Acts 10:2 - Ohiatonhseratokénti

² Roriwiʼiostón꞉ne; raónha ó꞉ni ne rahowátsire ronwasénʼnaienskwe ne Rawení꞉io. Kwáh ó꞉ni wéso tsi sakoienawaséhaʼkwe ne Sitaeró꞉nons tsi ratinákere ó꞉ni thoʼkontákwenʼne tsi Rawení꞉ioke iehoterénʼnaien.

Acts 10:2 ပူးပေါင်းရင်းမြစ်များ

Genesis 18:19

Iáh, asèken ráonha riiaʼtarákwen, né katí nahshakorihónnien ne shakoioʼokón꞉ahs tánon tsi nienhathwatsí꞉rine ne nahonteweién꞉ton tsi nihorihó꞉ten ne Roiá꞉ner thóh níʼhatí꞉iehr nahó꞉ten né tkarihwaié꞉ri tánon né kaiánerenʼn; né ká꞉ti naón꞉ton né Roiá꞉ner naontaháhawe tsi nahó꞉ten rohrharatstén꞉ni nʼAbraham.”

1 Kings 8:43

satʼthóntek ne rahonaterénhnaient. Thóh karonhiáke nónhwe, tsi nónhwe teshí꞉teron, tsiatʼthóntet tánon thóh nátser tsi nihiarihwaʼnonhtónhnis, né káti nonhkwetaʼkwékon tsi nihiohóntsa ahiakoteriéntaraʼne tánon naʼiesawenhnarákwaʼke, tsi né nihatiʼiéra ne shonkwetaʼshón꞉as Nisraerʼró꞉nonke. Ethòne kíʼ enhonateriéntarahne kí꞉ken Ononsatokentiʼkówa ne wakenonhshí꞉son tsi thóh nónhwe nenhieshasenhnaiénthakwahke.

2 Chronicles 6:33

Sehiatahónsatat ne raonaterénhnaient. Thóh karonhiáke tsi nón꞉we tesíteron, seiatʼthónhtek tánon thóh nátier tsi nenhiesarihwanónhtonhse, né ká꞉ti nonhkwetaʼkwékon ne tsi ionhontsáte naiakoteriéntaraʼne tánon aiesawenhnaráhkwe, tsi né ní꞉ioht ne shonkwetaʼshón꞉as Nisraeʼró꞉nonke tsi nihatiʼiérah. Ethóhʼne kíʼ enhonateriéntarahne kí꞉ken Ononsatokentiʼkówa ne wakenonhsí꞉son tsi thóh nón꞉we nenhiesahsenhnaiéntakwahke:

Job Tánon ne Raoronhiakensera 1:1

Ronkweʼkén꞉en thoraná꞉kereʼkwe tsi watonwentsá꞉ien ne Uz. Job ronwá꞉iatskwe tánon kwáh iáh othé꞉non tewátonskwe ne othé꞉nen ahontahonwárase tánon tronkweʼtaiérihkwe, tánon ne nénska rónkwe kwáh í꞉ken tsi rorihwakweniénstakwe ne Rawenni꞉io tánon ratharonhtsiénskwe tsi nokwáh ne karihwahetkénhsera.

Job Tánon ne Raoronhiakensera 1:5

Tánon nó꞉nen ne kakhwárakwe ioteweienhnenhtà꞉on, nétho Job ienhaterihwaniéte tánon enshasakorihwatokentísten. Tánon noronhkè꞉ne nenhatkétsko tánon ne ienhatháte tsi ní꞉kon roteskónte niataʼkaié꞉ri tsi niháti; asè꞉ken ne Job wahèn꞉ron, “Tó꞉ka nakenekenhterontseraʼshón꞉as wahatirihwánerake tánon ahonwhasentenhnike né Rawenni꞉io raonerhiá꞉ne.” Ká꞉ti ne Job kwáh tió꞉konte ki thóh nihaiérakwe.

Psalms 102:15

Né ronhnonhontsakeʼró꞉nons enhatitsaʼnísehke ne raosénhna ne Roiá꞉ner, ratikwékon ne ronhtinontí꞉ios ne tsi ionhontsáte enhatitsanísehke ne raoshaststénhsera.

