Acts 15:5 - Ohiatonhseratokénti

⁵ Nók tóhka niháti ne thoʼnetákwens nehne Pharisees raotiʼtiókwakon non nihatihiátare wahtathítaʼne tánon wahonníron, “Ne iáh tehatiʼsitaeʼró꞉nons ónenk tsi enhonthewarakwétaron tánon enkaroríhake nahontewénnarakwe ne Mahís raoianerénsera.”

Acts 15:5 ပူးပေါင်းရင်းမြစ်များ

Matthew 3:7

Nok tanon ȣasakoken Kentiokoȣanen, ne Pharisien, oni Sadusean ratiriȣanontons aontenekȣaeste, ȣasakaȣenhase: Kaȣatsiraksenskȣa! Onka ietsirori naeseȣatekȣase ne Niio raonakȣensera?

Acts 15:1

Tóhka niháti ronnónkwe Judea nontahónne tánon Antioch niahónne tánon tahontásawen wasakotirihónnien ne iakoriwiʼióstons, “Iáh tahónton nahonsehsewaniákenne tóhka iáh tesewatewarakwétaron tsi nikariwanóntons ne Mahís raoianerénsera.”

Acts 15:24

Wahakwariwáronke ónkak tsi niháti nonkwentiókwakon thóh niehonéhnon tánon watsiʼtsinikonráren ó꞉ni wahitsinikonrakaréwaʼte tsi nahóten wahonníron; kwáh iáh thènen tehiakiriwáwi neh thóh nahatíʼiere.

Acts 21:20

Nónen sahonwatahonsatáko, ratikwékon waʼthonwanonweráton ne Rawenni꞉io. Ehʼthóhʼne wahonníron, “Tewatatéken Kór, satʼkáthos thóh naʼtewenniawehetserásen nihiákon ne Sitaeró꞉nons taʼiakétakwe, tánon tsi nihathiriwakweniénstha ne kahianerénsera.

Acts 24:14

Ken kíʼ nahóten enkeriwanírate ne sahénton: Neh risénnaiens ne Rawenni꞉io tsi nikáien ne ietʼthisotʼthonkonkén꞉en ronwasénnaienskwe, tsi íkʼsere tsi nihónen tóhsa tasétat nahóten ne iáh thóʼkenskeʼ tèken. Nók kíʼ akwékon tewaketákwen tsi nikaiáton ne Mahís rahoianerenserákon ó꞉ni tsi nihotihiatónnion ne roʼnatiatatʼkonkwe.

Acts 24:5

Wahʼsakwahiatatʼtsénri kí꞉ken rónkwe kwáh íken tsi iót꞉teron tsi ní꞉ioht tsi rotakónta; kwáh owentsiakwékon tsi sakotsironniénnis ne Sitaeró꞉nons tánon raónha sakohéntense ne Nazarenes kentiókwa.

Acts 28:22

Nók ahiakwanónwe꞉ne nahionkwatókense onhnisanikonrótens, tsoríhwa ionkwateriéntare kwáh tsik nonwésons nonkwesónhas iakóthare iáh teiehtiokwanónwes tsi nónwe nishátare.”

Acts 5:17

Ehʼthóhʼne ne Rathitsihensthowánens ó꞉ni ratikwékon ne rontenrosónhas, ó꞉ni neh thóh ákta ratinákereʼkwe nehne Sadducees, watewatenónʼianiʼte tsi nahonwathiʼnósa ne rathikwekónʼne; sók kíʼ hiathoʼtiriwaiéntaʼse ne knahatíʼiere.

1 Corinthians 7:18

Tóhka ne rónkwe ronwahwarahkwétaron tánon wahaiéna tsi nihónas ne Rawenni꞉io, tóhsa rahteniénten nahonshahatónten tsi ronwahwarakwétaron; tóhkaʼ iáh tehonwahwarakwétaron ne rónkwe tánon wahaiéna tsi nihónas ne Rawenni꞉io, tóhsa kíʼ ratewahrakwétaron.

Galatians 2:11

Nók nónen ne Tiér siahanatarénen ne Antioch, tahiwennóko akohénton ne tiakawetákwen, “Tsioríhwa wataterientawénrie tsi naháiere.”

Galatians 2:14

Sakatʼkátho tsi iáh tehathísereʼne ne iotʼthahakwarísion ne oriwiʼiohhónwe ne kariwí꞉ios, waiʼhiénhase ne Tiér rahothihénton ne thonʼnethákwens, “Sasitaerónon tsi sanakeráton, shatiakwarísion ne Sitaeró꞉non rahotiʼianerénseras nók kíʼ thóh ní꞉ioht tsi sónnhe tsi ní꞉ioht ne iáh tehatisitaerónnon, onhkáti niʼiohtséren tsi satheniéntʼtha nasehiónʼnien kí꞉ken iáh tehatisitaerónons nahontewénnaraʼkwe ne Sitaeró꞉nons rahotiʼianerénsera neh níse satewentéton?”