Acts 11:20 - Ohiatonhseratokénti

²⁰ Nók ótsiakes ne rotiriwiʼióstons, neh Cyprus tánon ne Cyrene non nithonénon, Antioch niahónne tánon hiahonwanateriwanótʼthase ne iáh tehatiʼsitaeʼró꞉nons ronwatirohrihátie ne kariwí꞉ios tsi nókwa ne Roiá꞉ner Ié꞉sos.

Acts 11:20 ပူးပေါင်းရင်းမြစ်များ

Matthew 27:32

Onen sihotiiakenhonhatie eh ȣathonterane, Cireneanronon, Simon ronȣaiats neh ȣahonȣaton-nioktakȣen nahatiasaketate ne Iesos raoiasa.

John 7:35

Ȣahonnironnion ne Sitaeronon: Kah onte niienhenre tsi iah tatsiteȣaiatatsenri? Eh onte kenh nonkȣati niienhenre tsiniieiakaȣenon ne tiiateiakorenihon akenakeraserakon ne Grek, nok Grek ensakorionnien?

Acts 11:19

Ótsiakes ne rotiriwiʼióstons neh tsiatehonarénion tsi nihiorihonʼníʼon ne kakenronniátsera tsi thóh niʼiawén꞉en nónen ne Stephen sahonwanonwariákon thóhnióre nieʼiawénon tsi nióre ne Phoenicia, Cyprus, ó꞉ni ne Antioch, nekʼkhók ne Sitaeró꞉nons ronwahnateriwanotaníhakwe.

Acts 11:22

Nonkwesónha ne tsi tionterennaientákwa ne Jerusalem wahatiriwáronʼke tsi nontaʼiáwenne ne Antioch, sók kíʼ Barnabas Antioch nónwe hiahonwatóri.

Acts 11:26

Siahohiatatʼtsénri, Antioch nionsahohiaténhawe, tánon kwáh iaʼhiathoseríke tsi ionterenʼnaientákwa nónwe nihontkenʼnisáhaskwe nonkwesónha ó꞉ni hiakotiokowánen wasakotirihónʼnien. Thoʼnónwe ne Antioch ne kwáh tiotserenthákwen ne tsiakawetákwen Iakoriwiʼióston wahontatenathónkwen.

Acts 11:27

Neh siwatʼtháwi ótsiake ne iehatiriwákenskwe Jerusalem tahonténti tánon Antioch niahónne.

Acts 13:1

Tsi niháti ne ronteriwanótʼtha ne kariwí꞉ios ó꞉ni neh sakotirihonʼnién꞉nis ne tsiakawetákwen neh nónwe ne Antioch: Barnabas, Simeon (ronwanathónkwa rahóntsi), Lucius (ne Cyreneró꞉non), Manaen (rahiátaʼre ne Herod rahokoraserákon ne Galilee) neh nònʼne sáka ne Saul.

Acts 14:26

tánon thóh nónwe thontahiaténti sahiatʼtsiróten Antioch nionsáhne, tsi nónwe thonwathiríhonte tánon ó꞉ni neh wahotinónstate ne Rawenni꞉io rahoténrat tsi nikahiotenseróten tsi ónen waníh꞉sa.

Acts 15:22

Ethò꞉ne ne ronteriwanót꞉thas ó꞉ni ne rathiretiárons, kwáh kanenrakwékon, tsi hiathotiriwaiéntase nónkak ronnónkwe ahonwathihiataráko tsi nihotitiókwa tánon Antioch iahonwanatóri skátke ne Kór tánon ne Barnabas. Tenihiáse wahonwathihiataráko nehne kwáh éhneken tsi nihonwathikweniénstha ne thonnetákwen, Judas, neh ronwanathónkwa ne Barsabbas, tánon ne Silas,

Acts 15:23

Tánon ken nikawennóten tsi iahonwathihiátonse: “Í꞉i ne iakwateriwanótʼtha ó꞉ni ne rathiretiárons, sewatatekenokónhas, kwáh shewakwékon nonkwatatekénseras ne iáh tehatiʼsitaeʼró꞉nons tsi ronahnakeráton tehiakhiʼnonwerátons tsi niháti neh thoʼnónwe nihatinákere ne Antioch ó꞉ni ne Syria ó꞉ni ne Cilicia.

Acts 15:30

Neh rathiriwénhawe iahonwanaténiethe Antioch niahónne, thóh nónwe kwáh rathikwékon ne thonetákwen skátʼke wahontiataróhroke tánon tahonwénnon ne kahiatónsera.

Acts 17:18

Tóhka niháti ne Epicurean ó꞉ni ne Stoic sakothirihonniénnis ronónha ó꞉ni watathiriwatirónten. Tóhkarah niháti wahatiriwanónton, “Ki꞉ken tekásʼtsias rotheriéntare kén tsi nahóten ráhton?” Ótsiake wahtatiriwaseráko, “Thóh ní꞉ioht tsi wéh꞉ne knakariwiʼiosthontseróten rotaráhkwen.” Neh aoríhwa neh wahonníron neh tsi Kór roteriwanóten tsi nòkwa ne Ié꞉sos tánon tsi sotʼkhétskwen.

