1 Kór tánon ne Silas wathatáwenre tsi iahiathó꞉hetste ne Amphipolis ó꞉ni ne Apollonia tánon hiahánewe ne Thessalonica, neh thóh nónwe nikanonshótakwe ne Sitaeró꞉nons ronterennaientákwa.
Kwáh neh sáka tsi thóh naháwenʼne neh nón Iconium tsi nitsawén꞉en ne Antioch nehne Pisidia nónwe: ne Kór tánon ne Barnabas ononsatokentíke niaháne tánon kwáh tahiateweniénton tsi wahiatáti neh wakarihónni kwáh ronatsiokowánen ne Sitaeró꞉nons ó꞉ni ne iáh tehatiʼsitaeʼró꞉nons tahonnétakwe.
Asèken ne Mahís raoianerénsera wahónnise shiʼiotewennanóte nononsatokentíke kwáh niaʼtewéntake nawentathokentíke, tánon ne raowennaókons kwáh tsi niaʼtekanátake tsi wateriwanóte.”
Neh nónwe, nonkwesónhas sénha ne rontenikonrakthókhas tsi ní꞉ioht ne Thessalonica. Kwáh thoʼthinikonrakontákwen tsi rontahónsahtats nateriwanothátsera, tánon kwáh niaʼtewenniseráke tsi ronteweiénstha noiatonseratokénti neh nahothithókenʼse tóhka kén thóʼkenske tsi nahóten ráton ne Kór.
Nók ne Sitaeró꞉nons neh Thessalonica nónwe nihatinákere sahatiriwáronke ne Kór tsi roteriwanóte ó꞉ni ne Rawenni꞉io rahowénna ne Berea nónwe, thóh wahónʼnete tánon tahontásawen wathonwanahnonwarawénriaʼte ó꞉ni wahonwatitsiʼriónnien ne onkwesónhas nehne ahonnitsionʼkónni ne kenʼtiokwák꞉sen.
Sopater nehne Pyrrhus roiénha, Berea non nihanákere, neh wahiaterósen; tánon ó꞉ni ne Aristarchus ó꞉ni ne Secundus, nehne Thessalonica non nihanákere; Gaius nehne Derbe nihtawénon; Tychicus ó꞉ni ne Trophimus, tho nithonenon tsi watonhontsaien ne Asia; ó꞉ni ne Timothy.
Kór, Silas, tánon Timothy nón nitsawénon— Ne onkwesónha ne tiakawetákwen ne Thessalonica nónwe, tsi nihiákon ne Rawenni꞉io ne Kanísera rahonkwetaʼsónhas ó꞉ni ne Roiá꞉ner Ié꞉sos Kerístos: Ne kenténrat ó꞉ni ne skénnon aisewahwenkónweke.
Ne Demas wahanóronkwe ne kén ionwentsiáte tánon wahakatewéntethe, Thessalonica niaháre. Ne Crescens Galatia neh niaháre, tánon ne Titus Dalmatia ne niaháre.