Psalms 119:2

Iakotaskáts tsi niʼiákon ne iontewénhnaraʼkwe tsi nihorihwawahtáton, tánon tsiakaweriahsakontákwen tsi ronwahiatísaks,

Psalms 25:5

Tatʼkéntes thóh nónh ne sarihwatokentitserákon, tánon takerihónhnien, asèken í꞉se ne ní꞉io í꞉ken natiatakenatiéra; asèken í꞉se kónrahre ne tsi niwenhnísehres.

Psalms 41:1

Iakotáskats tsi nihiákon ronwenhnéiare ne rotíten; ne Roiá꞉ner ensakosniénon nó꞉nen thènen tehonanikónhrahre.

Psalms 55:17

Okarasnéha tánon noronhkéne tánon nenhtieníkare nakerihwakathénhtseras tánon tsi niwakonhséhna rahonháke nón꞉we niewètha, tánon kwáh kíʼ enhakewenhnáronhke.

Psalms 86:3

takithénrat, Ó Saiá꞉ner, asèken kontatsekó꞉wa shonháke iewaʼkaterénhnaien.

Psalms 88:1

Ó Saiá꞉ner, í꞉se Sewenní꞉io natiatakená꞉tsera, Nó꞉nen, ienhiókaraʼwe, Iathenkaséntʼtho shonháke,

Ecclesiastes 7:18

Tetsáron éhren shá꞉wit kí꞉ken nahorihoténsons. Tó꞉ka tsánhnaiens ne Rawenni꞉io, kwáh kíʼ ensahianerásten tsi nahontahiotseráhthonhke.

Isaiah 59:19

Káti tsi nihiá꞉kon né tsi iatewatshéntos nókwahti iakoʼtohetstákwen tsi enhieʼkweniénstake ne raosénhna ne Roiá꞉ner, tánon tsi nihiá꞉kon ne tsitʼkarakwínekens iakoʼtohetstákwen né nenhʼné꞉e enhiekweniénstake ne raoʼiatanerakwáhtshera; asèken thóh ní꞉ioht tsi éntre tsi ní꞉ioht ne iawenhó꞉tonhtse né꞉ne raonhniséhra ne Roiá꞉ner iorehátie.

Daniel 6:10

Ó꞉nen káti shahotókenhse ne Daniel ne ronnontí꞉io tsi rotatshén꞉nare ne kaianerénhsera ne kiʼk shá꞉ka ionsaharáthen tsi thanonhwéhtstha nionsáre, tánon ne ionahstonhkwakáronte kwáh teiotitokénhton ne Jerusalem. Eʼtho nón꞉we, tió꞉konte tsi nihaiérhakwe, tenhatentshó꞉ten onahstonhkwákta ó꞉ni ienhaterénnaien ne Rawenniió꞉ke, né ne áhsen nienká꞉iente ne sewenhnísera.

Daniel 6:16

Sók kí ne ronnontí꞉io washakónhaʼne ne raonnhaʼtsheraʼshón꞉a, iehonwaiaʼténhawh ne Daniel tánon tsi tkontì꞉teron né kèn꞉reks iehonwaiaʼtón꞉ti. Nok wahawénhase ne Daniel, “Aiá꞉wens né Saní꞉io, tsi niká꞉ien ne tsi nisarihwató꞉ken tsi ehtíoʼténhse, ne aonsahiaʼniákenhte.”

Daniel 6:20

Shiahárawe né eʼtho, kwáh thotónʼne iahoná꞉ton, “Daniel, raonátshera ne rónhnheʼón꞉we Rawenni꞉io! Átskwi ne Rawenni꞉io ne iorihwató꞉ken thioʼténhse, wahoteʼsennaién꞉taʼne ken ne ahiaiaʼtanónhstate tsi nón꞉we nikónnheʼs né kèn꞉reks?”

Daniel 6:26

Waʼtianerenhserón꞉ni kwáh tsik nonwéhshon né akeʼshatsténshera iekaníharaʼs tánon né tiaʼtakweʼní꞉io kwáh ioterihwí꞉son tsi niaʼteionkwè꞉take ahonwakwenién꞉stake ó꞉ni tahonwarenhsarónhsheke ne Daniel Raoʼní꞉io. Raónha ne Rawenni꞉io né ronhnheʼónʼwe, iáh ó꞉ni nonwén꞉ton thiaontókten. Iáh nonhka nonwén꞉ton thaiekwé꞉ni né aiónhtonʼte né raonakeráhsera, tánon iáh ó꞉ni nonwén꞉ton ne raoʼshatsténhsera thiaonʼtókten.

