Acts 15:3 - Ohiatonhseratokénti

³ Nehne iakoriwiʼióstons iehonwanatheniéton; tánon tsi hiathiatawénrie ne Phoenicia ó꞉ni ne Samaria, wahiatʼróri tsi ní꞉ioht ne iáh tehatiʼsitaeʼró꞉nons tsi tahonwétakwe ne Rawenni꞉io; tsi wahatiriwáhronke tahiakáwen ne kowáhnen atʼtsennonʼniátsera ne thoʼnehthákwens.

Acts 15:3 ပူးပေါင်းရင်းမြစ်များ

Luke 15:32

Teiotonȣentsiohonne ki aiontennioten oni aiontonnharen, neh kehiken ehtsekenha raȣenheionne, nok shotonnhetonhatie; rotiatatonhonne, nok onen saraȣe.

Acts 1:15

Tohkára nónta onakènʼke wahontʼkenʼnísa ne thoʼnethákwens, kakʼnon ne énskat tewenʼniáwe tánon tewásen nihátikwe, tánon ne Tiér wahthátaʼne nahatáti.

Acts 13:48

Nónen ne iáh tehatiʼsitaeʼró꞉nons sahonatʼthóntene kí꞉ken, wahontʼtsennónni ó꞉ni wathontenonweráton ne Roiá꞉ner rahowennahókons; tánon tsi nihiákon ne tionthatáwi ne ionnheʼónwe atónnnhes tahiakétakwe.

Acts 13:52

Ne iakoriwiʼióstons neh nònne Antioch kwáh iakotonʼnáhere ó꞉ni ne Ronikonriiostokwáh iehiatanánon ne Ronikonratokénti.

Acts 14:27

Hiahánewe ne Antioch, wasakothihiataróhroke nonkwesónha nononsatokentíke tánon wasakotiróhri tsi nahoténsons ne Rawenni꞉io wahsakohioténseron nahothihióten tánon ó꞉ni tsi nasakohahónnien ne iáh tehatiʼsitaeʼró꞉nons onhnaʼiáwenne nahontahonʼnétakwe.

Acts 15:1

Tóhka niháti ronnónkwe Judea nontahónne tánon Antioch niahónne tánon tahontásawen wasakotirihónnien ne iakoriwiʼióstons, “Iáh tahónton nahonsehsewaniákenne tóhka iáh tesewatewarakwétaron tsi nikariwanóntons ne Mahís raoianerénsera.”

Acts 15:12

Kwáh kanenrakwékon sakʼtahontatónni tsi wahonwanatahónsathaʼte ne Barnabas tánon ne Kór wahhiatʼroriánion ne ioriwanerakwathénions ó꞉ni ne ionerákwas ne Rawenni꞉io tsi nahaieránion tsi wasakoiénawaʼse nahonateriwaténtsiaʼse tsi nónwe nihathinákere ne iáh tehatiʼsitaeʼró꞉nons.

Acts 15:22

Ethò꞉ne ne ronteriwanót꞉thas ó꞉ni ne rathiretiárons, kwáh kanenrakwékon, tsi hiathotiriwaiéntase nónkak ronnónkwe ahonwathihiataráko tsi nihotitiókwa tánon Antioch iahonwanatóri skátke ne Kór tánon ne Barnabas. Tenihiáse wahonwathihiataráko nehne kwáh éhneken tsi nihonwathikweniénstha ne thonnetákwen, Judas, neh ronwanathónkwa ne Barsabbas, tánon ne Silas,

Acts 15:32

Judas tánon ne Silas, rohnónha ó꞉ni ne ieniriwákens, kwáh karíhwes tsi skátʼne wahathitsiénhaien, wasakotinikonraníraʼte ó꞉ni wasakothisatsténseron.

