Acts 12:7 - Ohiatonhseratokénti

⁷ Thontaiawénstsi ne Roiá꞉ner rahoronhiakerónon thóh watáthane, tánon watsioswátʼthene tsi nonnihanóton. Ne raronhiakerónon ranensáke ne Tiér tsi wahothonthóriaʼte, wahoiète, tánon wahénron, “Tesasterí꞉hen! Téstann!” Kwáh óksak noronkwása thonʼsénne ne Tiér ranentsiawítakes.

Acts 12:7 ပူးပေါင်းရင်းမြစ်များ

2 Samuel 22:29

Kwáh oriwí꞉io í꞉se nakʼkhásera í꞉ken, Ó Saiá꞉ner, ne Roiá꞉ner tehaswatthétha nakasátakon.

1 Kings 19:5

Karonhthó꞉kon wahatsatiónhnite tánon iahó꞉taʼwe. Thonʼtaiawénhstsi raronhiakeró꞉non iahoiéna tánon wahénron, “Satkétsko tánon tesatskáhon.”

1 Kings 19:7

Né Roiá꞉ner rahoronhiakerónon thonʼtháre tánon né꞉ne tekeníhaton sahóiethe, rathónhnions, “Satʼkétsko tánon tesatskáhon, né tsi nienhsatʼthahí꞉ne nonhtsérenk enshathakenhró꞉kwahse.”

Psalms 107:14

thontasakohiatínekenhwe ne tsi tetiókaras ó꞉ni tsi ratinhó꞉tonhkwe, tánon waʼtharonkwahshiá꞉kon ne ratineréntstonhne.

Psalms 116:16

Ó Saiá꞉ner, í꞉ih ne sanhá꞉tshera í꞉ken; Konhióthenhse kwáh tsi niʼiohtónhne nakenistenkénʼen. Sestiatotaríhshion kenheiát꞉ne.

Psalms 146:7

rahónha tesakówis ne karihwakwarihshión꞉tshera ne ionhtateronhiakéntha; rahónha sakonóntens ne ionhtonhkáriaks. Ne Roiá꞉ner sesakothatewenhniʼioseráwis ne ratinótons;

Psalms 34:7

Ne raoronhiakerónon ne Roiá꞉ner thensakotsiatáton tsi nihiákon ne ronwaʼsénhnaiens, tánon sahkoniakéntha.

Psalms 68:6

Né rothinatenháwis Rawenni꞉io sakonatʼtasehronniénhnis né tahontsiásehte ne ratiwaʼtsíraiens; sehsakothatewenhniʼiohseráwis ne ratinhó꞉tons ne nahonsahontatonhnakéna, ók ne ronhnerhiasaníron tsi né nón꞉we nihiahontsiatʼthénʼen nenhathinákerehke.

Isaiah 37:30

“‘Tánon né kí꞉ken nenwatenienténstonke ne sariwá꞉ke: Nón꞉wa ioseráte né énsehke tsi nahó꞉ten ne ók thiʼiotón꞉nionh, tánon ne teioserakeháton tsi nahó꞉ten entkánio né kwáh né sá꞉ka; eʼthó꞉ne nasénhaton nenhioseráteke tsiéntʼtho, tientwá꞉ko, tsiéntʼtho ne watenenharísehres, tánon sahient nahohiksónhas.

Isaiah 60:1

Téstann, tesaswát꞉tek; asèken né saswathetsheraʼónhwe, tánon ne raoʼiatanerakwáhtshera ne Roiá꞉ner thontʼkétsko shonháke.

Jeremiah 40:1

Ne Roiá꞉ner wahakthárahse ne nóhnenh ne Nebuzaradan, né rahsennhowáhnenh, né shonshahakátʼkaʼwe ne Ramah nónhwe. Oronkwáhsa tehionkenenhsterénhne né shiaʼhontiaténhaʼwe, skátke nahkorénson ne Jerusalem tánon ne Judah nónhwe nithonwahthihiaténha tánon tsi ní꞉ioht ne rathinhóton tsi Babylonia nónhwe niahonwahthihiaténhaʼwe.

Ezekiel 43:2

tánon thóh nónhwe nakatʼkátho tsi kharahkwínekens nonhtahiawenonhátse ne tehiokaráhiat kaswatʼthétshera né tsi thóh íres ne sakoʼNí꞉io ne israel. Né Rawenni꞉io raowénna thóh nikawennhóten tsi ní꞉ioht tsi ioráhkare ne kaniatarahkheʼkówa, tánon ne tsi ionwenhtsáte né wakhaswátʼthete ne tehiokaráhiat kaswatʼthétshera.

Daniel 3:28

Ne ronnontí꞉io wahén꞉ron, “Ronwahsénnaien ne Ronwawenní꞉io ne Shadrach, Meshach, tánon ne Abednego! Tahoténiehte ne raoronhiaʼkehró꞉non ne aonsahonwatiʼniá꞉kenhte kí ronnón꞉kwe tsi ronwaioʼténhse ó꞉ni thonwehtáhkwen. Iáh teionkewennaráhkwen ó꞉ni eʼtho ronnonnhárahkwe né tsi iáh thatehonatshákton ó꞉ni nakonwahsénnaienke oktiʼká꞉te ne ní꞉io kwáh né khók ne ronónha ronwawenní꞉io.

Daniel 6:22

Ne Rawenni꞉io né rihsénnaiens, tahotó꞉ri né raronhiaʼkehró꞉non né ahshakóhskweke né kèn꞉reks né ne tóhsa akatkaréwahte. Né aorì꞉wa eʼtho nahá꞉iere né tsi roterién꞉tare tsi iáh tewakennhìkon tánon ó꞉ni iáh thé꞉nen tekonʼnikonrhaʼtén꞉ni, Sanóntí꞉io.”