Matthew 25:17

Etho oni neneh nahaiere ne tekeni tehoiena, tekeni oni neneh iathatentsa.

Luke 18:1

Sekon, are oia tonsasakoriȣakentonkȣen, ȣasakonatonnihtakȣe tsi teiotonȣentsiohon ne tiotkon aiakoterennaientake, tosa taieȣishenheie;

Luke 2:25

Saiatat ne ronkȣe Jerusalem ranakerekȣe, Simeon ronȣaiastskȣe, neh kehiken nethoriȣaieri oni rosennaiens ne Niio; rorharekȣe oni neneh nahoken nʼakonikonriiotsera nʼIsraerroronon; akȣa oni nikȣekonhatiene ne Ronikonratokenti.

Acts 10:22

“Ranenrakweʼní꞉io Cornelius tasonkwatóri,” watatiriwaseráko. “Tronkwetaiéri roʼsénnaiens ne Rawenni꞉io tánon ó꞉ni kwáh íken tsi éneken tsi ní꞉ioht tsi ronwariwakweniénstha ne Sitaeró꞉nons. Ne Rawenni꞉io rahoronhiakerónon wahoróri ne iahianatarénaʼse ne tsi thonónsohte, neh nahónton nahothónteʼne tsi nahóten sáien nasíron.”

Acts 10:31

tánon wahénron: ‘Cornelius! Rawenni꞉io wahothóntene ne saterénʼnaient tánon ratʼthókas ne sahioténseras ne kenténron.

Acts 10:35

Tsi nihiákon ne ronwatsiánis tánon thóh niʼiehéra ne tkariwaiéri neh rawerientiʼióstha, iáh tewatsʼterístha onhnaienekwenshoténha꞉ke.

Acts 10:4

Iathotʼkáneren ne raronhiakerónon katerontserákon tánon wahénron, “Nahóten, Sénʼshion?” Ne raronhiakerónon watariwaseráko, “Ne Rawení꞉io rawerentí꞉ios ne saterén꞉naient ó꞉ni tsi nisahióte ne kenténron, ónenki rotateweiennentáʼon tahiariwaserákwaʼse.

Acts 10:7

Ehʼthóhʼne ne raronhiakerónon ahéren sáreʼthe, thóhʼne ne Cornelius tenihiáse ne rahonkwetaʼsónhas hiasakónonke ó꞉ni saiátat ne raterí꞉ios, tánon ó꞉ni saiáta ne roriwiʼióston nehne kwáh raónha tiókonte tehoriwásnieʼse.

Acts 11:14

Neh enhiatewenʼnontákwen níse tánon ratikwékon ne sawátsire entsisewaniákenne.’

Acts 13:16

Kór wahthátaʼne, ratsianáke wáhratste tsi wasakothokáten ne tóhsa ahontsarókwate, tánon tahatásawen wahatʼretsáron: “Tewathatékens Israerʼró꞉nons ó꞉ni se wakwékon ne iáh tesewasitaerónons kén꞉en tsi entsisewasénnaiens ne Rawenni꞉io: takwatahónsatat!

Acts 13:26

“Tewatatékens Israerʼró꞉nons, NʼAbraham nitisewatʼwatsirínon, tánon sewakwékon ne iáh tesewasitaerónons ne kén tsi sewasénʼnaiens ne Rawenni꞉io: I꞉i se onkwariwáke kí꞉ken kahiatakenátsera tsi tewateniéton!

Acts 13:50

Nók neh Sitaeró꞉nons wahatitsirónni tsi tahonténrowe ne ratisennowánens ne kanátakon ó꞉ni ne iáh tekontisitaerónons neh iotikwatsénions tionatʼthonwísens ne ronwasénnaiens ne Rawenni꞉io. Tahontásawen niahonwanatsiatónni ne Kór tánon ne Barnabas tánon sahonwatihiatínekenwe ne kanakeraserákon.

