Acts 13:2 - Ohiatonhseratokénti

² Tsi nikaríwes ronaterenʼnaiéntakwe rahonháke ne Roiá꞉ner ó꞉ni ronentontiéton, ne Ronikonratokénti wasakawénhaʼse, “Tesewatetʼkháshion ne Barnabas tánon ne Saul nì꞉i akeriwáke, neh nahotihióten tsi nikhehiatarákwen.”

Acts 13:2 ပူးပေါင်းရင်းမြစ်များ

1 Chronicles 16:4

Né Táwit tó꞉ka nihá꞉ti ne Leviró꞉nons washakoiataráko naʼhonterihwatsʼtérisʼte tsi ahonterénhnaien rahonháke ne Roiá꞉ner, ne sakoʼNí꞉io Nisraeʼró꞉nons, né thóh ohénton Naʼterihwaseronhniátshera tsi kaneró꞉kwahien, né tsi tenhatirihwaʼkwáhnion ó꞉ni tsi naʼtenhonwanonwerónhnion.

Daniel 9:3

Onkentóntiehte, ká꞉iare waʼkatsheronniáʼton, tánon ne waʼkenhrontákwen wahkatathakenráh꞉ko. Tánon iaʼtewakonniá꞉ton wakaterénnaien riianitenhtá꞉se ne Roiá꞉ner Rawenni꞉io.

Matthew 17:21

Nok tanon kehiken nikannroten, akȣa neneh aterennaient, tanon aȣentontieton ok entsioiatinekenȣe neh niȣatkonseroten.

Matthew 6:16

Nok nenseȣentontiete, tosa tenseȣatkonsastaren tsinihatiierha ne Kaianeren ronatkonȣaroron, nʼia-taonsahatiierkenhaʼsʼ akȣekon aionttok tsi ronentontieton. Oriȣiio tsi kȣarori tsi iehatiiatentatha.

Matthew 9:38

Hetsiseȣennitentas kati ne Rahetakȣeniio ahontasakotori kannhatesra tsi rohetaien.

Luke 10:1

Ethone are onen ne Roianer sasakoiatarako tsiatak nihatiiatasen nok teionkȣetakehatie tsi iasakotori tsi kanataienton tsi oni nonȣe neraonha niienhenre.

Luke 2:37

Onen neh nahoten satekon niioserasen nok kaieri tsinahe siiotereons; Ononsatokentike titkanakerekȣe, aȣentakon aterennaientatserakon oni tsi rosennaiens ne Niio.

Acts 10:19

Tiér sékon neh nihatheniéntha nahonikonraiéntaʼne nahóten kéntons tsi nahóten rotʼkáthon, nónen ne Ronikonratokénti sahénron, “Satahónsatat! Ásen niháti ronónkwe kén꞉en rónʼnes iesahiathísaks.

Acts 10:30

Wahénron ne Cornelius, “Ne kíʼ ne káknon neh kaiériʼnónta tsináhe wakaterenʼnaiéntakwe nakenónskon ne ásen nitiowistáhe iothohestonnéntie. Thontaiawénstsi rónkwe tehiostarátʼthe roktseronʼniáton akʼkénton wahtáthane

Acts 13:3

Wahonnenthóntiete ó꞉ni wahonterénʼnaien, wathonwaʼnanisnonsahéraʼse, tánon iahonwanaténieʼthe.

Acts 13:4

Neh tsi Ronikonratokénti iesakothórion, ne Barnabas tánon ne Saul Seleucia niaháne, tánon thoʼnónwe hionsahiaténti wahiatʼtsiróten tsi watʼnihiáiake hiahánewe tsitkawenóte ne Cyprus.

Acts 14:26

tánon thóh nónwe thontahiaténti sahiatʼtsiróten Antioch nionsáhne, tsi nónwe thonwathiríhonte tánon ó꞉ni neh wahotinónstate ne Rawenni꞉io rahoténrat tsi nikahiotenseróten tsi ónen waníh꞉sa.

