Acts 13:1 - Ohiatonhseratokénti

¹ Tsi niháti ne ronteriwanótʼtha ne kariwí꞉ios ó꞉ni neh sakotirihonʼnién꞉nis ne tsiakawetákwen neh nónwe ne Antioch: Barnabas, Simeon (ronwanathónkwa rahóntsi), Lucius (ne Cyreneró꞉non), Manaen (rahiátaʼre ne Herod rahokoraserákon ne Galilee) neh nònʼne sáka ne Saul.

Acts 13:1 ပူးပေါင်းရင်းမြစ်များ

Matthew 27:32

Onen sihotiiakenhonhatie eh ȣathonterane, Cireneanronon, Simon ronȣaiats neh ȣahonȣaton-nioktakȣen nahatiasaketate ne Iesos raoiasa.

Luke 3:1

Ȣisk-aton iaȣenre niioserake sihonontiikoȣa ne Tiber Cesar, ethone ne Konskȣirat sihakoraserakȣeniio ne Judé, nok ne Herod Galile, nok ne rokenha Philip Iture tanon Trakonit, nok ne Lysanias Abilene neneh nonȣe nihoteriontakȣe.

Acts 11:30

Thóh káti nahatíʼiere, ehʼthóhʼne, iahonwanateʼniénten nowísta ne rathiretsiárons ne tsi tsionterennaienthákwa Barnabas tánon Saul hianíhawe.

Acts 12:25

Ne Barnabas tánon ne Saul wahníhsa ne rahotihioténsera tánon Jerusalem nionsáne, rónʼnehne ne Sawátis Mark.

Acts 13:9

Ethò꞉ne ne Saul—neh nónne tehasennásere ne Kór—kwáh rahiatanánon ne Ronikonratokénti; kwáh hiathotʼkáneren ne tehatserónnions

Acts 15:32

Judas tánon ne Silas, rohnónha ó꞉ni ne ieniriwákens, kwáh karíhwes tsi skátʼne wahathitsiénhaien, wasakotinikonraníraʼte ó꞉ni wasakothisatsténseron.

Acts 15:35

Kór tánon ne Barnabas kwáh thóh tsi nikaríwes ehʼniteróntakwe ne Antioch, tánon skátʼke ne ronatsiakhésons wahsakotirihónʼnien ó꞉ni wahonteriwanóten ne Roiá꞉ner rahowennahókons.

Acts 19:6

Kór waʼtesakonisnonsáren, tánon neh Ronikonratokénti wahʼsakotsiénhase; kwáh thiʼwennasathénion tsi sahontatiónko ó꞉ni neh wahathiʼthárakwe tsi nontáweh ne Rawenní꞉ioke.

Acts 21:9

Kaiéri nihohiatasetseraiéntakwe konteriwanó꞉thakwe ne Rawenni꞉io rahoteriwanothátsera.

Acts 4:36

Nekáti raónha ne Só꞉se, neh꞉ne Levite Cyprus nón thoʼnakeráton, neh꞉ne ratikweʼkónʼne Barnabas ronwanatónhkwaʼwe (neh꞉ne kéntons “Sakonikonranírats”)

Acts 9:1

Sékon káti ne Saul neh roriwahiotháties tsi naʼtehotenonhianíton sakohʼrahrastén꞉nis nasakósehthe neh tsi niháti ronwanonteráties ne Roiá꞉ner. Ratsihenstowánen wahotkénsera

Romans 16:21

Timothy, ne skát꞉ne ionkeniʼióhte, tetsisewanonwerátons; ne non꞉ne sáka ne Lucius, Jason, tánon ne Sosipater, rasitaeronon.

1 Corinthians 11:4

Ne káti ne rónkwe ne raterénnaiens tóhka óni rateriwahnót꞉tha ne Rawenni꞉io raoteriwahnotátshera ne tsi iakoterénnaien nónkwe tánon rotenontsistóron rohsennaksátha ne Kerístos.

1 Corinthians 13:2

Tó꞉ka ó꞉ni ahionkáwiʼke nakʼkweniésehke akaterihwahnót꞉take; akʼkhá꞉wahke akwékon natokhátshera ó꞉ni ahonkenikonrahientásehke ne ioterihwahséhtons; ahontiéntahke ne tewetákwen tsi nahteiotonwenhtióhon nahʼiorhiá꞉neron tsi ionontarónnions—ók tóhka iáh tewáhtien ne kanoronkwátshera, kwáh kíʼ iáh thènen thekástha nakonháke.

1 Corinthians 13:8

Kanoronkwátshera ionʼnhehónwe. Kwáh ó꞉ni wahteriwahnotatsherí꞉io, ók kénk kíʼ nikaríwes; kwáh ó꞉ni iontatháwis nahiontáti ne thiʼwenhnáhshaʼthe, ók enwahtewenhnáton; ók káien natʼthokhátshera, kwáh né enwahtóhetsthe.

1 Corinthians 14:29

Tenihiáse tóhkaʼ ó꞉ni ásen niháti ne thonwahnáhwi ne Rawenni꞉io rahoteriwahnotátshera ahówenk nahontáti, ónk ne ronáhtiakes tenhatihiatórethe tsi nahóten ronthónton.

1 Corinthians 14:32

Nahtathawítshera nahionteriwahnóten ne Rawenni꞉io raoteriwahnothátshera ne ahówenk ne rateriwahnótʼtha ahontahaniarohtárohke.

1 Corinthians 9:6

Kàthonʼken Barnabas tánon ní꞉i khók hiontiateriwahiénni ahiatiathatonʼnakéna tsi tahiakenónnheke?

Galatians 2:13

Ne ronatiakhésons ne Sitaeró꞉nons ne thoʼnetákwens ronónha ó꞉ni tahontásawen akónwara wahontatónni skátne ne Tiér; Barnabas ó꞉ni iahonwanikonrénhawe tsi nióre tsi akónwara ronatatónni.

Galatians 2:9

Sák, Tiér, tánon ne Sán, akénhake sakothihénthense, wahathiʼiéntherene ne Rawenni꞉io rakáwi kí꞉ken kahiotenseratóken; sók kíʼ wahonkhinéntʼtsa ní꞉i tánon ne Barnabas, neh nawenéhake tsi tionkwatenróʼon. Wahakwateriwaʼserónni Barnabas tánon ní꞉i nehne iáh tehathisitaeronons nón rahothitiókwakon non nenʼhionkenihióten nók neh ronnónha Sitaeró꞉non neh rahothitiókwakon non nenhothihióten.

Ephesians 4:11

Rahónha wáhi iatékon tsi ní꞉ioht tsi sakoiatarakwenháton nonkwesónha; ótiakes natiriwakarenieseke, ótiakes niahatiriwakénseke, ótiakhes tahonteriwaré꞉niate, ótiakhes rathitsihénstatsis tánon ó꞉ni sakothiriʼhonniénnis.

Philippians 4:22

Kwáh onkweʼtakwé꞉kon ne Rawenni꞉io rahotiókwa iaʼitsiʼiatheniéten ne rahothinonwerhaʼthóntshera, sénha tsi niháti neh Rakóra ronwhaiótense.

1 Thessalonians 5:20

tóhsa skénron ne aterihwahnotátshera.