Acts 15:4

Siahónnewe ne Jerusalem, thon tahonwanaróhton ne rotiriwiʼióstons, nehne ronteriwanótʼthas, ó꞉ni ne ratiretsárons, tánon ne Kór ó꞉ni ne Barnabas kwáh oriwakwékon wahiatʼróri tsi nahóten sakohiotenseráwi ne Rawenni꞉io.

Acts 17:15

Ne roʼnónkwe ne wahonwarískote ne Kór tsi wahontʼtsiróten, tsi nióre ne Athens, sók neh Berea nionʼsahón꞉ne ne Kór ionsahsakoriwánieʼte, ne Silas ó꞉ni ne Timothy kwáh tsi niʼiostóre nahónton tsi skátʼke ahonsahónton.

Acts 20:38

Kwáh íken tsi thóh thiʼnikonrén꞉en tsioríhwa tsi wahénron iáh nonwénton sékon tahonsahonwáken. Sók kíʼ skátʼke niahónʼne tsi nióre tkahonʼhiónthe.

Acts 21:5

Nónk nónen shakáhewe ne tahonsaiakwatetʼkhá꞉si, sók kíʼ thonsaiakwatʼtáhakwe. Rathikwékon, ó꞉ni ne rontatʼronahasónhas ó꞉ni ne sakothiʼioʼokónhas, wahakwaterósen tsi sahiakwaiákenʼne ne kanátakon atsiákʼtha niaʼhákwe, thóh nónwe iakwakwékon watsiakwatentʼtsóten tánon wahakwaterénnaien.

Acts 28:15

Ne thonetákwens sahonkhisennáronke, thóh nióre nontahonné꞉seron neh Tiontʼkerontákwas ne Appius ó꞉ni Náhsen Niʼioswenkarentónnions ne tahiakwatátʼken. Nónen ne Kór sahsakóken, wathononwerá꞉ton ne Rawenni꞉io ó꞉ni kwáh íken tsi kowánen wahonikonrahníraʼne.

Acts 8:14

Ne ratikweʼkónʼne thoʼnónwe ne Jerusalem wahatiriwáronke Samariaró꞉nons wahatiʼiéna ne Rawenni꞉io rahowén꞉na, sók kíʼ Tiér tánon Sáwatis iahonwanatóri.

Romans 15:24

Ónen káti aiáwens ehnaiáwenʼne. Tsi ní꞉ioht ne iakatʼtakwaríshaʼte ne Spain, tewakathonwentió꞉ni ne iatátʼtaʼne iakatketótaʼtse nohénton ne Spain niáke, tánon naskwaiénawaʼse ne thóhʼnon niáke, neh kíʼ nónen ienʼkwa ken nikariwésha ienkwanatarénaʼse.

1 Corinthians 16:11

Iáh tatheiotonwenhtióʼon nónka ahonwahkénron, ónk ónenk tsi entsisewahiénahwaʼse niahatasónteren tsi rahthahíne ne skénnen, ne káti nahónton í꞉i ne nahtahóntareh; Asèken rìhʼrareh ne thonetákwen skátʼke ahonsahónton.

1 Corinthians 16:6

Ónenk tóhkaʼ nónwah kwáh thóh tsi nikaríwes thóh ienkiteróntahke, tóhkaʼ nónwah oserahkwékon, tánon thóh꞉ne enskwahsniénon iaʼkatasónteren tsi katʼthahíne, kwáh tsi nónwe nó꞉ia nónwe niahonsáhke.

2 Corinthians 1:16

Énska tsi niewaké꞉non ne Macedonia tánon shé꞉kon tsi naʼtetewaké꞉non ne tho nón꞉we. Eh thó꞉ne enwá꞉ton ne Judea nón꞉we iaonsaskwatenniéhte.

Titus 3:13

Iatesewahtátʼtiahat natsisewasniénon ne tehariwakénas Zenas ó꞉ni ne Apollos nahontahiatásawen thahiatʼtáhakwe, tánon kwáh sewákʼkens niatakaiérike tsi nahoténshon taonathonwentiónike.