Acts 2:11 - Ohiatonhseratokénti

¹¹ ratikwékon ne Sitaeró꞉nons ó꞉ni ne iáh tehatiʼsitaerónons ronateriwathénion Judaism non niʼshoʼnatiáthare, ótiakes ó꞉ni Crete tánon Arabia non nitionkwé꞉non—nók káti kwáh tewakwéʼkon ionkwathónʼte rothítare tsi nitewawenʼnótens tsi nihiorihowánens ne Rawenní꞉io tsi nihoieránion!”

Acts 2:11 ပူးပေါင်းရင်းမြစ်များ

1 Kings 10:15

thiká꞉te tsi nihonwakarhiakséhaʼkwe ne ronahthenhninonhseró꞉tons, tsi nihonatwistonhníhon tsi naʼtehonathatawíhon, tánon nowísta rotikarhiáktons ne Arabiaró꞉nons ronhtinonhtí꞉ios ó꞉ni ne ratikoráhsons ne Israerʼró꞉nonke wathonhontsáiens.

2 Chronicles 17:11

Ótiakes ne Philistiaró꞉nons tahonwaʼhawítaʼse ne Jehoshaphat iawetátʼtsani kawistarákens ó꞉ni oiáhsons niʼiohtáhnions atathawítseras, tánon ótiakes ne Arabiaró꞉nons 7,700 niháti teiotinakaronhtónʼa tahonwanaskwenhawíten tánon 7,700 niháti kaiatákeras.

2 Chronicles 26:7

Rawenni꞉io kíʼ wahosniénon tsi washakosénhni ne Philistiaró꞉nons, né Arabiaró꞉nons né꞉ne Gurbaal nón꞉we nihatinákere, ó꞉ni ne Meunró꞉nons.

Job Tánon ne Raoronhiakensera 9:10

raónha rohiò꞉thens ne iorihowá꞉nens ne iáh thahitewakwé꞉ni nahionkwahnikonraién꞉taʼne, tánon ne iorihwanerakwahté꞉nions né꞉ne iáh tewashé꞉tons.

Psalms 107:15

Ánion tehonwaʼnonhweráton ne Roiá꞉ner asèken ne tsi niʼiorihwaʼtóken ne raonó꞉ronhkwahtshera, asèken ne tsi niʼiorihwaʼneráhkwát tsi nisakohióthenhse nonkweshón꞉has.

Psalms 107:21

Ánion tehonwanonhwerá꞉ton ne Roiá꞉ner asèken ne tsi niʼiorihwaʼtóken ne raonoronhkwáhtshera, asèken ne tsi niʼiorihwaʼneráhkwát tsi nisakohióthenhse nonkweshón꞉has.

Psalms 107:8

Ánion tehonwaʼnonhweráton ne Roiá꞉ner asèken ne tsi niʼiorihwaʼtóken ne raonoronhkwáhtshera, asèken ne tsi niʼiorihwaʼneráhkwát tsi nisakohióthenhse nonkweshón꞉has.

Psalms 111:4

Né rahonhniáton ne iorihwanerakwathénions raoiothénseras nahiakehiáraʼke; ne Roiá꞉ner thorihwaʼiéri tánon rotanithenráts꞉kon.

Psalms 136:4

Rahonhatsíwa khók rohiótens ne tehiotenonhianítons iorihwanerakwahténions, asèken ne iorihwatóken raonoronhkwáhtshera tsi nénhwe enkátake;

Psalms 26:7

Iorakaréni tsi tewaʼkerihwá꞉kwen ne kanonweratónhtshera, tánon akwékon katrorhiánions ne sáwenk tehiotenonhianítons iorihwanerakwahthénions tsi nisaieránion.

Psalms 40:5

Wé꞉so iorihwáke tsi niskwahtseráse, Ó Saiá꞉ner onhkaʼNí꞉io, iáh ónhka nahonsaiesaiérenhke! Wé꞉so ne iorihwanerakwahténions tsi nisatenikonhrónh꞉ni nonkwarihwáʼke. Iáh nonwénhton tatkwéni nakwékon akatróri, né꞉ne tsi niiawetowánen iáh ónhka taiekwéni nahiónhsehte.

Psalms 71:17

Ó Sewenní꞉io kwáh siʼkeksʼsáha teskerihonhniénhni, tánon shé꞉kon nikherohrhiánions nonkweshón꞉ha ne iorihwanerakwaténions tsi nisatieránion.

Psalms 77:11

Kwáh ienskanontón꞉nionʼwe ne iorihwanerakwahténions, nètho Roiá꞉ner tsi nihoieránion ne tsiotohesthánion.