Acts 20:28

Kwáh káti sewatatennikonráren ó꞉ni kwáh kanenrakwékon tsi nitsisewatakweʼniaʼiénni ne Ronikonratokénti. Thóh nihiotónhak tsi sewatennikonráren ne Rawenni꞉io rahononsatokénti tsi ní꞉ioht tsi sakothinikónrare ne teiotinakarontón꞉a sakotinikónraʼre, tsi raónha rahówenk iotónʼon tsi ronekwáhon ne Roiénha.

Acts 22:21

‘Wáhs,’ ne Roiá꞉ner wahakénhase, ‘Asèken ahínon nióre ienkonʼiathénieʼte tsi tathinákeres ne iáh Tehatisitaerónons.’”

Acts 4:36

Nekáti raónha ne Só꞉se, neh꞉ne Levite Cyprus nón thoʼnakeráton, neh꞉ne ratikweʼkónʼne Barnabas ronwanatónhkwaʼwe (neh꞉ne kéntons “Sakonikonranírats”)

Acts 6:4

Nonkwátsiaks, neh káti, hiatenʼiakwatatʼtiáhate tsi nókwa ne aterénnaient ó꞉ni ne ateriwanothátsera ahohioténsera.”

Acts 8:29

Ne ronikonratokénti wahawénhase ne Philip, “Wáhs ákta saténti nètho wenníseres.”

Acts 9:15

Ne Roiá꞉ner wahawénhase, “Wáhs, tsioríhwa riʼhiatarákwen nahatiótense, nahakʼsennówanaʼte tsi nòkwa ne iáh tehatiʼsitaeʼrónons ó꞉ni ne Rontinontiʼiósons tánon ó꞉ni nonkwesónhas thóh nónwe ne Israeronónke.

Romans 1:1

Kór kih non nitsiawénon, rannhátsera, tsi ronwahiatarákwen neh꞉ne ahosenʼnénhawe ne Kerístos Ié꞉sos tánon Rawenni꞉io rohiotenseráwi nahoteriwahnhóthase ne karihwí꞉ios.

Romans 10:15

Tánon onʼní꞉ioht tsi akarihowanáthon thòka ne ronteriwahnótha iáh tiehonwanathórion? Tsi niwáton noriwatokénti, “Kwáh ioriwanerákwat tsi tahónʼne ne ronteriwanhóthas tsi niháti thatíhas ne kariwí꞉ios!”

Romans 15:16

Ne tsi rihiótense ne Kerístos Ié꞉sos nakhehiótense ne iáh tehatiʼsitaeronons. Watsióte tsi ní꞉ioht ne ratsihénstatsi ne kateriwahnhótha ne kariwí꞉ios ne Rawenní꞉ioke nitsawénon, ehnahontáwe ne iáh tehotiʼiánere nahontatiatakéna nahontahonwanikonraiériʼte ne Rawenni꞉io, neh tsi nihoriwathokenstén꞉ni ne Ronikonriʼióston ne Rawenni꞉io.

1 Corinthians 12:11

Nók énskat khók kíʼ tánon kwáh né sahahiáta ne Rawenni꞉io akwékon kíʼ ehnihásahas; tánon tsi nihaskáneks, ne tekontʼthihánions tsi ahontashakáwen ne tiehiatátʼtion.

1 Corinthians 7:5

Tóhsa tetiatatenonhiánits tsi nahtetiátere, nek khók tóhkaʼ kén né entʼkahénthe entiateriwahserónni kénk nikariwésʼsha ahshaʼtatenakthóhtaʼse nahsaterénnaien, nók ethò꞉ne ientsitiatasónteren tsi nihiorennáʼon tsi seniniákon. Né kí꞉ken enshanónstathe ne tóhsa tahianikonrahkénni ne Ranesonrónon tioríhwa tsi iáh tsatekaiéri tsi niʼtishatateniarótaron.

2 Corinthians 11:27

Ioioʼtenhserahní꞉ron. Iotkaʼtátie ó꞉ni iáh tewakí꞉taʼs, katonhkáriaʼkskwe tánon wakeniaʼtá꞉tens. Iotkaʼtátie iáh thiaʼtekaié꞉ri tsi niwakékhwaien, ó꞉ni tsi nón꞉we nakateʼkwáhsen, ó꞉ni ne akwatserónniat naontiatatharíhen.

