Acts 14:3 - Ohiatonhseratokénti

³ Ne iateriwanótʼtha kwáh karíhwes thoʼnónwe ieniteróntakwe, kwáh rotiriwaníron tsi Roiá꞉ner ronwatarákwen, raónha wasakoriwaníratʼtse tsi orihwí꞉io íken ne rahonateriwanothátsera ne kénteron neh tsi tasakáwen ne kasatsʼténsera ne éhʼtho naiawénseron ne ioriwanerakwathénions ó꞉ni ne ionerákwat.

Acts 14:3 ပူးပေါင်းရင်းမြစ်များ

St. Mark 16:20

Nok ne rononha, Sahontenti ȣasakotirionniennira oktiȣakȣekon, nok ne Roianer sakohienaȣasehaties, nok ioriȣanerakȣatenions rariȣanirastakȣe ne raotiȣenna. Amen!

John 4:48

Tahenron ne Iesos: Katiken oni nise entiseȣetakȣe noiah tenhseȣatkatosere ne ioriȣanerakȣat.

Acts 13:46

Nók ne Kór tánon ne Barnabas onensénha wahiatewennanírate tsi wahiatáti: “Kwáh tehiothonwentióhonne ne í꞉se ahontesewatierénton naʼietsiʼhiaronkaténni ne Rawenni꞉io rahowénna. Nók kiʼ tsi wesewakénron ó꞉ni í꞉se wesewatatréwate ne tsi iáh tsiatekaiéri tsi nisewahiáneren naisewaiéna ne ionnheʼónwe atónʼnhets, enskwatewéntethe káti tánon nehne iáh tehatisitaerónon nonʼnientsiákeʼne.

Acts 2:22

“Sewatahónsatat kí꞉ken owennasónhas, neh sewahʼIsraerónons! Ié꞉sos ne Nazarethʼronon nahahiathótenʼne neh Rawenni꞉io kwáh tehióskwatʼte tsiʼsewenestén꞉ni ne ioriwanerakwathénions ó꞉ni sewatʼkáton, tsi rahonháke ne Ié꞉sos non nihohiotátiesʼkwe. Kwáh hiatesewahiá꞉ti sewateriéntare kí꞉ken nahorihótens, asèken kwáh kén꞉en tsi natesewátere éhʼtho niʼiawén꞉en.

Acts 20:24

Kheʼrenkátiʼken ni꞉i tsi kónʼnhe iáh thé꞉nen satèkena tèken; nek khók níhkere ne hiatakókʼten ó꞉ni niákʼsa kíʼ ken kahioténsera tsi nithakáwi ne Roiá꞉ner Ié꞉sos, nahkateriwatsʼtéristhe, nehne akatʼróhri ne kariwí꞉ios nehne tsi nithoriwaiéri ne Rawenni꞉io tsi nókwa nonkwesónhas.

Acts 20:32

“Tánon nonakènkha nateriwanothátsera ne tsi nithoriwaiéri ne Rawenni꞉io ne shonháke ne ensatenʼnikonráren, neh enkakwéni naisahsasténseron ó꞉ni enthíson ne kahiataterítseras tsi nitesakówis ne Rawenni꞉io rahonkwetaʼsónhas.

Acts 4:31

Nónen sahatísa tsi ronaterenʼnaiénthaʼkwe, tsi nónwe nihonatʼkennisehónʼne tehiowisʼshónkwa. Kwáh rathikwékon wahatihiatánaʼne ne Ronikonratokénti ó꞉ni tahontásawen nahontróri ne Rawení꞉io rahoteriwahnothátsera kwáh rotinikonrahníron.

Acts 5:32

Í꞉i hiakwatʼróris kiʼnahorihoténsons—í꞉i tánon ne Ronikonratokénti, neh꞉ne Rawení꞉io tesakówis tsi nihiákon nenʼhonwaʼwénnaraʼkwe.”

Romans 1:16

Asèken iáh tekatéhense ne kariwiʼiósthotsera; neh ne raotsténsera íken ne Rawenni꞉io ne naʼkoʼienawahséntsera nonkweʼtakwékon ne iakóien tewetáhkwen, ne ne ratisitaʼero꞉nons entʼthontiérenhte ethoʼne ne iáh tehatisitaeronons.

1 Thessalonians 2:2

Sewahteriéntare ónenk ionkihiatʼkontáʼon ó꞉ni ionkinikonratsáton ne Philippi nónwe nohénton niséke niaiákwe né꞉ne Thessalonica nónwe. Tánon kíʼ-ó꞉ni iawerohátsien tsi wéso totiriwahrékwen, nonkwaNí꞉io tashóntion ne kanikonranirátʼtshera naiakwatʼróri ne kariwí꞉ios tsi nitewétha ne rahonháke.

Hebrews 2:4

Kwáh tóh nikaháwi ne Rawenni꞉io iaháieste ne rahorihwahnirátʼtshera ne rononháke tsi nahatiʼieriánion ne iorihwahnerakwahténions ó꞉ni ne ionerákwat tánon tsi nataréniaʼte ne atathawíhtsheras ne Roʼnikonratokénti tsi nitohnikonriʼióʼon.