Psalms 78:4

Enhiatkhiró꞉ri ne iakhiʼienʼokónha; kwáh enhiatkhiró꞉ri nó꞉ia aterénhseras tsi nòkwah ne Roiá꞉ner raoʼsashaststénhsera tánon ne iorihowánens raohioténhseras tánon ne iorihwanerakwahthénions tsi nihotieránion.

Psalms 89:5

Ratikwékon né ratironhiakeró꞉nons tehotirihwáʼkwen ne iorihwaʼnerakwahténions tsi niséhra, Ó Saiá꞉ner, né ratironhiakeró꞉nons rontʼró꞉ris tsi nihonatkenhníson ne karonhiáke tsi nió꞉re tsi sarihwaʼtó꞉ken.

Psalms 96:3

Ietsiró꞉ri ne raoʼiataʼnerakwáhtshera nonkweʼshón꞉as, tsi nihiorihwaʼnerá꞉kwas ne raoʼioténhseras nonkwetaʼkwé꞉kon akorihwá꞉ke.

Exodus 15:11

“Saiá꞉ner, ónhka nó꞉ia ne niʼiohokónhas tahontahieʼsateʼnienténhste? Ónhka ahonsaʼhiesahié꞉renke, ioriwanerákwat iotoʼkénti? Ónhka ahiekwéni nahiakohióten ne ioriwanerákwat ó꞉ni ne kashatsʼtenseroʼwánens tsi nahiéʼiere tsi níse nishié꞉ra?

Isaiah 13:20

Kwáh kí iáh nonhwénton ónka thóh nón꞉we thahonsaienákerehke. Khés nahonsahaʼtiterónhthake tsi tahatinekwensatátie; ne Arabiaró꞉nons kwáh iah nonwénton thohʼnónhwe tahonsahonthatosehróten, ne teiotinakaronhtónhas sakotiʼnikónraʼre kwáh iáh thasakonón꞉nien ne raotiʼtshehnenókons thohʼnónwe nahonsakotenáskwahien.

Isaiah 21:13

Naʼteriwanhotáhtshera ne aorihwàke ne Arabia tsi ionhontsakwénhtare. Tsi iotkwirón꞉ni ne Arabia nón꞉we nenhshaʼthatíteron, Ó ne sewanenhrínes ne Dedanites.

Isaiah 25:1

Ó Saiá꞉ner, í꞉se ná꞉ke Ní꞉io í꞉ken; ní꞉i Kwáh enkonsenhnakaráthate, ní꞉i kwáh tenkonshennanerá꞉kwaʼte; asèken iorihwanerakwahténions tsi nisatieránion, tisatenonkónhni tsi nisheiatonhniánion tsi nahoténsons ne ionnhé꞉nions ne wahonhní꞉se tkènhne, iorihwatóken tánon tokenhskeʼónwe í꞉ken.

Isaiah 28:29

Néh kí꞉ken thóh nonhné꞉e niʼtewé꞉tha raonhàke ne Sakoiá꞉ner ronterí꞉ios ratiʼronhiakeró꞉nons; ne raónha kwáh í꞉ken tsi roiatanerákwat tsi ratiénhaiens, tánon ioianerehkó꞉wa natthokhátshera.

Jeremiah 3:2

Iaskenhénhion nonhothoharahkésons. Iáh kén kahnèka tehiokwénrahre kanónhwe ne étho ní꞉ioht tsi ahishatoriáneronke tsi ní꞉ioht ne iorihwahiatahtónʼon? Ohwahátʼtah wahshateráhrate nahsaskahrónni, tsi ní꞉ioht ne Arab teshakonenhrahiénnis ne kahráhkon nahshakonikonhráhten. Wahteshathonhontsiáʼshonste ne tsi nisharihwahiathathónʼon.

Acts 2:10

tánon Phrygia ó꞉ni Pamphylia, Egypt, tánon ó꞉ni tsi ionwentsiaʼkérons ne Libya ákta ne Cyrene. Onkwátiakes ó꞉ni Rome nónwe nitionkwénons,

Acts 2:12

Rothiriwaʼnerákwas ó꞉ni tehonanithonʼniénʼni, kwáh thoʼthikontákwen tehontateriwanonthón꞉nis, “Nahóten kí꞉ken kéntons?”

Acts 27:12

Nók ne tsi wathonwaientákwa iáh tekanakʼthí꞉io neh thóh nónwe nahtaiakoseríʼiake; sók kíʼ kwáh thóʼwa rathikwékon iathoʼtiriwaiéntase ne tahathiʼiáhiake tánon nahonteniénten ne Phoenix iahónʼnewe, tóhkaʼ iothónʼon, nehne thóh nónwe iatahononseríʼiake. Ne tsi ionrarhóstha ne Phoenix nehne Crete nónwe iotʼtakwaríshaton ne entiéne ne iatewatʼtsénthos tánon ne othoréke ne iatewatʼtsénthos.