Micah 7:9

Ó꞉nenk tsi enkatakátstate ne raonakwáhtshera ne Roiá꞉ner, tiorì꞉wa tsi wakerihwáneren tsi nokwáh ne rahónha, tsi nió꞉re rahónha tenhakerihwakénhase nakerihwaʼshón꞉as tánon enharihwénhte. Kwáh tsi teioswáthe nienhatiathénhawe; kwáh kʼi enkatkáto ne raorihwakwarihshióntshera.

Habakkuk 3:11

Tsi natewatʼtsiró꞉ke ne tehió꞉ka sáwenk kaienkwí꞉res tánon tsi natehiahó꞉ien ne tehiostaratʼte sashí꞉kwahra; ne karáhkwa tánon nasonhthenhné꞉kha karáhkwa watʼkenítane.

Habakkuk 3:4

Tsi néntʼre, thóh nateoswátʼte tsi ní꞉ioht ne tahonhninekárahwe; tewaʼnitonkwarítʼkons tkaiá꞉kens ne ratsá꞉nake, thóh nón꞉we nihoséhton ne raoshatsténhsera.

Matthew 2:13

Onen Sishonatention, Niio raoronhiakeronon ȣahotokaten ne Sose, ȣahaȣenhase: Satketsko, tetsiatak ne Raksaa oni ne ronistenha, nok Egyptke iaseȣatekȣasen, ehoni iaseȣenterontak tsiniiore ienskonrori: Aseken nʼErod enhoiatisake ne raksaa, aontonseke ahorio.

Luke 2:9

Ok taontierentsi kenh ȣahoketote Raronhiakeronon, akȣa oni ȣathotiȣannhake ne Niio raosȣathetsera, nok ȣathonatonharenron.

Luke 24:4

Sekon ok kati etho niiotinerakohon, teniiase rotiiatanerakȣat eh ȣahotiketote.

Acts 10:30

Wahénron ne Cornelius, “Ne kíʼ ne káknon neh kaiériʼnónta tsináhe wakaterenʼnaiéntakwe nakenónskon ne ásen nitiowistáhe iothohestonnéntie. Thontaiawénstsi rónkwe tehiostarátʼthe roktseronʼniáton akʼkénton wahtáthane

Acts 12:23

Kwáh óksak ne Rawenni꞉io rahoronhiakerónon wahohiatsénente ne Herod, tsioríhwa tsi iáh tatehorénsaron ne Rawenni꞉io. Otsinonhwanhéta wahonwahwárake tánon warénheie.

Acts 12:6

Ne tsiokaratserátekwe nohénton ne Herod onkwéne nienhohiaténhawe, Ne Tiér rótaskwe tsi natenihiatóken ne ronwanónnahkwe. Tekaronkwásake tsi ni꞉íoht tsi ronwáneren, tánon ó꞉ni tathinónne ne tsi tiotenhenrakáronte tsi iontatenontónkwa.

Acts 12:8

Ethò꞉ne wahénron ne raronhiakerónon, “Snírat tsi satsiatánen tánon ísast ne sarasithorókstha.” Thóh ki-naháiere ne Tiér, tánon wahénron ne raronhiakerónon, “Tesatewehiáren tánon í꞉tehne.”

Acts 16:26

Thontaiawénstsi tehiotenonhianíton tsi ní꞉ioht tsi watsiahonontsíshionkwe, kwáh onthoʼriáneron tsi tkenstsʼkwáhere neh tekenstenrhothákwen ne tsi iontatenothónkwa. Kwáh ók꞉sak akwékon ne tsi ionohentónnion ontenothonkwenháton, tánon noronkwása akwékon ontʼnerienʼshiónko ne rathinerénksthonne ne rathinótons.

Acts 2:24

Nók Rawenni꞉io sahokétsko ne kenhehiát꞉ne, sahót꞉kaʼwe nahosatsʼtenserákon, Asèken iáh tehioríwaien ne kenhéion nahotiatakweʼní꞉iosʼte.

Acts 5:19

Nók ne tsi niwasóntes ne Roiá꞉ner tahotóri ne rahoronhiakerónon nahonsahsakonontónko, sahsakohiatínekenʼwe, tánon wasakoróri,

Acts 9:3

Ne Saul tsi ákta rawetontátie tsi kanatowánen ne Damascus, thontaʼiawéns꞉tsi waʼtsioswátʼtheʼne tsi karonhiáte watʼkatsirahrík꞉kon ne rahiatáktha.

Ephesians 5:14

Tsi nahóten neh kwáh íken tsi karihothásion thóʼnek enwáton ne tahioswátʼthene. Tehioswátʼte seh ne kwáh oriwakwékon tshewenéstʼtha. Neh aoríwa tsi nihónen, “Sewáhie, tahrótaros, tánon thontahsewatʼkétsko ne kenheiátʼne, tánon Kerístos tentsiʼsewaswatʼthéten.”

Hebrews 1:14

Nahóten nen꞉ne ne ratironhiakerónons? Né꞉ne rotihiatatokéntis ronwahʼiótense ne Rawenni꞉io tánon rahónwah teshakotóries nashakotisniénon tsi nihiákon neniehiéna ne kaiatakenhátshera.

Revelation 18:1

Shontóhetste kí꞉ken sahí꞉ken ó꞉ia raronhiakeró꞉non tahosnentonhá꞉tie karonhiá꞉ke, kwáh í꞉ken tsi rokweniatserowá꞉nen; tánon ne tsi ionwenhtsá꞉te ne watsoswatéten tsi nihohiatanerákwat.