Acts 10:11 - Ohiatonhseratokénti

¹¹ Tsi ní꞉ioht wahatʼkátho watewateronhiakʼkhási tánon tsi ní꞉ioht ne wenʼniatarowánen tahiotsʼnentonhátie kwáh tehiotekerónte tsi wakaiéntaʼne nonwentsiáke.

Acts 10:11 ပူးပေါင်းရင်းမြစ်များ

Genesis 49:10

Ne Judah kwáh enhoienawaʼkónhake ne kanontiió꞉tshera aóʼnhia, Tánon ne tsi nienhathwatsi꞉rine tió꞉konte enhatikó꞉rake. Nonkwehshón꞉ʼahs ohwísta enhonwakariaʼkséhake tsi niwathwistaró꞉roks ne kanakerahserá꞉kon; kwáh tsi niió꞉re nonkwehshón꞉ʼa ráonha raonkweʼtaʼshón꞉ʼahs enhón꞉ton. Tánon teniontshaʼktón꞉sheke ne raohén꞉ton tsi nenhonwawennaráhkhwake.

Isaiah 43:6

Kwáh enkénhase nothorèke, “Sehiát꞉kaf,” tánon nenhtiéne, “Tó꞉sa shehiótats; tontashehiaténhaf nakenekenteronhtseraʼshónhas nahinónsons nió꞉re ít꞉ken tánon ne khehiohokónhas tionatʼtonhwísens ne tsi ieiotonhontiotʼtaníhon iekónhnes—

Isaiah 56:8

Né kí aoríhwa rá꞉ton ne Roiá꞉ner Rawenni꞉io, tsi rahónha sehsakoiataróhroks ne iontatsatinekénhon NʼIsraerʼronónke, kwáh kí enkheiataróhroʼke nakorénhsons ne raoʼtirihwá꞉ke tseshá꞉tiʼte ne onenk ronwatiiatarorón.

Ezekiel 1:1

Ne ásen-niwáhsen shiʼioserahkéhaton, ne kaieríhaton siwenhnitakéhaton, ne꞉ne wísk-khaton siwenhniserahkéhaton, skátʼke iákweskwe ne tionkhihianahkerahkwáhton ne꞉ne tsi kaniatarahtátse ne Chebar, ne tsi karonhiáte onhtenhothónko, kwáh ne ne ahonkatetʼtsénseke Rawenni꞉io waí꞉ken.

Matthew 8:11

Nese ȣaonni katon kentiokoȣanen, tsi tkarakȣinekens oni tsi Iateȣatsothos nentienseron, nok enskatne ienhatikȣekon kanakeraserakon ne karonhiakon, Abraham, Isaak, Jacob.

Luke 3:21

Nok tsi iontenekȣahesta nonkȣeokon, etho oni neneh ȣahatenekȣaheste ne Iesos; nok tsinikariȣes roterennaien, tontonteronhiakhasi.

John 1:51

Ȣahaȣenhase oni: oriȣiio, oriȣiio tsi ȣakonrori: tsi ensatkatto tenhioteronhiakhasion eh niienshonenonhatie ne Niio Raoronhiakeronon enthonastsnentonhatie oni tsinonȣe nenhenterontake nʼonkȣe Roienha.

John 11:52

Iah oni neh ok teken ne Sitaeronon, neh oni nasakoiataroroke nok oni iatasakoiestste ne Niio sakoienhokonha nʼok tiiateiakorehnihonne.

John 12:32

Nok nii nonen enseȣakateratakȣen ne kentho ionȣentsiate, akȣekon nonkȣe akonhake entekeiatatihentho.

Acts 10:12

Thoʼkontihiáti ne kwáh tsi niatekariótakes, oniaresónhas, ó꞉ni niaʼtekatsitenserákes.

Acts 11:5

“Tsi nikaríwes wakaterenʼnaiéntakwe ne kanátakon ne Joppa, Kwáh wahkatʼkátho knahótenk tahiosnentonhátie kwáh neh teskaieróntare tsi ní꞉ioht ne wasirowánen kaiéri naʼtekahiósaien thahiónsente karonhiáke, tánon tiatákʼtha watʼkátaʼne.

Acts 7:56

“Sewatʼkátho!” wahénron. “Wakatʼkátho watewateronhiakʼkhási tánon ne nónkwe roiénha tsi raweientethákwen ne Rawení꞉io Í꞉rahte!”