Acts 18:22

Siahárawe ne Caesarea nónwe, Jerusalem niaháre ó꞉ni watesakononweráton nonkwesónhas, etʼthóhʼne Antioch niaháre.

Acts 2:10

tánon Phrygia ó꞉ni Pamphylia, Egypt, tánon ó꞉ni tsi ionwentsiaʼkérons ne Libya ákta ne Cyrene. Onkwátiakes ó꞉ni Rome nónwe nitionkwénons,

Acts 4:36

Nekáti raónha ne Só꞉se, neh꞉ne Levite Cyprus nón thoʼnakeráton, neh꞉ne ratikweʼkónʼne Barnabas ronwanatónhkwaʼwe (neh꞉ne kéntons “Sakonikonranírats”)

Acts 5:42

Tánon kwáh niaʼtewenniseráke nonnonsatokentí꞉ke ó꞉ni ne tsi iakononshóʼton nonkwesónhas iahontasónteren tsi wasakotirihónʼnien ó꞉ni wahonteriwanóten ne kariwí꞉ios tsi nòkwati ne Ié꞉sos Kerístos.

Acts 6:1

Kwáh kén náhe onakènʼke, tsi wahonatiokowánaʼne ne thonetakwen, okʼtsíro tsi natehóntere nehne Sitaeró꞉nons neh ne ronhrónkʼkhas ne Greek ó꞉ni ne Sitaeró꞉nons neh ne ronhrónkʼkhas ne Hebrew. Neh ne ronhrónkʼkhas ne Greek wahonʼníron neh rahononkwetaʼsónhas ne ionatereʼons iáh tekontiʼienas tsi natehonreniata nowísta ne ionateréʼons ahotiriwáke.

Acts 6:5

Kwáh kentiokwakwékon wahakaweʼrientí꞉io tsi nahatítaʼte ne ratikweʼkónʼne, sók kíʼ Stephen wahonwahiataráko, thóh rónkwe kwáh íken tsi tawetákwen, ó꞉ni ne Ronikonratokénti, tánon Philip, Prochorus, Nicanor, Timon, Parmenas, ó꞉ni Nicolaus, tánon ne iáh teʼasitaerónon ne Antioch nithawénon neh꞉ne iáh wahónʼnise tsi néhe Judaism non nishotsiátare.

Acts 6:9

Nók ótiakes ne ronónkwe ronwariwakweníhaʼkwe nononsatokentíke ratiʼiátare ó꞉ni neh Freedmen ronwatinathónkwa, ó꞉ni ne Cyreneró꞉nons tánon ne Alexandria. Rononha tánon ne ronátiakes ne Sitaeró꞉nons ne Cilicia nón nihatinákere tánon ne Asia tahontásawen wathatiriwakéna ne Stephen.

Acts 8:35

Ehʼthóhʼne ne Philip tahatásawen wahanikonraiéntaʼte; thóh tahatásawen kí꞉ken owennasónhas ne oriwatokénti, wahoróri ne Kariwí꞉ios tsi nòkwa ne Ié꞉sos.

Acts 8:5

Philip kanatakwení꞉ioke niaháre neh꞉ne Samaria tánon wahoteriwanóten ne Kerístos nonkwéʼthake neh nónwe.

Acts 9:20

Kwáh hiahatʼthakwaríshate nonʼnonsatokentíke tánon tahatásawen wahateriwanóten nètho Ié꞉sos tsi Rawenni꞉io roiénha.

Acts 9:29

Kwáh ó꞉ni wathatitháren ó꞉ni watatiriwathirónten ne Greek nehne rorónkas ne Sitaerononké꞉ha, nók kíʼ wahontheniénten nahonwanonwariákon.

1 Corinthians 2:2

Tsi náhe skátʼke íteweskwe, iaʼtewahkeriwahiéntase kwáh akwékon tsi ahonkenikónren nek khók ne Ié꞉sos Kerístos tsi kwáh sénha kaiasáke rahwenhéion.

Galatians 2:11

Nók nónen ne Tiér siahanatarénen ne Antioch, tahiwennóko akohénton ne tiakawetákwen, “Tsioríhwa wataterientawénrie tsi naháiere.”

Ephesians 3:8

Í꞉i tshiahonhá꞉a kén nitká꞉a tsi niháti ne Rawenni꞉io rahonkwetaʼsónha; tánon kíʼ Rawenni꞉io takáwi kí꞉ken kakweniensthátsera nehne hiakehawítase neh iáh tehathisitaerónons ne kariwí꞉ios tsi niwatʼrhoriátha iáh tsehiótokʼte ne Kerístos rahohiathanerakwátsera,