Acts 19:2 - Ohiatonhseratokénti

² tánon wasakoriwanóntonse, “Wahʼtsisewahiatórenʼne ken ne Ronikonratokénti nónen sontesewéhthakwe?” “Akwékon iáh nonwénton tetionkwariwarónken nakaiéntake ne Ronikonratokénti,” wahtathiriwaseráko.

Acts 19:2 ပူးပေါင်းရင်းမြစ်များ

John 7:39

(Neh rentonhakȣe, tsihenshakotienhase ne Rotkon Ronikonriioston tsini iakon tiakaȣetakon ne raonhake: Aseken arekoki shitonȣatkaȣen ne Rotkon Roiatatokenti, ne tsi areko tehoronhiakenserentaon ne Iesos.)

Acts 10:44

Tsi náhe sékon ne Tiér rotretiáronkwe, ne Ronikonratokén꞉ti wasakohiatórenʼne tsi nihiákon iakotahónsate tsi rotheriwanóthe.

Acts 19:5

Neh sahónronke kí꞉ken, wahontenekwáheste thóh rahosénʼnakon ne Roiá꞉ner Ié꞉sos.

Acts 2:17

‘Kén kí néntiere nonàken entewenniseraténionʼke, ráthon ne Rawenni꞉io: kwáh entkawé꞉ron nakeshatsténhsera onkweʼtakwé꞉kon ahiakó꞉rane; né꞉ne sanekenteronhtsheraʼshón꞉as tánon ne sehioʼokón꞉as tionathonhwí꞉sens kwáh kí ienhatiriwakénhseke, ne ken nithotihónsas tionkweʼtashón꞉as thenʼonatieronhniónhase, tánon ne tionkweʼtashón꞉as ne thotí꞉ions kwáh enhonathetsenhá꞉ton naʼtetsénhseras.

Romans 1:11

Kwáh íken tsi tewakatonhontióni nakwáken. Thoʼnahóntawe skátne ne karihwiʼiostontsherákon tsi aihtewathonʼnáren nehne aihsewahsátstenʼne.

1 Corinthians 6:19

Iáh kén tesewateriéntare ne sewahiéronke né꞉ne raononsatokénti ne Ronikonratokénti, ne tionháke nónwe nihénteron tánon né꞉ne Rawenni꞉io tsi sewáhwi? Iáh í꞉se tesewahiatakweʼní꞉io ók kwáh Rawenni꞉io khók;

Galatians 3:5

Thiáwis kén ne Rawenni꞉io ne rahosatsténsera ne Ronikonratokénti tánon neh ahisahióten ne ioriwanerakwaténions tsi natesewátere tsioríhwa tsi thóh nisewaiéra tsi nikariwanóntons ne kaianerénsera kátonken neh tsi sewát꞉konte ne kariwí꞉ios tánon tesewétakwe

1 Samuel 3:7

Nón꞉wa ne Samuel arèko shiʼhoientéri ne Roiá꞉ner, tánon ne raowénhna ne Roiá꞉ner iáh arèko shiʼhonwarihotashiénhni ne raonháke.