Romans 1:16

Asèken iáh tekatéhense ne kariwiʼiósthotsera; neh ne raotsténsera íken ne Rawenni꞉io ne naʼkoʼienawahséntsera nonkweʼtakwékon ne iakóien tewetáhkwen, ne ne ratisitaʼero꞉nons entʼthontiérenhte ethoʼne ne iáh tehatisitaeronons.

Romans 9:4

Rohnónha neh Rawenni꞉io rahonkwetaʼsónha; rahónha rohtewirahrákwen ó꞉ni washakawenésten ne rahohiatanerakwátsera; iathonteriwáieste tánon tasakáwen ne kaianerénsera, Rawenni꞉io wahsakonathónhaʼse tsi ní꞉ioht tsi ahonwasénʼnaien neh kwáh tkariwaiéri; wahathiʼiéna ne Rawenni꞉io tsi nihorarasthánions;

Galatians 2:15

Oriwiʼiohónwe, Tewasitaeronons tsi ionkwanakeráton tánon iáh “tehionkwariwánerens tsi ní꞉ioht ne iáh tehatisitaerónons.”

Galatians 3:28

Kwáh káti iáh thénen tathetiatʼthíhen ne Sitaeró꞉nons tánon ne Iatehatisitaerónons, tsi natehónteron ne rathináskwas ó꞉ni ne rontatewenní꞉io onkwesónha, tsi natehóntere ne ronnónkwe tánon ne konnónkwe; kwáh sewakwékon tsi énskat iéken tsi tesewateriwasóntere ne Kerístos Ié꞉sos.

Ephesians 1:10

Tsi nihotenikonríson, ne Rawení꞉io ienwatewehieiéntaʼne ne nónen kwáh entkaiérike neh naiáwen꞉ne, nehne oriwakwekon ensaróhʼroke tsi naotenson rosahanion, oriwakwekon ne karonhiáke ó꞉ni nonwentsiáke, tánon Kerístos nonóntsi íken.

Ephesians 3:6

Ne kariwaséton nètho kariwíʼios, iokwénion thetsaron ne iáh thehathisitaerónons ó꞉ni ne Sitaeró꞉nons nahathiʼiéna ne Rawenni꞉io rahohiathateríhtsera; rahthikwékon neh sakaierónta nónwe nihathihiátare tánon satehonáwenk tsi nihorahráston ne Rawenni꞉io tsi tehahonkóton rahonháke ne Kerístos Ié꞉sos.

Colossians 3:11

Tsi niateionéhnon, iáh ó꞉nen thé꞉nen taʼtestsiatʼthí꞉en tsi naʼtehón꞉tere ne iáh Tehatisitaeró꞉non tánon ne Sitaeró꞉nons, nahonwatiwahrakweráron tánon ne iáh tehonwahtiwarakweráron, tihononhontsá꞉tes, ratirahkonró꞉nons, ratináskwas, tánon ne rontatewenní꞉ios, nok Kerístos seh norihwakwé꞉kon, Kerístos seh tsehahiatakwení꞉io.

Revelation 11:19

Ethò꞉ne ne Ní꞉io raononsatokentikó꞉wa ne karonhiá꞉ke ontehnhotónhko, tánon ne raoneró꞉kwa nateriwaseronhniá꞉tshera wahontkáto thóh káien kanónskon nononsatokentikó꞉wane; tánon tsi natewaninekarakwáhnion, iowé꞉ren, tentsawénhstsi enkawé꞉re, teniahontsí꞉sonkwe, tánon wé꞉so tsi enhiowisónti.

Revelation 19:11

Eʼthó꞉ne wakatkáto onteronhianhotónko, tánon thóh nón꞉we ní꞉res kanaskwará꞉ken! Ne roʼshá꞉tentse ne ronwanaʼtónhkwa Roʼriwatóken tánon Oriwí꞉io í꞉ken, tánon thóh kariwakwarishontserá꞉kon tsi tehaiatoréhtha tánon rateriioserónhnis.

Revelation 4:1

Onakénhke kíʼ wakatkáto, tánon tho karonhiá꞉ke watewatenonhón꞉ti! Tánon ne tontié꞉renhte nowén꞉na, tsi ne né꞉tho onkathón꞉teʼne wakʼthará꞉ni kwáh né꞉ne ieonrawátstha, wá꞉ton, “Kén꞉en taserákthen, tánon í꞉i enkonhnatónhase tsi nahó꞉ten ó꞉nenk tsi thóh nenhiá꞉wenhne nonakénhke kí꞉ken.”