Acts 12:4 - Ohiatonhseratokénti

⁴ Sahonwaiéna ne Tiér tsi tiontatenotónkwa iahonwanóton, nehne ranónne ne tiontateʼnotónkwa iahonwatsiakwarísiase nehne kaiéri nihothitiókwakes ne ronterí꞉ios tánon kaiéri niháti ne shotitiókwa. Ne Herod ratenikonronníhakwe tsi ionkwéne ienhohiaténhawe akohénton nónkwe tsi tenhohiatórete nónen Enhiotohétston ne wentanórons.

Acts 12:4 ပူးပေါင်းရင်းမြစ်များ

Esther 3:13

Ne tehonráhtats ká꞉ti kí꞉ken kaianerénhsera akwé꞉kon kakorahseraké꞉ron niahatíhawe tsi nikanakeráhsera. Ne ká꞉ti karihwenhá꞉wi tsi nenkaié꞉ren sewenhnísera áhsen iawén꞉re shískare ne Adar, akwé꞉kon ne Sitaeró꞉non—kenʼnithotiión꞉sa ók ó꞉ni ne thotí꞉ions, konnón꞉kwe tánon ratiksaʼokón꞉ʼa—enhshakonáhsehte. Iáh thé꞉nen tekentén꞉ron, tánon tsi nahò꞉ten rotí꞉ien ienhatíhawe.

Exodus 12:1

Ne Roiá꞉ner wasakothá꞉raʼse ne Mahís ó꞉ni ne Aaron ne Egypt nónwe:

Proverbs 19:21

Nón꞉kwe niaʼté꞉kon tsi ni tsi ahonteʼnikonhrísa, nok ki Roiá꞉ner tsi nihoʼnikonhró꞉ten eʼthó ki neniá꞉wenʼne.

Proverbs 27:1

Tóhsa só꞉tsi orihwí꞉io són꞉ni tsi kén꞉ʼen ahsé꞉sheke nenióhrhenʼne aseʼkénh iáh tesaterién꞉tare oh nieniá꞉wenʼne nón꞉wa tánon ne thó꞉ne.

Lamentations 3:37

Tsi nihononthonniontseróten ne Roiá꞉ner tiotkonʼónwe thóh nienʼiáwen:ne. Kwáh iáh ónkha thaiekwéni neh thènen nahiéʼiere tsít ne Roiá꞉ner éhʼtho nithonikonrhóten.

Matthew 24:9

Ethone oni onen enhietsiiena, enhietsironhiakente, enhietsirio, akȣekon ok oni nonkȣe enhietsisȣatakȣe nʼaksenna.

Matthew 26:5

Nok tanon rontonhakȣe: Tosa ki tanon tsiniȣentanoron akenhake, onȣa sotsi enkarihoȣannha tenhiakonikonrharen oni nʼonkȣeokon.

St. Mark 14:1

ONEN sateseȣenniserake ok satetsiotatenron tsi enȣentanoronne ne Shotonnhestston, oni ne iah teȣattenkȣaton tsini ienataraks; Ok onen tsinithotiieren ne ratitsihenstakȣeniios oni ne ratiiatons rotiriȣisakon kah naontahatiierate ahonȣaiena ne Iesos nok ahonȣario.

Luke 21:12

Iatekariȣakonte ki tanon tsi iatenhonnisnonsaren ne seȣaiatake, enhietsikenrenseronni, enhietsiiasarinesson tsi ionterennaientakȣa, oni enhietsinnhoton; nok enhietsiiatenhaȣison rahotihenton ne rotinontiiosson, nii aksennakon.

Luke 22:33

Tontahenron ne Tier: Saianer! ȣakatateȣeiennentaon akonhiariskonte, tokat tsi iontatennhotonkȣa, ok oni ne kenheiatne.

John 19:23

Nonen sahatiȣeiennentane ne sotar, ȣahonȣaiatiharen ne Iesos, ȣahatiroroke ne raotseronniat, nok kaieri nathatikhasi skastshon ȣahatiiena, ȣathonnekȣe oni noneh ne raokhare; iah tanon neneh tekanikhon, iatekaieston tsi ionhni tsi ok niions.

John 21:18

Oriȣiio, oriȣiio tsi konrori: ase sisonnhe satiatannhakskȣe tsi oni nitesenonȣes eh niieheseskȣe; nok nonen ensatiatisa tensateȣeiatate nok akoren enhiaiatannhake eh oni niienhiaiatenhaȣe tsinonȣe iah tiiesanontonnion.

Acts 12:3

Ne sahatʼkátho tsi nahonerientí꞉io ne Sitaeró꞉nons, iahatasónteren ó꞉ni Tiér wahonwaiéna. (Thóh ne kíʼ ehnihiawén꞉en tsi nihonatenʼnorónsta ne iáh tewatʼtenkwáton ne kanátaro.)

Acts 12:5

Káti ne Tiér tsi tiontatenothónkwa tanóton, nók kí ne iakoriwiʼióstons tsiakokontákwen tsi ronwaterennaiénnis rahonháke ne Rawenni꞉io.

Acts 4:28

Tsi wahonteróhroʼke neh꞉ne kwáh oriwakwékon thóh nahatíʼiere tsi nòkwa ne sahsatsténsera ó꞉ni tisanonwéʼon tsi ónenk iatesariwaiéntaʼse tsi thóh neniáwenʼne.

Acts 4:3

Sók kíʼ wahonwatiʼiéna tánon wahonwathinóton tsi nióre nó꞉ia sahiórenʼne, neh tsi sóhtsi ónen sahthetiókarasʼkwe.

Acts 5:18

Wahonwatiʼiéna ne rathikweʼkónʼne tánon tsi tsiontatenotónkwa iahonwatinóton.

Acts 8:3

Nók neh Saul wahatheniénten nasakóthonte nonkwesónhas; kwáh wahanonshásehte, wasakohiatísere tsi tasakohiatínekenwe ne thonetákwens, teʼtsáron ne ronónkwe ó꞉ni ne kohnónkwe, tánon tsi iontatenothónkwa iasakohiatón꞉ni.