Acts 16:4 - Ohiatonhseratokénti

⁴ Tsi niaháne ne tsi kanataiéntons, wahonwathironkáten ne thonethákwens tsi nikaianerenserótens ne ronteriwanótʼtas ó꞉ni ne rathiretiárons iatehothiriwaiéntaʼse thóh nónwe ne Jerusalem, tánon wahonwathiróri nahontewénnarakwe kí꞉ken kaianerénseras.

Acts 16:4 ပူးပေါင်းရင်းမြစ်များ

Acts 11:30

Thóh káti nahatíʼiere, ehʼthóhʼne, iahonwanateʼniénten nowísta ne rathiretsiárons ne tsi tsionterennaienthákwa Barnabas tánon Saul hianíhawe.

Acts 15:2

Kór tánon ne Barnabas kwáh éhʼtho tsi natathiriwatirónten kíʼ nahorihóten, sók kíʼ iatkariwaiéntaʼne ne Kór tánon ne Barnabas tánon ó꞉ni tóhka niháti neh nónwe ne Antioch nihatinákere Jerusalem nieʼhónne ronwanatʼkénsera ne ronteriwanótʼtha ó꞉ni ne rathiretsiárons rahthiriwisákʼkha kí꞉ken nahorihóten.

Acts 15:4

Siahónnewe ne Jerusalem, thon tahonwanaróhton ne rotiriwiʼióstons, nehne ronteriwanótʼthas, ó꞉ni ne ratiretsárons, tánon ne Kór ó꞉ni ne Barnabas kwáh oriwakwékon wahiatʼróri tsi nahóten sakohiotenseráwi ne Rawenni꞉io.

Acts 15:6

Ne ronteriwanótʼtha ó꞉ni ne rathiretsárons wahontʼkennísa nahatikenʼénʼion kí꞉ken oríhwa.