Acts 15:4 - Ohiatonhseratokénti

⁴ Siahónnewe ne Jerusalem, thon tahonwanaróhton ne rotiriwiʼióstons, nehne ronteriwanótʼthas, ó꞉ni ne ratiretsárons, tánon ne Kór ó꞉ni ne Barnabas kwáh oriwakwékon wahiatʼróri tsi nahóten sakohiotenseráwi ne Rawenni꞉io.

Acts 15:4 ပူးပေါင်းရင်းမြစ်များ

Matthew 10:40

Onka tenhiahrhoton, tenhakarhoton; nok ne tenhakarhoton tenhorton ki ne takatennieton.

Acts 11:30

Thóh káti nahatíʼiere, ehʼthóhʼne, iahonwanateʼniénten nowísta ne rathiretsiárons ne tsi tsionterennaienthákwa Barnabas tánon Saul hianíhawe.

Acts 14:27

Hiahánewe ne Antioch, wasakothihiataróhroke nonkwesónha nononsatokentíke tánon wasakotiróhri tsi nahoténsons ne Rawenni꞉io wahsakohioténseron nahothihióten tánon ó꞉ni tsi nasakohahónnien ne iáh tehatiʼsitaeʼró꞉nons onhnaʼiáwenne nahontahonʼnétakwe.

Acts 15:12

Kwáh kanenrakwékon sakʼtahontatónni tsi wahonwanatahónsathaʼte ne Barnabas tánon ne Kór wahhiatʼroriánion ne ioriwanerakwathénions ó꞉ni ne ionerákwas ne Rawenni꞉io tsi nahaieránion tsi wasakoiénawaʼse nahonateriwaténtsiaʼse tsi nónwe nihathinákere ne iáh tehatiʼsitaeʼró꞉nons.

Acts 15:2

Kór tánon ne Barnabas kwáh éhʼtho tsi natathiriwatirónten kíʼ nahorihóten, sók kíʼ iatkariwaiéntaʼne ne Kór tánon ne Barnabas tánon ó꞉ni tóhka niháti neh nónwe ne Antioch nihatinákere Jerusalem nieʼhónne ronwanatʼkénsera ne ronteriwanótʼtha ó꞉ni ne rathiretsiárons rahthiriwisákʼkha kí꞉ken nahorihóten.

Acts 15:22

Ethò꞉ne ne ronteriwanót꞉thas ó꞉ni ne rathiretiárons, kwáh kanenrakwékon, tsi hiathotiriwaiéntase nónkak ronnónkwe ahonwathihiataráko tsi nihotitiókwa tánon Antioch iahonwanatóri skátke ne Kór tánon ne Barnabas. Tenihiáse wahonwathihiataráko nehne kwáh éhneken tsi nihonwathikweniénstha ne thonnetákwen, Judas, neh ronwanathónkwa ne Barsabbas, tánon ne Silas,

Acts 15:3

Nehne iakoriwiʼióstons iehonwanatheniéton; tánon tsi hiathiatawénrie ne Phoenicia ó꞉ni ne Samaria, wahiatʼróri tsi ní꞉ioht ne iáh tehatiʼsitaeʼró꞉nons tsi tahonwétakwe ne Rawenni꞉io; tsi wahatiriwáhronke tahiakáwen ne kowáhnen atʼtsennonʼniátsera ne thoʼnehthákwens.

Acts 15:6

Ne ronteriwanótʼtha ó꞉ni ne rathiretsárons wahontʼkennísa nahatikenʼénʼion kí꞉ken oríhwa.

Acts 16:4

Tsi niaháne ne tsi kanataiéntons, wahonwathironkáten ne thonethákwens tsi nikaianerenserótens ne ronteriwanótʼtas ó꞉ni ne rathiretiárons iatehothiriwaiéntaʼse thóh nónwe ne Jerusalem, tánon wahonwathiróri nahontewénnarakwe kí꞉ken kaianerénseras.

Acts 18:27

Ne Apollos iathoʼriwaiéntase ne Achaia nón niáre, sók kíʼ ne rohthiriwiʼióstons ne Ephesus nónwe iahonwanikonrárehke tsi hiasakothiʼiáthonse ne rothiriwiʼióstons ne Achaia nónwe, ronwathiretsiárons ne tahonwaróton nónen iénrawe. Siahárawe, kwáh íken tsi kowánen wasakoiénawaʼse tsi nihiákon ne tiakawethákwen rahonháke ne Ié꞉sos tsioríhwa ne Rawenni꞉io tsi nióre tsi ioiánere tsi nisakotseraséhakwe.

Acts 21:17

Shahákwaʼwe ne Jerusalem, ne thoʼnetákwen kwáh íken tsi watsionkihiaróhton.

Acts 21:19

Kór wahtesakonónweron tánon akwékon wahatʼróri tsi nahoténsons ne Rawenni꞉io rohioténʼen ne rahonháke tsi nókwa ne iáh tehatiʼsitaeʼró꞉nons.

Romans 15:18

Entewakenikonrahkontákwen ó꞉ni nek khók enkatróri tsi nihoiéren ne Kerístos nakonháke nakheiasáriʼne ne iáhʼtehatiʼsitaeronons neh꞉ne ahonwawénnaraʼkwe ne Rawenni꞉io. Neh iorihónʼni tsi nikawennhóten wakathatíhon ó꞉ni nakeweiénʼna,

Romans 15:7

Tesewatatʼkweniénstak, etʼthóhʼne, káti, kwáh tsi ní꞉ioht ne Kerístos tsi ehtsisewakweniénston; thóh nasewáier ehnahontáwe nonkwesónha tahonwanonweráthon ne Rawenni꞉io.

1 Corinthians 15:10

Ónk né tsi Rawenni꞉io raoténrat thóh nitiatóten tsi kíʼ nitiatóten, tánon ne kenténrat tahkáwi iáh tehioiesháhon. Khèʼkok, sénha wahkakwísron tsi ontióten tsi ní꞉ioht ne rohnáhtiakes ne ratikwekónne, éhʼtho sáne iáh í꞉i thóh tewákʼshon, ónk né꞉ne Rawenni꞉io raoténrat tsi ioiotáties nahkónhahke.

2 Corinthians 5:19

Tsi nahò꞉ten iakwén꞉tons ne Rawenni꞉io nikwékon ne Kerístos shakowískwe ne skén꞉nen ó꞉ni naonsahshakoʼnikónhrenʼse ne kén꞉ʼen ronnonhontsaʼkehró꞉non. Nok í꞉ʼi shonkwaioʼtenhserá꞉wi ne aiehthiiohetstháhse ne raoterihwahnotáhtshera tsi nonkwá ne skén꞉nen.

2 Corinthians 6:1

Skátne ionkwaióʼte ne Rawenni꞉io, kwaʼnekén꞉nis káti naisewaniáhese ne raotennitenráhtsera.

Colossians 4:10

Ne Aristarchus, skátke iakehninó꞉ton, tetsisewanonwerá꞉tons, tánon ne Mark, né꞉ne Barnabas ronarahséha. (Ó꞉nenk sewariwahienté꞉ri tsi tatsisewaró꞉ton ne Mark tóhka thóh nokwáh niéh꞉re.)

2 Sawátis 1:10

Ne káti, nónkak taiesaiatónko ne iáh tehathihá꞉wi kí꞉ken karihonniennítsera, tóhsa iahetsiʼiathíniont ne sewanónskon; akwé꞉kon tohsa sewénron “Senikwekónhak ne Skén꞉nen.”