Acts 18:8

Crispus, nehne ohénton iehátakwe nononsatokentíke, tawehthákwen ne Roiá꞉ner, skátʼke ne rahowátsire; tánon séhkon iakotiokowánen nonkwesónha neh nónwe ne Corinth wahónronke nateriwanothátsera, tahiakéthakwe, ó꞉ni wahontenekwáheste.

Acts 2:5

Neh Sitaeró꞉nons thóh rathinákereʼkwe ne Jerusalem, ne rothiriwiʼióstons tsi niaʼtekanakeraseráke ne tsi ionwentsiáte nonʼnitsakawenónserons.

Acts 22:12

“Thóh non kanátakon renteróntaʼkwe ne Ananias ronwáiatsʼkwe, roriwiʼiósthonʼne rathewennarákwaʼkwe nonkwaianerénsera tánon kwáh íken tsi ronwakweʼniénstakwe neh Sitaeró꞉nons neh nónwe nihathiná꞉kerehkwe.

Acts 8:2

Tóhka niháti ne rohtiriwiʼióstons ronʼnónkwe wahonwahiatátha ne Stephen, kwáh rothitsithówas tánon tsehotiwenʼnakethótha tsi nihonwanátens.

Acts 9:11

Ne Roiá꞉ner wahawénhase, “Satateweienéntan tánon kanatakwení꞉ioke niaháse, neh tsi thohʼnónsote ne Judas tánon ehtseriwanónton ne rónkwe neh Tarsus nithawénon Saul ronwáiats. Roterén꞉naien,

Acts 9:31

Thóh káti nontáwe neh rothiriwiʼióstons wahothiʼiéntaʼne ne skénnen neh nónwe ne Judea, Galilee, ó꞉ni ne Samaria. Ne tsi wasakoiénawaʼse ne Ronikonratokénti wahatisátsʼtenne ó꞉ni wahonatiokowánahne, tánon thóhʼnon nihononʼnhétie kakweniensthatserákon ne Roiá꞉ner rahoriwáke.

Acts 9:36

Joppa nónwe skatʼiáta tiotonwísen Tabitha konwáiats, tánon tiawetakwen. (Nahosenhna ne Greek Dorcas ne ne kentons “oskenonton.”) Tiotʼkonhónwe ne iohióte ne tkariwaiéri ó꞉ni iakosniénons ne rotíten.

Colossians 4:2

Teswisástek tsi saterén꞉naien, tánon senikonráh꞉rat tsi nahóten ensaterennaienthákwe, tsi nahthentienonwerá꞉ton ne Rawenni꞉io.

1 Thessalonians 5:17

tasewahkontahkwénhak tsi sewahterennaiéntak,

Ne꞉ne Sák Rohiaton 1:5

Nók tóhka ónkak tsi nítion tisewatótʼtani ne kanikonraienthátsera, teʼiontonwentióʼon Rawenniʼióke iasewaterénnaien, rahónha enthetsítion; asèken ne Rawenni꞉io kwáh raweriáne nitewétha ó꞉ni atanitentserákon tsi ákwe tesakówis.

Joshua 24:15

Tó꞉ka iáh thóh teshá꞉nikonróh꞉ten nahtsiotense, iateshá꞉rihwaientas nón꞉wa wenhniserá꞉te ónhka enshé꞉hiotenhse, ne kahiá꞉tonhnisonhas ne shá꞉sotʼtserahokonkenʼen rathisennahienskwe ne Mesopotamia tó꞉ka ó꞉ni ne rahothihiatonnis ne Amorʼró꞉nons, tsi róh꞉nonha rahononhontsake nón꞉wa non nishé꞉nahkere. Ók ki ní꞉i tánon nakwahtsire, Roiá꞉ner ki enshá꞉kwahiotenhse.”

Revelation 15:4

Saiá꞉ner í꞉se ne iáh teshaterónhni tánon aieshasenhnowánate? Asénke iateshiá꞉ti ne sahiatatokénhti. Akahontsakwé꞉kon kwáh éntsien tánon enieshasénhnaien sahén꞉ton, asè꞉ken ne sariwenhtá꞉tsera kwáh kíʼ iotehrihó꞉tashion.”