2 Corinthians 6:5

Ionkeniientehrhá꞉ʼon ó꞉ni naionkhírio tánon tsi iontatehnhotónhkhwa ieionkhì꞉teron tánon ionkhikarewáhton ne ratinatakárias, iontiatatiaʼtakéhnhen ionkeniióʼte sewatié꞉rens iáh teionkenítaʼs tánon iáh thaʼtewatskahóntie.

Galatians 1:15

Nók ne rahotenretserákon ne Rawenni꞉io ratiatarákwen nohénton sakennákerate tánon wahakénhane nahihiótense. Tánon neh siatoriwaiéntase

Ephesians 3:7

Hionʼkeríhonte tsi nòkwa kí꞉ken kariwí꞉ios neh tsi nihiotkwéniens tsi tesakówis ne Rawenni꞉io, tsi thakáwi teiahonkóton tsi niʼiohiótens ne rahosatsténsera.

Deuteronomy 10:8

Ne tsi tionónhte ne Roiá꞉ner washakohiaʼtarakwenhá꞉ton ne ronhnónkwe né꞉ne tsi ratiʼtá꞉raien ne Levi nahontenhnikónhraren nateriwaʼseronhniá꞉tshera oʼneró꞉kwa, né꞉ne tsi ahonwahiò꞉tenhse tsi rotikhá꞉res í꞉ken, tánon nahatirihowanáhthake ne kaiataterí꞉tsheras rahosénhnakon. Tánon shé꞉kon nón꞉wa thóh nihotihioʼtenhseró꞉ten.

Colossians 4:17

Tánon tsi sewahró꞉ri ne Archippus, “Kwáh oriwí꞉iok tsi iahátia tsi nitiesá꞉wi ne kahioʼténhsera ne Roiá꞉ner raoriwashón꞉a.”

1 Timothy 2:7

tánon neh aoríhwa iehionkatheniéton tsi kateriwanótʼtha ó꞉ni kheʼrihonniénni ne iáh tehatisitaerónon, nahkateriwanóten ne tewetákwen ó꞉ni norihwí꞉io. Iáh tekanowéntha; Orihwí꞉io tsi nahóten katróris!

2 Timothy 1:11

Rawenni꞉io ratiatarákwen nakateriwahnótʼthake ó꞉ni nakerihowáhnathe ne karihwí꞉ios,

2 Timothy 2:2

Iahásaf ne karihonniennítsera neh satʼthontéʼon wakatʼrórih akohénton ne iakotiokowánen ierihwanírats, tánon nasakonohesten ne iakorihwatóken, ronónha ó꞉ni enhatikwéni nasakotirihónnien nakorénsons.

2 Timothy 4:11

Kwáh Luke khók tiontiariskhóʼon. Mark hiatsínonk tánon tatʼtiaténhaf, tioríhwa tsi enhakwéni nahasniénon ne kahioténsera.

2 Timothy 4:5

Nók ónenk tsi entesatatheniarótarohke ne kwáhk tsi nahorihhoténsons; sakátstek naseronhiáken, neh sahióten ne rateriwahnótʼtha ne kariwí꞉ios, tánon neh sateriwahténtsiat kwáh tsi nisateriwahiénʼni tsi Rawenni꞉io tiótense.

Hebrews 5:4

Iáh ónhka ne iatehaiáti nahatateráhkwahshe ne kakweniensthátshera nahatsihenstowahnénhahke. Kwáh iekénhak tsi Rawenni꞉io enhonáton nètho rónkwe nahatsihenstowáhnah—kwáh tsi niiawén꞉en ne Aaron.

1 Samuel 2:11

Eʼthóhʼne ne Elkanah sahaténti Ramah nionsá꞉re, eh nenhnéʼe ne raksá꞉ʼa thóh reterón꞉takwe ne ne taorihwásnieʼse ne Roiá꞉ner, thóh raohénton ne ratsihénstatsi Eli.