Acts 27:13

Kénk nikawéra tsi thontásawen nehne entiéne nontáwe, neh roʼnónkwe wahónnere thóh nenhathíʼiere tsi nihonatenikonrónni, sók kíʼ sahonʼnóko ne iakoristhontiétha tánon kwáh kawenokwátʼtha ne Crete tsi ní꞉ioht tsi wahonthonwáreke ó꞉ni wahontʼtsiróten.

Acts 27:7

Kwáh íken tsi skenénha tsi niahakwahonhióntie tánon kwáh íken tsi tehionkwaniotátie kharekiʼónen iahákwaʼwe tkanátaien nehne Cnidus. Iáh tehiotónʼon niahonsahionkwatʼthónware sóhtsi thóh khó꞉ton ioweraʼsátsthe, sók kíʼ wahakwatewerahrénhosthe ákthe nakaweʼnokwáti ne Crete niahakwaonhióntie, wahakwatóhetste ne iohontsiakétote ne Salmone.

1 Corinthians 12:10

Ne Ronikonratokénti tionkwéta enteshahʼkáwen ne kashatsʼténsera ahiakoióten ne ioriwahnerákwa; nó꞉ia, nahtathawítshera né꞉ne ahionteriwahnóten ne Rawenni꞉io raoteriwahnothátshera; tánon shé꞉kon nó꞉ia, nahiekwéni nahiontróri tsi naʼtetsatʼtíhen nahtatawítshera ne Rawenní꞉ioke nitewéhtha tánon né iáh thóh nónwe tethewétha. Ne tiehiáta teshakówis naiekwéni ne thiʼwenhnásathe ahiontáti, tánon ne tiehiáta naiekwéni nahienikonrahiéntathe tsi nahóten wahton.

1 Corinthians 12:28

Ne tsi ionterennaientákwah Rawenni꞉io akwékon rokwahtákwen tsi nikentiokoténsons shakorohónton: né thonatierénton ronteriwahnótʼthas, ne tekeníhaton iehatiríwahkens, tánon nasénhaton sakotirihonniénnis; ehʼthóne tsi nikáien ne ioriwahneráhkwat tsi nihatí꞉ierah, ne tionóntere tsi nikáien ne tonwahnáwi ne kasatsténshera nahontétsenthe tóhkaʼ ó꞉ni nashakotiʼiénawaʼse nakorénsons tóhkaʼ ó꞉ni nashakotihéntense tóhkaʼ ó꞉ni thiʼwenhnásathe ahontáti.

Galatians 1:17

iáh ó꞉ni Jerusalem tiewakénon nakhehiatʼkénsera neh thoʼnatierénton ne rathikwekónne tsi ní꞉i ní꞉ioht. Khék, kwáh óksak Arabia nón niaháke, ethò꞉ne Damascus nionsá꞉ke.

Galatians 4:25

Tánon nónwa ne Jerusalem kwáh nehne aionontaráke ne Sinai thóh nón ne Arabia, iakonaskónni nahonkwetaʼsónhas.

Titus 1:12

Kwáh né꞉ne Crete nahahiatóten꞉ne, né꞉ne sahiáta rahonnonkwetaʼkén꞉en ne rohthokénsekwe, norihwí꞉io tsi nahóten ráhwen, “Ne Crete nonwe tiotkonʼónwe rohtinó꞉wens, karhiotátsens, tánon ronnentórah ronthenenhiá꞉rons.” Ne kí aoríwa kwá ioníronk tsi ietʼtsihiatewennaiéntonf, thóh nahontáwe ahonatakarítheke tsi ahontahonʼnetakwénhake

Titus 1:5

Tkonʼhiatkáwen ne Crete nónwe, ne nahónton ahseriwahkwatáko tsi nahoténsons shé꞉kon tehiothonwentióʼon kén niakaiéren tánon sehrihónten ne rathiretiárons nononsatokentíke né kwáh tsi niatekanátakes. Sehiárak tsi nikonróhris:

Hebrews 2:4

Kwáh tóh nikaháwi ne Rawenni꞉io iaháieste ne rahorihwahnirátʼtshera ne rononháke tsi nahatiʼieriánion ne iorihwahnerakwahténions ó꞉ni ne ionerákwat tánon tsi nataréniaʼte ne atathawíhtsheras ne Roʼnikonratokénti tsi nitohnikonriʼióʼon.