Acts 1:9 - Ohiatonhseratokénti

⁹ Ne nónen saharihókten sahatʼtarátate Karonhiáke nionsáre tsi tiaʼtehonwakánere, tánon notsìkera tahoróhroke neh wahonatʼrenhósten.

Acts 1:9 ပူးပေါင်းရင်းမြစ်များ

Psalms 68:18

Onotoharakénhiaʼte niahá꞉re, ronatsokowánen sakohiatenháwi ne ratinótonkwe; waʼhaienásehron nathatawítseras tsi nahonwahwí꞉hon ne ronhnerhiasanírons, né nahónton nètho Roiá꞉ner Rawenni꞉io thóh nón꞉we nahenterónhtake.

Exodus 19:9

Ne Roiá꞉ner wahawénhaʼse ne Mahís, “Iotsikeráhtens nónhwe nènhtke tsi enkonhiatóʼrenhne, ne káti nonhkweshón꞉ʼas nahionkewenhnáronhke tsi tehionkeníthare tánon entiésehtaʼkwe ne kénʼen enhiotiéthe.” Ne Mahís wahó꞉rori ne Roiá꞉ner nahó꞉ten nonhkweshónʼ꞉as tsi wathatiriwaʼsehráhko,

Exodus 34:5

Ne Roiá꞉ner otsathàke nónhwe tsi tahátsʼnenhte, skátke thóh nónhwe natníhtane, tánon wahatró꞉ri ne raosenhnatokénti, né Roiá꞉ner.

Isaiah 19:1

Nateriwanoʼtátshera ne aorihwàke Egypt. Satkátho, ne Roiá꞉ner ne rohonwí꞉sere ne tehiotsaʼtáka tánon wáhraʼwe ne Egypt nón꞉we; nahohiatonhniʼsónhas ne Egypt kwáh thenhiowí꞉shonkwe ne rahohénton, tánon ne raonerhiaʼnéshon ne Egyptró꞉nons kwáh enhotiʼwistanáwenhse ronhnonháke.

Daniel 7:13

Tsi ní꞉ioht tsi waʼkatkahthóseron ne tsi niwahsón꞉tes, kwáh né ne ón꞉kwe teskaieróntare tsi wahíken. Tsi nón꞉we ní꞉keʼs nontahawenonhátie teiotshátare ne raiaʼtákta, tánon eʼtho niaháre tsi niká꞉ien ne wahónnise shihrónnhe tánon waʼthonwatenròseron.

St. Mark 16:19

Nonen saharihokten ne Roianer, ȣahattaratate Karonhiake niionsare nok tsi thaȣeientetakon ne Niio ionsahatien.

Luke 21:27

Nok ethone oni onen enhonȣaken nonkȣe Roienha otsikerakesson natenthaȣenonhatie kasastenserakon oni Kaiatanerakȣatserakon.

John 6:62

Oh kati ne kenh naiaȣenne natsiseȣaken nonkȣe Roienha eh niiaonsare tsi nonȣe thenterontakȣe ne tiotierenton?

Acts 1:11

tánon waníron, “Galileeronons, nontiéren tsi thóh ísewaʼte karonhiáke hiatesewakánere? Kíʼ Ié꞉sos, tsi thonʼsehsewatetʼkhási Karonhiáke nionʼsáre, kwáh thóh ní꞉ioht tsi tètʼre tsi ni꞉íoht tsi watsísewake Karonhiáke nionsáre.”

Acts 1:2

tsi nióre siakáheʼwe karonhiáke nionʼsahatʼthaʼrátate. Nohénton sonsaʼhatʼtharátaʼte, rahosatsʼtenserákon ne Ronikonratokénti tsi wasakorihonthónʼnion neh ronnónkwe ne sakohiatarákwenʼne nehne skát꞉ke ratikweʼkónʼne.

1 Thessalonians 4:17

éhʼthoʼne tsi nítion nentiónnheke neh nenkaháwike skát꞉ke tsi enhionkhihiataróhroke tsi iotsiatarónnion nónwe natentewahtátʼken ne Roiá꞉ner. Kwáh káti tsi nénwe tsi Roiá꞉ner entewahkwekónhake.

1 Timothy 3:16

Iáh ónhka taiekwéni nahiontonníhen tsi nikowáhnen kariwahséhton nonkwariwiʼiosthóntsera: Tsi wahathotáshi ónhkwe íken, kwáh tkariwahiéri tsi ronwenéston rahonháke ne Ní꞉io, tánon ronwáhken ne ratironhiakerónons. Ronwahteriwahnóthe tsi nòkwa ne kentiókwas, kwáh ohontsiakwékon thonwetákwen, tánon karonhiáke niesonwahiaténha.

Revelation 1:7

Satkáto! Tahawenonhátie thóh otsikerakéhsons; kwáh niatekaká꞉rake tsi enhonwá꞉ken, iekaní꞉hare tsi nihá꞉ti ne ronwaháson; tánon raónha enharihón꞉ni akwé꞉kon ne iená꞉kere tsi ionwenhtsá꞉te kwáh enwaktsithó꞉ko. Káti kwáh thóh nenhiá꞉wenhne.

Revelation 11:12

Eʼthò꞉ne wahiwenhná꞉ronhke karonhiá꞉ke nontá꞉we iakohró꞉ris, “Kén꞉en tasheniratʼten!” Tánon thóh otsikerakéhson nionsahiatʼtaráthate karonhiá꞉ke é꞉thó nénhne ne ronwatí꞉sons ronwanateró꞉ron.

Revelation 14:4

Ne tsi ronón꞉ha iáh tateonatatsiatastónston skátne ne konhnón꞉kwe, asè꞉ken iáh teotiniá꞉kon; ronón꞉ha ronwahnonterátses ne teonakarontón꞉ha owí꞉ra kwáh tsik nón꞉we nienhénre. Ronón꞉ha ne shonwatiiatákwen tsi nokwáh ne onkweshón꞉as kwáh né꞉ne entewatsetrénhte kaientwákwen ne enthón꞉ion ne Ní꞉io tánon ne teotinakarontónha owí꞉ra,