni ne Mahís raoianerénsera, tánon kí꞉ken Ononsatokénti. Tánon ónen nónwa kwáh tasakohiathínionte ne iáh tehatiʼsitaeʼró꞉nons ne kén꞉en Ononsatokentíke ó꞉ni ahakarónni neh kén꞉en watenátaien!” (

Acts 5:35

tánon etʼthóhʼne wasakawénhaʼse ne ratitsiénhaiens, “Tewatatékens Israerʼró꞉nons, sewanikónrahrat tsi nenʼietʼtsiʼiérase kí꞉ken ronʼnónkwe.

Acts 7:2

Stephen watariwaseráko, “Tawatatékens ó꞉ni kaníseras, takwatahónsatat! Nohénton ne tsi tewasotkén꞉en NʼAbraham ne Haran nónwe iatahonsahaná꞉taʼkwe, ne Rawenni꞉io Rahohiatanerakwátsera wahothotáshase neh nónwe Mesopotamia

Deuteronomy 27:9

Ethò꞉ne ne Mahís, skátke ne Levitical rotikhá꞉res, washakawénhase onkweʼtakwé꞉kon ne Israerʼró꞉nonhke, “Thaʼtesewató꞉tat, tsónhkwe ne Israerʼró꞉nonhke, tánon takwahtahónsatat. Ón꞉wa wenhniserá꞉te ne Roiá꞉ner sewaNí꞉io rahonkweʼtashón꞉a wesewá꞉ton;

Ne꞉ne Sák Rohiaton 2:5

Sewatahónsatat, tekanóron tewatenrosónhas! Ne tsi ionwentsiáte Rawenni꞉io sakohiatarákwen ne iakóten né꞉ne ahothiʼkwatséhake tsi nòkwa ne tewethákwen tánon nahathiʼiéna ne Rawenni꞉io Raonakerásera tsi nisakorahrastén꞉ni tsi nihiákon ne ronwanorónkwa.